1
Nu pa kara nai ejuva rimue tji ja kumbu pona porive kutja, Eje tjaza nokumana okukumba, omuhongeua Ue umue ue ja ku Je natja, Muhona tu honga okukumba otja Johanesa uina tja honga ovahongeua ve.
2
Nu Jesu ua tja nai kuvo, Tji mamu kumbu, itjeje, Tate uetu ngu u ri mejuru, Ena roje ngari japurue. Ouhona uoje ngau je. Ombango joje ngai tjitue na kombanda jehi otja mejuru.
3
Tupao omboroto jetu jaaruhe.
4
Nu tu jesira omauvi uetu, otja ete tjimatu jesire ovanandjo naete. Nu otu nanene mo marorero, nunguari kutura ete kouvi.
5
Nu Eje Ua tja nai kuvo, Ouani muene tja kara nepanga, nu ai ku je mokati koutuku, nu atja nai ku je, Epanga, ndji jazema ozomboroto ndatu,
6
Orondu epanga randje ndiri moujenda ra heruka pojandje, nu hina tji me tua pomurungu ue.
7
Nu ingui uomuoukoto a zriri amatja, Ondji kondjisa. Omuvero ua patua nu ovanatje vandje ve ri puena ami mombete. Hinee pe uru okupenduka okujekukupa.
8
Me tja nai kuene, Nangarire tje hino kupenduka okumupera kutja epanga re, eje ma sekamisiua ijomaningiriro nge hina ku janda, nu e mu pe ajihe tjima vanga.
9
Nu Ami Me tja nai kuene, Ningireje nu matji jandjeua kuene; paheje nu mamu munu; kongoreje nu mamu jezururirua.
10
Orondu auhe ngua ningire u jakura; nu ingui ngu ma paha umuna; nu ingui ngu ma kongora ma jezururirua.
11
Nu omurumendu omukuate une mokati kenu, ngu ma ningirua ijomuna ue omboroto nu e mu pe eue? Poo tje mu ningire ehundju ngu me mupe onjoka poruveze ruehundju?
12
Poo tja ningire ei ngu me mu pe ondje?
13
Tjii nambano ene mbu muri ovanauvi, tji mu tjiua okujandja ovijandjeua oviua ko vanatje venu, Iho nguri mejuru kena kujandja Ombepo Ondjapuke, tjinene kombanda jenu, ku imba mbu mave ningire kuje?
14
Nu Eje I ja nakere ombepo ombi pendje, ndji ja i ha hungire. Nu pa kara nai kutja indji ombepo tji ja za nokunakerua pendje ingui ngua patere eraka, ua utire okuhungira. Novandu va himinue.
15
Nunguari tjiva vao vatja, Eje u nakera ozombepo ozombi pendje na Beelzebub, ombara jozombepo ozombi.
16
Nu tjiva va paha mu Je otjisanekero okuza kejuru, amave Mu roro.
17
Nu Eje ua tjivirue ouripura uao, nu arire tja tja, Ouhona mbue rihana nu au pirukirasana kuuo ouini mau jetua konjoneno. Nu ondjiuo ndja hanika nu ai pirukire ondjiuo maji u.
18
Nu Saatana the rihana nu eripirukire ku Je omuini, ouhona ue mau zikama vi? Orondu tji mamu tja Mbi nakera ozombepo ozombi pendje mouvara ua Belzebul.
19
Nunguari Ami tji mbi nakera ozombepo ozombi pendje nouvara ua Beelzebul, ovanatje venu ve ze naka na une. Ovo opumavezu okurira ovapangure venu.
20
Nunguari Ami tji Mbi nakera ozombepo ozombi pendje nOmunue ua Mukuru, kapena mbata Ouhona ua Mukuru ue ja kombanda je nu.
21
Omunamasa ngue ripangana novirue tja tjevere ondjiuo je, ovina avihe mbie navio mavi kara mondjeverero.
22
Nunguari omunamasa pu je tjeja kombanda je, nu emu taara, nu e mu jeka oviruise vie avihe mbia kambura muvio, ma hana ovipundua vie.
23
Ingu ngu heri puena Ami unovita na Ami. Ingui ngu hina ku uonga puena Ami ma pizza.
24
Ombepo ombi tji ja piti momundu, I kaenda ai tuurunga otuveze tu tua kukuta, amai paha omasuviro, nu otja tji i heje muine, ojo itja, Me jaruka kondjiuo jandje mu mba za.
25
Nu ojo tji jakotoka otji I ivaza aja kombua nu a ja mbimbirua.
26
Indino ojo otjiijenda, nu ai kri jetera ozombepo hambombari ndi kapita kourunde, nu ozo aze hiti azetura mo, nu ongaro jomundu ingo indjo jomaandero air ire ombi okukapita indji ondenga.
27
Nu pa kara ani eje ngunda A ma hungire ovina imbi kutja omukazendu umue ua ravaerera kombanda mokati novandu natja, Otjiningandu otjikuatero tji tje Ku tjindire, nomavere ngu Ua njama.
