1
Jesu ua tja nai kovahongeua Ve, Kanaape kara kutja oviputarise avi he ja, nunguari ouee ku ingui ngu ma jende navio.
2
Mape ngara kuje kutja eue romakuejero rirekarekisiue mosengo je nu a umbue momuronga okukapita kutja eje a putarise kemue imbui outiti mbui.
3
Ritjevereje ene oveni. Omukuatuapamue naove tje ku katukire, mu posa. Nu the riverere kondaukiro, mu jesira.
4
Nu the ku katukire potuhambombari mejuva rimue, nu potuhambombai mejuva indo a tanaukire kove atja, Meriverere kondanaukiro, ove uasokumujesira.
5
Ovaapostel va tja nai ku Muhona, "Ueza ongamburiro jetu".
6
Nu Muhona ua tja, "Andaku mu nongamburiro ndji ta pondui jomusteri, itja mu tja nai komuti imbui, 'Zukuka nomize nu uka kunue kokuvare,' nu ouo au zuu kuene.
7
Nunguari ouani muene, tje na omukarere nguma kunu poo nguma risa ozongombe, tja uto ku heruka okuza kotjikunino ngu me mu heje kutja, Indjo, haama pehi u rie?
8
Nunguari eje kanaa tja nai kuje, Tuna otjina tjimue mbi rie, rivaranga naua ngunda a mo ndji karere, nga tjimba ri nokunua. Kombunda ja nao otji mo ri nokunua.
9
Eje ma pose ondangi komukarere ngua ungura ovina mbia rakiziua? Hina ku muna nao.
10
Okutja momuano otjingeuo, ene tjimua ungura ovina avihe mbi mua rakiziua, itjeje, ouete ovakarere mbutu ha puiririrue ondjambi, tua ungura imbi mbi tua sokuungura uriri.
11
Nu pa kara nai kutja Eje tji jai kOjerusalem, ua tuurungapokati ka Samaria na Galilea.
12
Nu Eje tji ja hiti motjirongo tjimue ua tjakanekua ijovarumendu ovanalepere omurongo, mba kuramene kokure.
13
Nu ovo va jera omaraka uao kombanda nu ave tja, Jesu, Muhona, tjariparera ete.
14
Nu Eje the ve muna uatja nai kuvo, Kaendeje mu ke ri raise kovapristeri. Nu pa kara nai kutja ovo ngunda amave kaenda, ovo va kohororua.
15
Nu umue uavo tja munu kutja ua verukisiua, arire tja jaruka, ama hiririke Mukuru neraka enene.
16
Nu eje ua ua ondurumika pozombaze za Jesu, ama tja okunene okuhepa ku Je, nu eje ua ri Omusamaria.
17
Nu Jesu ua zirire na tja, Ka vari omurongo mba kohororua? Nunguari imba muviu vepi?
18
Kapena umue ngua munika okuje ku hivirika Mukuru pendje na ingui uozonganda ingui are?
19
Nu Eje ua tja ku je, Sekama, u kaende, ongamburiro joje je ku verukisa.
20
Nu tja purirue ijOvafarisei kutja ouhona ua Mukuru mau ja rune, Jesu ue ve zirire nu Atja, "Ouhona ua Mukuru kau na kuja nomerimunikisiro,
21
Nu ovandu kavena ku je kutja, 'Tareje, ouombui', poo, 'Tareje ouombuina, Orondu tareje, ouhona ua Mukuru uri mokati kenu'.
22
Nu Eje ua tja nai kovahongeua, Omajuva maje ja nguma mu mu je ku zera okumuna rimue romajuva uOmuna uOmundu, nunguari kamuna ku je ku ri muna.
23
Nu ovo mave je kutja nai kuene, Tara mba!, poo Tara mbena! Nu a mui kuarue poo okukongorera.
24
Orondu toja orutjeno tji ru jerisa evaverua okuza kotjokoro tjimue nga kotjikuao, Omuna uOmundu otji ma kara mejuva Re.
25
Nunguari rutenga Eje ua sokuhihamisiua movina ovingi, nu a jarua ijondekurona indji.
26
Nu otja tjipari momajuva ua Noa, otjima peje ku karar nomomajuva uOmuna uOmundu,
27
Ijave ri nu ave nu, nu ave kupu ovakazendu, nu ave jandjeua korukupo, nga kejuva Noa nda hita meruuo otjitendeze, nomupupo tji ueja na u venjono avehe.
28
Nu momuano otjingeuo uina otji pari momajuva ua Lot, ijaveri, ijavenu, ija ve randa, ija ve randisa, ija ve kunu, ijave tungu;
29
Nunguari ejuva Lot nda pita mOsondoma, kua roka omuriro nosurungu okuza kejuru, na u ve njono avehe.
30
Otji mape kara na mejuva indi Omuna uOmundu ndi ma vandururua.
31
Nu mejuva indo, ingui nguri kombando ndjiuo, nu ovina vie a vi ri mondjiuo, ngaa heruka okukevi toora. Nu momuano tjingeuo, ingui nguri kotjikunino, ngaa jarukire ovina kombunda.
32
Zemburukeje omukazendu ua Lot.
33
Auhe nua zeri okujama omuinjo ue me u pandjarisa; nu auhe ngua pandjarisa omuinjo ue me u jama.
34
me raere ene, Moutuku mape kara ovandu vevari mombete imue, nu umue ma toorua nu ingo uarue a jesiua.
35
Ovakazendu vevari mave kuee pamue, nu ingo umue a toorua nu ingo mukuao a jesiua.
36
Ovarumendu vevari mave kara motjikunino, nu ingo umue a toorua ni ingo mukuao a jesiua.
37
Nu ovo va zira nu avetja, Pi Muhona? Nu Eje ua tja nai kuvo, Imba pu peno rutu, imbo ozonguvi opuzeka uongarera.