1
Eje ua isanena ovehonge Ve imba omurongo navevari pamue, nu E ve pe omasa nouvara kombanda jozombepo ozombi azehe, nokuverukisa omitjise.
2
Nu Eje U eve hinda okukazuvarisa ouhona ua Mukuru, nokuverukisa ovavere.
3
Nu Eje uatja kuvo, Amu ritoorere ko otjina okurirongerera oujenda, nangarira ozonguinja, poo embo, poo omboroto, poo ovimariva, poo umue okukara nozombaikiha mbari.
4
Nu kangamua ondjiuo aihe mu mua hiti, kareje mujo nga tji mua piti motjirongo tjo.
5
Nu ngamua auhe hina ku mu jakura, ene tji mamu piti motjihuro tjo, pukumuneje oruuma kehi jozombaze zenu, irire ouhatoi kuvo.
6
Nu ovo va kumuka nu ave tuurunga ozondoropa amave zuvarisa Ombuze Ombua, nu amave verukisa akuhe.
7
Nambano Herodes, ingui omutetrarki, ua zuvire ovina avihe mbi ja vi tjitua i Je, nu arire tja temua orondu ovandu tjiva ija ve tja Johanes ua penduka movati;
8
Tjiva avetja Erija ua munikire; nu tjiva va tjere umue uovaprofete va rukuru ua penduka rukuao.
9
Nu Herodes ua tjere, Johanesa mba konda otjiuru, nambano ingui ouani ngu me korerua ovina mbi tamba? Nu Eje ua zerire okumumuna.
10
Nu ovaapostle, tjiva kotoka ve Mu raera avihe mbi va tjitire. Nu Eje Ue ve toorere kourike uao, nu Ai puena koruveze ndu hari novandu, ruotjihuro tja Bethsaida.
11
Nu ovimbumba viovandu tji via tjivirue, vie Mu kongorera. Nu Eje Ue ve jakura nu A hungire kuena vo ohunga nouhona ua Mukuru nu A verukisa imba mbari nouhepe uomberukisiro.
12
Nejuva tjira utire okutoka peja imba omurongo navevari, nu ave tja ku Je, Hinda otjimbumba tji tji kaende, kutja ve hite movihuro namozonganda nderi mongondoroka, ve ka mune omara novikuria, orondu pona puturi imba ongaango.
13
Nunguari Eje uatja kuvo, Ene vepeje ve rie. Nu ovo vatja, Ete katuna otjina pendje jozomboroto ndano nomahundju jevari, andu tjitua karandera ovandu imba avehe ovikuria.
14
Orondu pari novarumendu mangara omajovi jetano. Nu Eje uatja kovahongeua, Ve haamiseje pehi movimbumba vio mirongo vitano.
15
Nu ovo va tjita nao, nu ave ve haamisa pehi avehe.
16
Nu Eje ua toora inda ozomboroto ndano na inga omahundju jevari, nu A tara kejuru, Evi sere ondaja, nu a teja, nu A jandja kovahongeua kutja ve jandje kotjimbumba.
17
Nu avehe varia nu ave kuta. Nu ovo va toora ovihanda omurongo na vivari mbie urire outekatekero uomboroto nomahundju.
18
Nu pa kara nai, kutja, Eje ngunda ama kumbu peke, ovahongeua V eave ri puenae, Eje Ue ve pura, atja, Ovandu vetja Ouami une?
19
Nu mezirira ovo vatja, Johanesa omupapitise; nunguari tjiva vetja, Erija, nu tjiva vetja, umue uovaprofete va rukuru ua penduka rukuao.
20
Nu Eje uatja kuvo, Nunguariene mutja ouami une? Petrusa ua zira atja, Ingui Kriste ua Muhona.gnv.
21
Nu Eje Ue ve rakiza nomasa nu E ve pangura kutja ngaave roro ave raere ko omundu otjina tji,
22
Amatja, Omuna uOmundu uasokuhihamisiua movina ovingi, noku ka tondua ijovanene, novapristeri ovanene nnovatjange, nu aka zepiua nu a pendurua mejuva oritjatatu.
23
Nu uatja kuvo avehe, Auhe ngu ma vanga okundjikongorera, ngeri patane, nu a tore otjikoroise tje aruhe, nu e Ndji kongorere.
24
Orondu ngamuaauhe nguma jama omuinjo ue ma pandjarisa uo, nunguari auhe ngua pandjarisire omuinjo ue Ami, ingui ongu ma ujama.
25
Orondu mape kotorere omundu tjike kutja a huure ouje auhe, e ripandjarise omuini poo a nakerue kokure.
26
Orondu ngamuaauhe ngua tisiua i Ami poo ijomambo uandje ohoni, Omuna uOmundu meje k tisiua ije ohoni tji Me ja moujere Ue, nouaIhe nouovaengeri ovajapuke.
27
Nunguari Me mu raere ouatjiri pena tjiva mba kurama imba mbe hina ku rora ondiro nga tjiva munu ouhona ua Mukuru.
28
Nu mangara omajuva hambondatu kombunda ja tjaza nokuhungira ovina imbi, Eje ua toora Petrusa, na Johanesa, na Jamesa, nu ave rondo kondundu okukakumba.
29
Nu ngunda Ama kumbu, otjisano tjombunikiroje tja tanaurua, omituaro vie via rira omivapa nu avi kenakena.
30
Nu tara, ovarumendu vevari ija ve hungire kuena Je, ooMose na Erija,
31
Mba munikire moujere uejuru, nu ija ve hungire kuena Je ohunga nondiro ndja sere oku tjitua mOjerusalem.
