1
Nu kombunda jovina imbi Muhona ua toororere ovakuao omirongo hambombari, nu E ve hindi kovevarivevari komurungu Ue kovihuro avihe novirongo ka sere okujenda.
2
Indino Eje ua tjere kuvo, Tjiri, ovihape mbia hora ovingi tjinene, nunguari ovaungure ovahena. Opumuasokukumba kOmuhona uovihape mbia hora kutja a hinde ovaungure movihape Vie mbia hora.
3
Kaendee. Tareje, Me mu hindi otja ozondjona mokati kozomungu.
4
Amu toora otjikoma, poo embo, poo ozongaku, nu amu minike omundu mondjira.
5
Nu mondjiuo aihe mu mua hiti, rutenga itjeje, Ohange nga i kare mondjiuo indji.
6
Nu omuna uohange tje ri mo, ohange je nu mai kara kombanda ja jo. Nu tje he rim o, mai kotoka ku ene.
7
Nu mondjiuo otjingejo kareje, amamu ri nokunua imbi mbi mamu peua; orondu omuungure ua puirua ijo tjisuta tje. Amuzu mondjiuo amu i kondjiuo onguao.
8
Nu motjihuro atjihe mu mua hiti, nu ovo ave mu jakura, rieje ovina imbi mbi mavi tuua pomurungu uenu.
9
Nu verukiseje ovavere mbe ri mu tjo, nu mu tje nai kuvo, Ouhona ua Mukuru ue ja popezu na ene.
10
Nunguari motjihuro atjihe mu mua hiti, nu ovo ave he mu jakura, tuendeje kozondjira mokati katjo, nu mu tje,
11
Naindui oruuma ruotjihuro tjenu, ndua kakatere kuete, ma tu rupukumuna otja ouhatoi ku ene; nu nangarire tji per i nao, tjiuee itji nokuhinambata, kutja, Ouhona ua Mukuru ue ja popezu na ene.
12
Nunguari Me tja nai kuene, kutja mapeje ku ngara tjinene mejuva indo ko Sondoma, oku kapita kotjihuro ijto.
13
Ouee kove Korasin! Ouee kove Betsaida! Andaku oviungura ovinamasa mbia tjitua move via tjitirue mo Tiran a Sidon andaku vie riverera kondanaukiro, avia haama momakutu na momitue rukuru.
14
Nunguari mapeje ku ngara tjinene ko Tiran a Sodon mombanguriro, okukapita ku ene.
15
Nu ove Karpemaun ngu ua jererua mejuru mo nakaurirua kehi kotjovasengua.
16
Ingui nguma zuu ene ma zuu Ami, nu ingui nguma njengura ene ma njengura Ami, nu ingui nguma njengura Ami ma njengura ingui ngue Ndji hinda.
17
Nu imba omirongo hambombari va kotoka rukuao nondjoroka, amatja, Muhona, inda ozombepo ozombi uina zeri kehi jouvara ue tu mena Roje.
18
Nu Eje ua tja nai kuvo, Mba munu Saatana a mau otjorutjeno okuza kejuru.
19
Tareje, Me mupe ouvara uokutomba ozonjoka nozondje, nomasa ajehe ua uomunavita, nu kapena tjina tjima tji mu pe otjipo nangarire.
20
Nu na tji per i nao, amu jorokisiua ijokutja ozombepo zeri kehi jouvara uenu, nunguari jorokereje kutja omana uenu ja tjangua mejuru.
21
Mo ruveze indo Jesu ua joroka mombepo nu atja, Okuhepa kove, Arikana Tate, o Muhona uejuru nehi, orondu ove tji ua horekere ovina mbi kozonongo novanazondunge, nu tji ue vitjiukisa kounatje. Ii, Tate, orondu pa tjatera ove kutja pe kare nao.
22
Ovina avihe via jandjeua ku Ami i Tate; nu kapena mundu ngu tjiua kutja Omuna ouani pendje na Tate, poo kutja Tate oune pendje nOmuna, na ingui Omuna ku Me mu raisa.
23
Nu ua tanaukira kovahongeua natja kourike uao, Omaningandu omeho ngu maje munu ovina mbi ma mu munu,
24
Orondu Me mu raere, ovaprofete ovengi nozombara va zerire okumuna ovina imbi mbi mamu munu, nu kave vi muine; novena imbi mbi mamu zuu nu kave vi zuvire.
25
Nu tara, ohahende imue ja sekama okumurora nu aitja, Muhonge, hi tjite vi kutja mbi rumate omuinjo uaaruhe.
26
Eje uatja ku je, Mua tjangua tjike moveta? U i resa vi?
27
Nu eje mezirira uatja, Ove mo suvere Muhona Mukuru uo je nomutima uo je auhe, nomuinjo uo je auhe, nomasa uoje ajehe, nozondunge zo je azehe, nomuraranganda uo je tjimuna ove omuini.
28
Nu Jesu uatja ku je, Ove ua ziri naua, tjita nai nu ove mohupu.
29
Nunguari eje mokuvanga okurisembamisa pomurungu ua Jesu ua tjere, Nu omuraranganda uandje ouani?
30
Nu mezirira Jesu ua tjere, Omurumendu uorive ua zire ko Jerusalem amai ko Jeriko, nu a uire momake uovapunde, mbe mu hukurire omituaro vie nave mutate ozombara, nu ave kaenda, ave muesa aeri ohinga kondiro.
31
Nu omupristeri uorive ua toorere ondjira otjingejo ohamuzemba, nu eje tje mu muna arire tja kapita posio ke koro rarue.
32
Nu momuano otjingeuo omuLevi tjari pourveze induo, ua tara mu je, nu a kapita posio kekoro rarue.
33
Nunguari Omusamaria uorive nguari moujenda, ue ja pari, nu tje mu muna arire tje mu tire otjari,
34
Nu ai kuje, nu ariire tja manga oviruaro vie ama tirire omaze nomavinu muvio, nu emu tua kotjikavirua tje, nu emu tuara kondjiuo jovaenda, nu e mu hungu.
35
Numependukirua eje tjija kaenda, ua nana ovimariva vivari viovitenda nu evi jandja komuini uondjiuo jovaenda, natja, mu takamisa, nu atjihe tji ua ungurisa mu je pendje na imbi ami me je kukusuta tji mba kotoka.
36
Nambano pu imba ovetatu imba ove momunu kutja eje une ngua rira omuraranganda ua ingui ngua uiririre momake uovapunde?
37
Eje uatja, Ingui ngue m tira otjari. Indino Jesu otja tja ku je, Kaende uka tjite nao uina.
38
Nu pa kara nai kutja ovo ngunda amave kaenda, Eje ua hitire monganda jorive. Omukazendu uorive nguari nena ra Marta ue Mu jakura mondjiuo je.
39
Nu eje uari nomuangu uena ra Maria ngua haamene pozombaze za Jesu nu a puratene embo Re.
40
Nu Marta ue rikendere noviungura ovingi bmia sere okuungura, nu eja ku Je, natja, Muhona, kona konatja kutja omuangu uandje uendji jesire oviungura peke. Okutja U mu raere kutja nge ndji vatere.
41
Jesu ua zira nu Atja nai ku je, Marta, Marta, Ove ue rikende nokurivarura novena ovingi.
42
Nunguari otjina otjina hepero itjimue uriri, nu Maria ue ritoororere orupa indui oruua, ndue hina maa jekua.