¹ Tuvwle ukuti kuli uluyembu lwa wuchende pakasi pali mwemwe, uluyembu luno yasiluzumilizya nukuti yano yatazumila Leza: Umuntu akuya na muka yisi. ² Mwemo mukuyikwezya! Uzye sichakulilisya, nukuti wino awomvile chino mungamusisya ukufuma pali mwemwe? ³ Nanti wuli insi namwe ku mwili, indi po ku mupasi. Nanti mpingula mpiti umulandu pali wino wawomvile chi, ngati apano naliko. ⁴ Ndi mukongine mwizina lyakwe mwene witu Yesu nani indi namwe mu mupasi, na maka yakwe mwene witu Yesu yalipo, ⁵ Twalini umuntu wino kuli satana ukuti umwili wukononeke, ukuti umupasi wakwe wungiza waupusuke pa wanda wakwe mwene. ⁶ Ukuyikwezya kwinu sukusuma. Uzye mukumanya kuno ichilingo linono likayana umukate wonsi? ⁷ Yiswefini mwenga kuchilungo cha mphiti, muye mwe munya wupya, uwawula ichilungo, ndi muno muyelile vivyokwene. Muno Kilisitu umwana wang'onzi witu, wakwe pasika wayipela. ⁸ Apano izini tusechele ivya kulya, ivyawula ichilungo champiti, ichilungo cha musanga uwuyipe nu luyembu. Nkandi, izini tesechele ni mukate u wawula ichilungo uwa kusimichila nu molimo. ⁹ Na wawalichile muli kalata wane ukuti mutalemelelana na yantu uyaluyenmbu lwa wuchende. ¹⁰ Munzila yonsi ntelenganyanga antu aluyembu amunsi yino, pamwi apuneke, pamwi afweka, pamwi uyuwufi, pamwi yano yakapepa ivi fwani , pano ukufuntuka kuli woliwo lino wafuma munsi. ¹¹ Kwene nomba nkuwalika kuli mwemwe kuti mutasanzikana na wensi wino akwama umuze kwene wikalila mu uluyembu lwa uchende, pamwi ayambunu, pamwi yakapepa ya vifwani, pamwi ukutukana, pamwi yachakolwa, pamwi umufyeka. Mutize mwalya ichakulya nu muntu wa msango wu. ¹² Uzye chikunkumya wuli pakuwalonga ayakunzi kwa ng'anda yamapepo? Mumano yakwe, uzye asa mwemwe mulingine ukulonga aya mukasi mwa ng'anda yamapepo? ¹³ Kwene Leza akalonga yano yali ukunzi. ''Fumyini umuntu wa luyembu pakasi pali mwemwe.''