¹ Nukuti nene, mweyanji, tangavwange kuli mwemwe ngati antu amumupasi, kweni mumalo yakwe ngati ku yantu a mwili, ngati ku yana ya nono muli Kristu. ² Nawamwesizye ulukama, si chakulya ichikome awe, pakuti mutayipekinye pakupochelela; nukuti paka nomba mutayiperkinye. ³ Pano muchili muli ka mwili. Pamulandu uzuwa nu lombwa vyaya muli mwemwe, uzye musiyikala ukulingana na kumwili, nukuti musipita ngati iminyela ya muntu? ⁴ pano wenga wino akuti, '' ikumukonka Paulo,'' nu muze akuti, ''ikumukonka Apolo,'' uzye simweyantu sile? ⁵ Aweni namba apolo? Paulo aweni? ayawomvi yano mwasuwilamo, ngati muno mwene wapela milimo kuli wenga. ⁶ Nakomile nukuti Apolo witilila, kweni Leza wavikuzya. ⁷ Nomba alino, pamwi wino wakomila nanti wino witila uwasile. Kweni a Leza wino akuvikuzya. ⁸ Nomba wino wakomila na wio akuyitilila yayine, nukuti wensi alapochelela ivilipwa vwakwe ukulingana ni milimo yakwe ni yakwe. ⁹ Pano sweswe swryawomvi yauze yakwe Leza. Mwe chalo chakwe Leza, chikulwa chakwe Leza. ¹⁰ Ukulingana ku luse lwakwe Leza luno lwapelwa kuli nene ngati a kakula mukalamba umumanye, nayisili ulufula nu muze nawe akukulapo. Kweni lekan wensi muntu alolachese muno angakulilapo. ¹¹ Pano pasi nawenga wuno angayipo ulufuka ukuchila wino wayikapo, wino, a Yesu Kristu. ¹² Nomba ndi wenga wakula palufula zaabu (wino a golide), feza (wino a siliva), amawe ya mutengo ukalamba, imiti, isote, pamwi amapelele, ¹³ umumilimo yakwe umulamanyikwe, pano uwanda wuliwumbula. pano wuluwumbulwa nu moto. Umoto ulezya uzima wakwe vino wensi wawomba. ¹⁴ Ndi chakuti umumilimo yakwe umwi yasala, alapochelela ichaupi; ¹⁵ Kweni ndi chakuti mulimo yakwe umwi wapya aliwola sile, kweni weliwe wenga alapusuka, alanyana ngati apano alileuka ukupitila mu moto. ¹⁶ Uzye mutamanya ukuti mwa tempeli yakwe Leza nukuti umupasi wakwe Leza ukayikala muli mwemwe? ¹⁷ Ndi umwi akonona tempeli yakwe Leza, Leza alimonona muntu wiyo. Pano tempeli yakwe Leza iyitela,nukuti a mwemwe. ¹⁸ Pataya nawumwi wakuyisomba wenga. Ndi umwi muli mwemwe ukwelenganya ukuti uwa mano mukulo yino, lekani aya ''mutupe'' ukuti angaya uwa mano. ¹⁹ Pano amano amunonsi wutupe kuli Leza. Pano cha walikwe, ukuti, '' walema ayamano muwuchenjezi wawo.'' ²⁰ Nupya, '' Mwene wamanya kwelenganyo kwa amano ukuti a sile sile." ²¹ Apano pamulandu wuno, pataya umwi ayilimba mu yantu. Invintu vyonsi ivya kwinu, ²² Pamwi Paulosi, pamwi Apolo, pamwi Kefa, pamwi insi pamwi uwumi, pamwi imfwa, pamwi vintu vino vilipo, pamwi vintu vino vikwiza. Ivintu vyonsi ivya kwinu, ²³ nukuti namwe mweyakwe Kristu, na Kristu ali Leza.