¹ Nomba ukuyana ni chakulya kuli ya leza ngoza: Tumanyile kuno sweswi tuchimanyile. Uwumanyi wukayitunvya, kweni ulukundo lukazenga. ² Ndichakuti wumwi akuyelenganya kuno wamanya chimwi, umuntu wiyo achili atani amanye ngati vino afwile amanye. ³ Ndichakuti umuntu wumwi wakunda Leza umuntu wiyo umumanyikwe na weliwe. ⁴ Apano nomba, ukuyana nukulya ichakulya ichakuyipa kuliya leza ngoza: Twamanya kuno leza ngoza munsi yino ataya nachimwi nukuti pasi leza muze kweni wenga. ⁵ Napano ndichakuti kwali yano yamwanga ya leza, napano ukupela nanti munsi(ngati vino kuli ''yaleza'' ayavule na ''yamwene'' ayavule), ⁶ Kweni kuli sweswe kuli sile Leza wenga, Tata, wino ivintu vyonsi vikafuma muli weliwe nukuti muli weliwe amuno twikalila, na mwene wenga Yesu Kilisitu, muli wino ivintu vyonsi vikalolechela, nupya muli wino tukalolechela. ⁷ Nanti wuli, ukumanya kuno kusi muliwensi. M'malomwakwe, wumwi ichisila wapepanga leza ngoza, nukuti yalyanga ichkulya ngati ichawupi kuli leza ngoza. Intwitwi zyawo zyali izikandike mulandu zyali izifoke. ⁸ Kweni ichakulya chitanga chitutwale sweswe kuli Leza. Asi sweyayipe ndichakuti tutakulya, pamwi chingazipa nditungachilya. ⁹ Kweni muchenjele ukuti uwuntungwa winu wutaya umulandu kuli wumwi wino asi na maka mwisuwilo ukuchingwa. ¹⁰ Ndichakuti wumwi wawalola, wino amanyile, ukulya ichakulya mu matempeli yakwe ya leza ngoza. Wuzye si ntwitwi zyakwe infoke zikumukomya a pakulya chino chikupelwa kuli ya leza ngoza? ¹¹ 7 Nomba pamulandu nu kuvwichisya kwinu ukuyana nu wumolimo wakwe ya leza ngoza, ayafoke, umuze wakwe wino Kilisitu wafwilile, umononeke. ¹² Achino, ndi wayembuka kuyawuzo nukuchisa intwitwi zyawo infoke, ukuyembuka kuli Kristu. ¹³ Achino ndichakuti ichakulya achino chikuchinga umunji, ntalitela indye nupya inyama, ukuti ntati mpanjisye uwunji ukupona.