32
Nunguari Petrusa na imba mbari puenae va havererue ijozombotu. Nunguari mokupenduka otjiva muna oujere Ue na imba ovarumendu vevari mba kuramene puena Je.
33
Nu pa kara nai kutja ovo tjija ve kaenda, Petrusa uatja ku Jesu, Muhonge, okukuua kutja ete tu ri mba, nu kurama tu ungure oviranda vitatu, tjimue tjo Je, na tjimue tja Mose, na tjimue tja Erija; ae hina kutjiua kutja matjavi.
34
Nu ngunda eje ama hungire nai, pa rauka otjikamba, nu atji ve kovere. Nu ovo va uruma tjija ve hiti motjikamba.
35
Nu muaza eraka motjikamba amaritja, Ingui Omuna uaNdje omusuverua, zuvee ku Je.
36
Nu eraka tji raza nokuhungira Jesu ua munika erike. Nu ovo va umanene, nu ka ve raerere ko omundu imbi mbi va muna momajuva ngo.
37
Nu pa kara nai mejuva ependukirua, ovo tjiva heruka kondundu kutja va uana otjimbumba otjinene tjovandu.
38
Nu tara omurumendu mue u aura mokati kao amatja, Muhonge, me rijarikana ku Ove, tara komuna uandje, orondu eje omuatje uadje erike.
39
Nu tara ombepo i mu hakana, tjimanga a utu okuura, nu ojti i mupukaura nu a huku etutu. Nu I pita mu je nokumuhihamisa noku mutuamovitumbo.
40
Nu mba ningire ovahongeua voje kutja ve i nakere pendje, nu ovo kave pe urire.
41
Nu Jesu Ue mu zirire nu atja, Ouee nondekurona okehinangamburiro nu ndja puka ndji, Me kara puena ene, nu E mu karere nomuretima ngapi? Eta omuna uoje nguno.
42
Nu eje ngunda ama jende, ombepo otjije mu vanda pehi, narire tjije mu pukaura. Nu Jesu ua kandaiza indji ombepo, nu a verukisa omuatje, nu E mu jandja ku ihe.
43
Nu avehe va temisirue ijomasa omanene ua Mukuru.Nu avehe ngunda ava temisiua ijovina avihe Jesu mbi ja tjiti, Eje uatja kovahongeua Ve,
44
Omambo inga ngaje punde kehi momatui uenu, Orondu Omuna uOmundu ma ka jandjeua momake uovandu.
45
Nunguari ovo kave pangununine ko embo indi, nu oro ra horekerue kuvo, kutja ave he ri tjiua. Nu ovo va tirire okumupura ohunga nembo indi.
46
Nu pa pendukire omeripuriro mokati kao, kutja nguma rire omunenenene ouani.
47
Nu Jesu tja muna ouripura uomitima viao, Ua toorere okanatje nu E ke tua mene Re,
48
Nu A tja kuvo, Auhe nguma jakura okanatje inga mena Randje ua jakura Ami. Nu Auhe nguma jakura Ami ma jakura ingui ngue Ndji hinda. Orondu ingui ngu hina ndengu muene amuhe, ingo ongu ma rire omunene.
49
Nu Johanesa ua zira nu atja, Muhonge, ete tua munu umue ama nakere ozombepo ozombi pendje mena Roje, nu otjitue mu tjaere orondu ka kongorere ete.
50
Nu Jesu uatja ku Je, Amu mu tjaere, orondu ingui ngu hina vita na ete uri kuena ete.
51
Nu pa kara nai omajuva tji ja jenenisiua kutja A jakurue kombanda kutja, Eje Ue rimana oku teremanisa omurungu Ue kOjerusalam.
52
Nu Eje ua hindire ovahindua komurungu Ue. Nu ovo va kaenda nu ave kahita motjirongo tjOvasamaria okukemutunina.
53
Nu ovo kave Mu jakurire, orondu omurungu Ue tjiua tarere kOjerusalem.
54
Nu ovahongeua Ve, Jamesa na Johanesa, tjiva munu tji, vatja, Muhona, mo zeri kutja tu pangure omuriro okurauka okuza Kejuru kutja u vesesete, tjimuna Erija tja tjitire.
55
Nu Eje ua tanauka, E ve kandaiza, nu Atja, Ka muna ku tjiua kutja ouene ovombepo ine.
56
Orondu Omuna uOmundu ke ere okunjona ominjo viovandu, nunguari okuvijama.
57
Nu pa kara nai kutja ovo ngunda amave kaenda mondjira, omurumendu uorive ua tjere ku Je, Muhona ami me Ku kongorere akuhe ku Mo i.
58
Nu Jesu uatja ku je, Ozombandje ze nomina, nozondera zejuru ze noviruuo; nunguari Omuna uOmundu kena pu ma tua otjiuru Tje.
59
Nu Eje uatja nai komukuao, Ndji kongorera. Nunguari eje atja, Muhona, ndji jandjera kutja mbi jende mbi ka pake tate rutenga.
60
Nunguari Jesu uatja ku je, Jesa ovati vepake ovati, nu kazuvarise ouhona ua Mukuru.
61
Nu omukuao uina uatja, Muhona, ami me kongorere Ove, nunguari kurama mbi kavirikize imba mberi mondjiuo jandje rutenga.
62
Nu Jesu uatja ku je, Auhe ngua tuako eke kotjikune, nu a taviza kombunda, ka puiririrue jOuhona ua Mukuru.