1
Nu moire otjingejo pari vemue mbe mu serekarera ohunga nOvagalilea Pilatus mba uanekere ombindu jao muena ozombunguhiro zao.
2
Nu Jesu mezirira ua tjere kuvo, Mamu tjangovasi Ovagalilea imbo va ri ovarunde okukapita Ovagalilea avehe mokutja va hihamisiua novina mbia sana ingo?
3
Me raere ene, Kako. Nunguari andu tji mua kara nomeriverero uondanaukiro, mamu njonua momuano tjingeuo amuhe.
4
Poo imba omurongo na hambondatu mba uirua ijotjiretundu tja Siloam natji vezepa mamu tjangovasi vari ovarunde okukapita ovandu avehe mbe ri mOjerusalem?
5
Me raere ene, Kako. Nunguari andu tji mua kara nomeriverero uondanaukiro, mamu njonua momuano otjingeuo amuhe.
6
Nu Eje ua serekarera otjisasanekero itji uina, Omurumendu uorive ua ri nomukujumbua mbua kuninue motjikunino tje tjomivite. Nu eje ue ja nu a paha ovihape muuo nu a ha vaza otjina.
7
Nu eje otja tja nai komuungure uotjikunino tje, Tara, ozombura inda ondatu inda mbe ja imba ame paha ovihape komukujumbua imbui, nu hina tjimbivaza, U kera pehi, onguaje tji u njona ehi nai?
8
Nu me zirira eje uatja nai ku je, Muhona, uesa ombura indji rukuao.nag tji mba se okukondorokisa uo nu mbi umbe mo ombumbi.
9
Nu tji ua eta ovihape, tjandji okukuua, nu tjiu ha tjitire nao, ove mo u kere pehi.
10
Nu Eje I ja hongo mosinagoge imue mesabata.
11
Nu, Tara, pari nomukazendu ngua ri nombepo jomutjise ozombura omurongo na hambondatu, ne eje ua kotovarere, nu keje pe uru okuteremana.
12
Nu Jesu Ue mu muna nu E mu isanene ku Je, nu atja nai ku je, Mukazendu ove ua kuturua komutjise uo je.
13
Nu Eje ua jambeka omake Ue ku Je, nu tjimanga eje ua teremanisiua nu a hivirike Mukuru.
14
Nu omunane uosinagoge ua zira nomapindi, orondu Jesu ua verukisa mesabata nu atja nai kovandu, Pena omajuva hamboumue ovandu mu vasokuungura. Okutja indjeje momajuva ingo mu verukisiue, mu mu heri mesabata.
15
Nu Muhona Ue mu zirire, nu Atja, Munatjavivi ove, Auhe uenu ka kutura onduuombe je poo okasino ke nu eke tuara okukekehira.
16
Nu omukazendu ingui, nguri omusuko ua Abraham, Saatan ngua pandekere ozombura omurongo na hambondatu inda kasere oku kuturua kepando indi mesabata?
17
Nu tjaza nokuhungira ovina imbi ovanavita na Je avehe va tisiuohoni. Nunguari ovandu avehe va kara nondjoroka mena rovitjitua ovihivirikua mbi ja tjiti.
18
Nu Eje uatja, Ouhona ua Mukuru ua sana ku tjike? Ami Hi u saneke ku tjike?
19
Ouo ua sana kondui jomusteri, ndja toorua ijomurumendu nu a umbu motjikunino tje. Nu ojo ja hapa nu air ire omuti omunene, nu ozondera zejuru aze tura movitavi viao.
20
Nu rukauo ua tjere, Ouhona ua Mukuru hi u saneke ku je?
21
Ouo ua sana kosurise, omukazendu ndja toora na horeke moruhere ruomboroto ruomahoro jetatu, nga aruhe tji rua suru.
22
Nu Eje ua tuurungire ovihuro novirongo ama hongo nua ae ri moujendo ue kOjerusalem.
23
Nu umue ua tjere nai ku Je, Muhona, jtii imba mbu mave jamua ovatiti? Nu Eje uatja nai kuvo,
24
Kondjiseje oku hitira momuvero imbui omukuani. Orondu Me tja nai kuene, ovengi maveje ku kondjisa okuhita mo, nu kavena kuje ku peura.
25
Oruveze indui omuini uondjiuo ndua sekama nu a jezere omuvero, mamu utu oku kurama pendje nokukongora pomuvero, amamu tja, Muhona, Muhona tujezururira, nu Eje Me je kuzira natja, Ami hi muii, Muaza pi;
26
Indino ene mamu je ku jaruka okutja, Ete tua ria nu atunu mouripo uoje, nu i Jo hongo mozondjira zoviuana vietu.
27
Nunguari Eje Me je kutja, Me mu raere, Ami hi muii; na ku muaza. Zapueje pu Ami ouene, vaungure vourunde.
28
Nu mapeje ku kara omaririro nomakueero uomajo tji mamu je ku muna Abrahama, na Isaka, na Jakova, novaprofete avehe mOuhona ua Mukuru, nu ene oveni amua umbua pendje.
29
Nu ovandu mave je kuza komuhuka, na kongurova, na komukuma uejuva kokunene, na komukuma uejuva kokumoho, nu mave je ku haama pehi mOuhona ua Mukuru.
30
Nu Tareje, pena ovaseinina mbu maveje kur rira ovatenga, nu pena ovatenga mbu maveje kurira ovaseinina.
31
Mejuva otjingeruo pe jere Ovafarisei vorive mba tjere nai ku Je, Pita imba, U kumuke imba orondu Herodes ma vanga okukuzepa.
32
Nu Eje uatja nai kuvo, Tuendeje ene, nu mu ka raere ombandje indjo kutja, Tara, Me nakere ozombepo ozombi pendje nokuverukisa ndinondi, na muhuka, nu mejuva oritjatatu Me puisiua.
33
Natji peri nao, Mba sokukaenda ndino, na muhuka na muhukaandina. Orondu kana ape urika kutja omuprofete a tire pendje na Jerusalem.
34
Arikana Jersalem, Jerusalem, ngu u zepa ovaprofete, novete nomaue imba mba hindua kove, Mba zerire potungapi okuuonga ovanatje voje tjimuna ohunguriva tji i uongera kumue ouzerona uajo kehi jovivava, nunguari o panda!
35
Tara ondjiuo joje ja seuerua ove etundu. Nu tjiri Metja nai kuve, Konoo Ndji munu nga oruveze tjirueja ndu motja, Omuningandu ingui ngu me ja mena ra Muhona.