1
Nu ngunda a peri nao, otjipa uongarere otjimbumba tjovandu otjinene, nga ovandu tjiva ruku okujatasana, Eje ua utire okutja nai kovahongeua Ve rutenga, Ritjevereje kosurise jOvafarisei, ndji ri otjavivi.
2
Orondu kapena tjina tji tja vandekua tji tji hina ku vandururua, po tjitja horekua tji tji hina ku tjiukisiua.
3
Nu atjihe tji mua hungirira mondorera opumatjizuvakere mondjerera. Nu itji tji mua hokoreramomatui momatuuo matji ka zuvarisiua kombanda jomitutu viozondjiuo.
4
Nunguari Metja nai kuene mapanga, Amu tira ko imba mbe zepa orutu, nu kombunda janao ave ha jenene okutjita tjarue.
5
Nunguari Me mu nangere ko ingui ngu muasokutira, Tireje ingui, tjazu nokuzepa nguna omasa uokunakera motjovasengua. Ii Metja nai kuene, Tireje eje.
6
Ozondjandja ndano kaze randa oupeni uvari are, nu kapena imue jazo ndji zembua pomurungu ua Mukuru.
7
Nunguari nainda ozondjise zenu moviuru za varua azehe. Opu mu ha sere okutira ko, orondu ouene ovanandengu okukapita ozondjandja ozengi.
8
Nu rukuao Metja nai kuene, Auhe ngu Me ndji hongonona pomurungu uovandu, Omuna uOmundu Me mu hongonona pomurungu uovaengeri va Mukuru.
9
Nunguari auhe ngu Me ndji patana pmurungu uovandu, ma pataneua pomurungu uovaengeri va Mukuru.
10
Nunguari auhe ngua hungire embo e hazendu kOmuna uOmundu ma jesirua. Nunguari ingui ngua jamburura Ombepo Ondjapuke kene ku jesirua.
11
Tji ve mujeta pomurungu uo zosinagoge, nook vapangure, nokomauvara amu rikende nokutja mamu kazira vi poo mamu ka tjavi.
12
Orondu Ombepo Ondjapuke Me mu hongo moruveze otjingeruo indo tji muasokuhungira.
13
Nu umue mobunga ua tjere nai ku Je, Muhonge hungira kuena erumbi randje kutja a hanasane eta kuena ami.
14
Nu Jesu uatja nai ku Je, Murumendu ounani ngue Ndji ungura omupangure poo omuhane kombanda jenu?
15
Nu Eje uatja nai kuvo, Takamiseje nu ritjevereje keharu orondu ohupo jomundu, ka iri mouingi uovina mbia tumba.
16
Nu Eje ua serkarera otjisasanekero kuvo amatja, Ehi romurumendu omutumbe uorive ra jetere ovihape ovingi.
17
Nu eje ue ripurire mu je omuini, kutja, Me tjiti vi, orondu hina mbuikiro mu me tua ovihape viandje?
18
Nu eje uatja, Me tjiti nai; Me hana omatuuo uandje uo mbuikiro, nu e tungu omanene, nu e uongere mo ovihape novina viandje avihe.
19
Nu kuzambo tji me tja nai komuinjo uandje, Muinjo ove una ovina ovingi mbia piakirua ozombura ozengi, suva, riaa, nuaa nu unjande.
20
Nunguari Mukuru ua tja nai ku je, Jova ove, outuku imbui omuinjo uo je mau pahua move, nu nambano ivina imbi mbija puika mavi rire iviani?
21
Nu auhe ngu me ri uongere ovihuze nu a ha rire omutumbe ku Mukuru uri nao.
22
Nu Eje ua tjere kovahongeua Ve, Otji Me tjere nai kuene, Amu rikendere ohupo jenu, kutja mamu ri tjike; poo korutu, kutja mamu rihuikike tjike.
23
Ohupo ja kapita ovikuria, nu orutu rua kapita omituaro.
24
Ripureje nomakuara, orondu ouo kaje kunu nu kaje teja, nu kajena ndjiuo jombuikiro poo otjiharana, nu Mukuru u je risa. Nu ene kamuvanandengu okukapita ozondera are? Gnv
25
Nu ouani muene ngu ma jenene oku ueza oure ue katiti nangerikende nauo? Gnv
26
Nunguari tji mu hina ku jenena oktjita inga okatiti, onguae tji mamu rikende na imbi avihe.
27
Ripureje nozongara kutja ze hapa vi, ozo kaze ungura ouzeu, nu kaze zengi otusepa mumue. Nunguari Me tja nai kuene, nangarire Solomona moujere kena pa huikikirue otja imue jazo.
28
Nu nambano Mukuru tje huikika ehozu, ngeri mokuti ndino nu muhuka aje umbua mezuko, ma huikike vi ene oku kapita mba, ouene vanangamburiro okatiti?
29
Nu ene amu paha kutja ma muri tjike poo mamu nu tjike, kuramiseje omerikendero.
30
Orondu ovina mbi avihe ombi paheua ijovijana viouje, nu Iho utjiua kutja mu vi hepa.