28
Nunguari Eje uatja, Ii, posi jokutja ovaningandu imba mbe zuva embo ra Mukuru nu ave takamisa ro.
29
Nunguari ovandu jtiva uongarere tjinene pu Je, Eje ua utire okutja, Indji ondekurona onaurunde, ovo mave paha otjisanekero, nu kapena tjisanekero tji mai peua, pendje notjisanekero tjomuprofete Jona.
30
Orondu otja Jona pari otjisanekero kovandu va Ninive, Omuna uOmundu uina opumarire otjisanekero kondekurona indji.
31
Oserekaze ombara ja Sheba mai je ku sekama puena ondekurona ndji mo mbanguriro nai i munu ondjo: orondu ojo ja zire ko maandero uehi okuje ku zuva ounongo ua Solomona; nu tareje, imba pena ngua kapita Solomona.
32
Ovandu va Ninive mavee ku sekama puena ondekurona ndji mo mbanguriro na vei munu ondjo: orondu ovo veri vera nave tanaukire omauvi uao mena ro mazuvarisiro ua Jona; nu tareje, imba pena ngua kapita Jona.
33
Kapena omundu, tjazu nokujakisa eambe ngu tua ro momahorekero poo kehi jehoro, nunguari utuaro komureko uaro kutja imba mbu mave hiti ve mune ondjerera.
34
Ondjerera jorutu eho. Eho roje tjiri ri naua orutu ruoje aruhe otji ru ura ondjerera. Nunguari eho roje tjiri ri erunde, orutu roje rue ura ondorera.
35
Opumuaso ku tjevera kutja ondjerera ndji ri muene ka ndorera.
36
Orutu roje aruhe tji rue ura ondjerera, nokuhina nangarire okandorera, aruhe otjimaru ura ondjerera tjimuna ondjerera jerambe jekujerisa.
37
Eje ngunda ama hungire omufarisei uorive ue Mu ningira kutja A ka rie puenae. Eje otja hita nu aka haama periro.
38
Nu Omufarisei tja muna tji, arire tja himua kutja Ke ri kohere omake komurungu ueriro.
39
Nu Muhona uatja nai ku je, Nambano ene Vafarisei mu koha omakopi novijaha kombanda, nunguari moukoto mue ura okupunda nourunde.
40
Majova uene, ingui ngua ungura kombanda ka ngua ungura moukoto uina?
41
Nunguari jandjeje ovio tjari okuza mu imbi mbi mu na vio, nu tarereje, ovina avihe ovi kohoke kuene.
42
Nunguari, Ouee kuene Vafarisei! Orondu mujandja otjitjamurongo tjoviminde notjovihape avihe viotjikunino, nunguari amu he rikende nombanguriro norusuvero rua Mukuru. Imbi muasokutjita nunguari amu ha jesa imbio vikuao avi ha tjitirue.
43
Ouee kuene Vafarisei! Orondu mua suvera ovihavero vio pondomba mozosinagoge, nokumunikua motuvere tuo marandisiro.
44
Ouee kuene vatjange, nOvafarisei, vanatjavivi! Orondu mu ri otja omaendo nge ha munika, nu ovandu ngu ve jata ave hina kutjiua.
45
Nu pa zira umue uovahonge vo veta natja ku Je, Muhonge tjimo hungire nai motujamburura uina.
46
Nu Eje uatja, Ouee kuene uina vahonge voveta! Orondu ene mu haverisa ovandu omituaero omizeu okutjindua, nu ene amu ha roro okutuna komituaro omizeu imbio nagarire nomunue umue.
47
Ouee kuene! Orondu mu tunga omaue uozombongo zovaprofete, ooiho ombe ve zepa.
48
Tjiri mu hatoira kutja mu itaverasana kuena ovitjitua viooiho. Orondu ovo tjiri ve ve zepa nu ene mu ve tungira omaue uomaendo.
49
Ounongo ua Mukuru uina opu ua zire okutja nai, Me ve hindire ovaprofete novaapostele, nu tjiva mave zepa nua ve hangaura.
50
Kutja ombindu jovaprofete ndja tirahiua okuza komazikiro uouje, I paherue mondekurona indji;
51
Okuza kombindu ja Abel nga kombindu ja Sakaria, ngua jandera pokati kezuko rombunguhiro nondemberi. Tjiri Metja nai kuene, mai je ku paherua mondekurona indji.
52
Ouee kuene vahonge voveta! Orondu ene mua toora otjipaturure tjondjiviro, ene oveni amu ha hiti, nu imba mbu mave hiti amu tjaere.
53
Nu Eje ngunda ama hungire ovina imbi, ovatjange nOvafarisei va utire okupindika tjinene, nokumupura omapurira ohunga novena ovingi,
54
Ama ve Mu tjungire na amave ningi kutja ve Mu kambure notjina tjimue tja hungire kutja ve Mu vare omunandjo.