¹ Nomba ukuyana na vino mwawalike: ''chazipa ukuti umonsi atakumya umwanachi.'' ² Kweni pamulandu wa melezyo ayavule ayawuchende, umonsi wensi alingine aye numuchi uwakwe nu wakwe, nupya umwanachi wensi alingine aye numulume uwakwe nu wakwe. ³ Umonsi akwanisye umulimo wuno wulingine numuchi, nawe umuchi chilichonga ku mulume. ⁴ Asi umuchi wino akweti amaka pa mwili wakwe, umulume awino akweti. Munzila yiyo kwene, umulume atakweti amaka pamwili wakwe, kwene umuchi awino akweti. ⁵ Mutakanana, ponga - ponga ndi muvwana napo pansita iyakumanyikwa muwombe chino ukuti muyiyike mwi pepo. Apano mwize ponga nuya, umwakuti chiwa(satana) atawezya pamulandu uwawula ukuyilema. ⁶ Kweni nkuvwanga ivintu vino kuli mwmwe mwakuyazumilizya kweni asukupingula. ⁷ Nalondanga ukuti wensi aye ndi vino ndi kweni umuntu wensi waya nichawilo ichakufuma kuli Leza. Wumwi wakwata ichawilo ichamusango wuu, muwuze wuwo. ⁸ Kuyasimbe na yafwilwe, nkuvwanga ukuti chazipa ukwikala uwusimbe, ndi vino ndi. ⁹ Kweni ndi yatanga yayileme, yatwale. Chazipa yatwale ukuti yatapya numwenzo wa kukumbuchila. ¹⁰ Nomba kuyatwale nkuwapiungula asa nene, kweni mwene umwanachi atalekana nu mulume ¹¹ (Ndi angalekana nu mulume, ayikale uwusimbe pamwi awelele kumulume), nawe umulume atamusoka umuchi. ¹² Kweni kuli yano yasyala nkuvwanga ukuti - nene, samwene - ndi wunji wumwi ali nu mwanachi wino atasuwila, ndi ali numwenzo wakwikala nawe atalingine ukulekana nawe. ¹³ Ndi umwanachi ali nu monsi wino atasuwila, kweni ndi ali numwenzo wakwikala nawe atalingine ukulekana naw. ¹⁴ Amuno umonsi wino atasuwila aliswepa umulandu numuchi, nawe umwanachi wino atasuwila aliswepa umulandu nu mulume ndi chitayanga vii ayinu yatanga yaye ayaswepe, kweni nomba yakuya ayaswepe. ¹⁵ Kweni ndi wino atasuwila ukufuma, mutini apite. Mumusango wuwo, umonsi pamwi umwanachi asumunyepwe kuluvwano lwawo. ¹⁶ Leza watwama sweswe ukwikala mu mutende. Ukumanya wuli, mwanachi, kuno ungize upususye umuchi wako? Pamwi ukumanya wuli, monsi ukuti ungize upususye umuchi wako? ¹⁷ Napano wuli ndi muno Leza wapela umunthu wensi ichakwe, Leka wensi apite muno Leza wamwamila. Lii isunde lyane mu ng'anda zyonsi izya mapepo. ¹⁸ Wuzye kwali wumwi umulembululwe pano wamwanga ukuti asuwile? Atati aye umulembulule. ¹⁹ Pano asi ukulembululwa pamwi ukunthalembululwa kuno kukulondwa. Chino chikulondwa ukuvwila amasunde yakwe Leza. ²⁰ Umunthu wensi aye mulwamo luno walimo pano Leza wamwamile ukusuwila. ²¹ Uzye wali wo muzya pano Leza wakwamanga? utapechela ukuyana na chii. Kwene ndi chakuti ungasapuka, sendelapo ulongo wakwe chino. ²² Ndi wumwi akwamwa na mwemwe ukuya umuzya, wikwene ali muntu wakwe mwene umusapuke munzila yiyo kwene, wino wali umusapuke pano wamwanga mukusuwila umuzya wakwe Kilisitu. ²³ Mwakazilwe nu mutengo, apano mutaya amwe yazya ya wantu. ²⁴ Yanji, mukayele konsi kano walimo pano wamilwe, lekini wensi ayikale na Leza. ²⁵ Nomba ukuyana nayanachi yano yasitela yatwlawe, insi ni sunde ilyakufuma kulin mwemwe. Kweni nkuwapela amelenganyo yane ngati ne wumwi, muwila wakwe mwene, umusuwilwe. ²⁶ Apano nkwelenganya ukui umulandu ni ntazi zino zikwiza, ichisuma umonsi aye muno wayelile. ²⁷ Wuzye wanyepwa ku wako? utalonda ukumusoka. Ndi wemusapuke ku mwanachi, utalonda umwanachi. ²⁸ Kweni ndichakuti watwale, lino utayembwike, nupya ndi chaakui umwanachi wio asitela atwalwe ukutwalwa, atayembwike kwene wonsi yano yakuwomba yalikwata inthazi izivule, izyakulekana izya mwili. Apano nkulonda ukuwatalusya ukufuma kuli chii. ²⁹ Kweni paa nkuvwanga, mwe yanji: Insita iyinono ukufuma insita yino, ukuya ku nkolelo, lekini yano yali nayanachi yaye ngati yatakweti. ³⁰ Yano yakulosya, yawombe ngati yatakulosya, na yano yakusechelela, na yano yakukala yaye ngatiyatakweti chimwi. ³¹ Na yano yakuwomvya insi yatafwi yawombe ngati yakuwomvya umwakufikapo, pano insi mukayela akandakayi ikwiza ku nsilo. ³² Ningakunda ukuti mutasakamala umonsi umusimbe akasakamikwa nimilimo yakwe Mwene, muno angamusechelesezya. ³³ Pano umunsi umutwale akasakamikwa nimilimo yans, muno angasechelesezya umuchi wakwe. ³⁴ Wankanyikwa umwanachi umusimbe pamwi mwali akasakama ukuyana ni vintu vyakwe mwe muno angayiyichila pa mbali mu mwil na mupasi Kweni umwanachi umutwalwe akasakamala imilimoyansi muno angasechelesezyaumulume. ³⁵ Nkuvwanga chii ukutichiwazwe, ntakuwakanya, nkuvwanga chii pali chino ichamolimo, ukuti muyipe kuli mwene ³⁶ Kweni ndi chakuti wumwi akwelenganya ukutiatakumupela umwanakwe umukazyana umuchinzi - ndi chakuti apitilila ichimo chantwalwa nukuti chifwile chiye vivyo kwene- afwle awombe chino akulonda Atakuyembuka yafwile yatwale. ³⁷ Kweni dichakuti akwimilila namaka mumwenzo wakwe nd chakuti atakupatichizwa kweni ndangawomba ukulonda kwakwe nukuti ndiwaputula mumwenzo wakwe ukuwomba chii, nukusunga umukazyana wakwe lino wachita ningo. ³⁸ Achino wino watwala umwanakwe umukazyana wachita ningo, na wino wasola ukuntatwala angawomba ichizima ukulusya. ³⁹ Umwanachi akanyepwa ku mulume ndi umulume umumi. Kweni umulume ndi wafwa , umusapuke(umwanangwa) angatwalwakuli wensi wino angalonda, kweni muli Mwene. ⁴⁰ Kweni muwupinguzi wane aliya uwakusechela ndi chakuti akwikala muno ayelile. Nupya nkhwelenganya ukuti nani nkhweti umupasi wakwe Leza.