31
Nunguari paheje Ouhona ua Mukuru, nu ovihambi avihe mavi uezirua ko ku ene.
32
A mu tira, rupanda okatiti, orondu Iho u nonjune okumupa imbui ouhona.
33
Randiseje imbi mbi muna vio, nu jandjeje ovijandjeua viotjari. Riungurireje ovikoma mbi ha kurupa, ovihuze mbi ha janda Kejuru, omarunga ku je ha vaza poo ozohua okunjona.
34
Orondu ingui ku kana ovihuze vioje, omutima uoje oku ma u kara uina.
35
Ri pateje omakuamo uenu, nu omarambe uenu nga je kare ama je jaka,
36
Nu ene oveni kareje otjovandu mbu mave undju omuhona uao, oruveze aruhe ndu ma kotoka komukandi uorukupo, kutja eje tje ja nu a kongora, ve jenene oku mu jezurura motjimanga.
37
Ovaningandu ovakarere mbu mave vaziua i jomuhona averi katumba. Tjiri Me tja nai kuene, eje me ritunu nu eve haamisa pehi, nu e ve ungura.
38
Ovaningandu ovakarere mbu mave mazeua nai, nangarire eje tjeja mondjeverero oitjavari, poo mondjeverero oitjatatu.
39
Nunguari tjueje itji, kutja, andaku omuniondjiuo ua tjiua oiri erunga ndji mari ja, andaku ua kara katumba, nu a ha jandjere ondjiuo je okutejeua.
40
Opumuaso ku kara katumba uina, orondu Omuna uOmundu tji meja moiri ndji mu hi nakuripurira ko.
41
Nu Petrusa uatja nai ku Je, Muhona, mo hungirire otjisasanekero itji kuete, poo ku avehe uina?
42
Nu Muhona uatja, Nu hapo omukarere omutakame nomuaunongo ouani, ngu ma peua I jomuhona ue outarere kombanda jovakarere vondjiuo je, okuvepa ovikuria mbia jenene, moruveze ndua jenene.
43
Omuningandu omukarere ingui ngu ma vazeua amaa tjiti nao, omuhona ue tjimeja.
44
Tjiri Me tja nai kuene, kutja, eje me mu ungura omunane kombanda ja imbi mbie navio avihe.
45
Nunguari omukarere ingo tja tja nai momutima ue, Omuhona uandje ua uombo okuja, nu autu okutona ovakarere imba ovarumendu na imba ovakazendu, nokuria, nokunua, nokuripurukisa nomeva.
46
Omuhona uomukarere ingo meja mejuva eje nde hina ku muundjirako, na mo iri ndje hina kutjiua, nu emu kondo pokati, nu e mu pe okaruveze ke mokati kovahambure.
47
Nu omukarere ingo ngua tjivirue ombango jomuhona ue, nu e he ritunu, poo okutjita otja kombango jomuhona ue, ma rengua nozongora ozengi.
48
Nu ingui ngu ja ha tjiua nua tjiti ovina mbia sokutonenua, ma rengua ozongora outiti. Orondu ku auhe ngua peua ovingi, maku paheua ovingi. Nu ku ingui ovandu ku va jandja ovingi, mave paha mu je ovingi.
49
Ami Mbe jera okuhinda omuriro kombanda jehi, nu ondero jandje okutja andaku ua jakura hapo.
50
Nunguari mbina ombapitisimo ndji mba sokupapitisiua mo; nu mbiri mombamisiro ndji rivi nga tji ja jenenisiua?
51
Ene mu tjangovasi Ami Mbe jera okujeta ohange kombanda jehi? Me raere ene, Kako, nanguari ohanikiro.
52
Orondu okuzamba, ma pe kara ovandu vetano mba haha metundu rimue, vetatu a va haha kuena vevari, vevari a va haha kuena vetatu.
53
Nu ihe ma hanika nomuna nomuna a hanika kuena ihe; nu ina ma hanika kuena omusuko nomusuko a hanika kuena ina; ina jomuzandu ma hanika kuena omukazendu uomuzandu ue nu omukazendu uomuzandu ma hanika kuena ina jomurumendu ue.
54
Nu Eje ua tja nai kotjimbumba tjovandu rukuao, Tji mua munu otjikamba tji tja sekama kongurova, mutja, mu uta okutja , Ombura ma ija, nu ape kara nao.
55
Nu tjimua munu ombepo jokejuva komamoho amai singi, mutja, Omutjna ma utu, nu ape kara nao.
56
Vanatjavivi uene, mu jenena okupangununa ombunikiro jejuru nojehi, nu onguaje tjimu urua ijokupanguna oruveze indui.
57
Ii nu onguae tji mu he ri pangurire imbi mbiri ovisemba na muene oveni?
58
Nu tjo moi puena omunavita naove komupangure, kondja kutja u kuturue ku je ngunda amu ri mondjira, tjaa ngee ku nanene komupangure, nu omupangure eku jandja komujenenise uoveta, nu omujenenise uoveta eku umbu mondorongo.
59
Me ku raere, Konoo piti mo nga tjiua sutu okamariva komaandero.