1
Jesu ua tja nai rukuao kovahongeua Ve, Pari omurumendu uorive omutumbe, nguari nomutarere uouini ue, ngua hororerue ku je kutja u njona ouini ue.
2
Nu eje ue mu isana na tja ku je, Ovikuae imbi mbi me zuu ohunga na ove? Serekarera ongaro joutjevere uoje aihe, orondu rumue kona ku tji rira omutarere.
3
Nu omutarere ingui ua tja nai mu je omuini, Me tjiti vi? Orondu omuhona uandje ma toora outarere mu ami. Ami hina ku ura okusa, nu me tohoni okuningira otjomusiona.
4
Mba mana kutja me tjiti vi, kutja tji mba rambua moutarere ovo ve ndji jakure mozondjiuo zao.
5
Nu otja isanena ku je avehe imba mba ri nozondjo zomuhona ue, nu atja nai komutenga, Ove una ondjo ja vingapi jomuhona uandje?
6
Nu eje uatja, omaori omahoro esere rimue. Nu eje uatja nai ku je, Toora ombapira jo je jondjo tjimanga nu tjanga omirongo vitano.
7
Nu eje uatja nai komukuao, Ove u nondjo ndji ta pi? Nu eje uatja ozondjatu zovikokotua esere. Nu eje ua tja nai ku je, Toora joje jondjo nu tjanga omirongo hambondatu.
8
Nu omuhona ue ua tangere ingui omutarere uondjiuo omuhasemba mena rokutja ua tjita ounongo. Orondu ovanatje vouje imbui mondekurona jao vena ounongo okukapita imba ovondjerera.
9
Nu Metja nai kuene, Riungurireje oveni omapanga na mamona uouhasemba kutja tjima u janda mu jakurue momaturiro uaaruhe.
10
Ingui ngu ri omutakame mu imbui outiti omutakame na mu imbi ovingi. Nu ingui nguri omuhasemba moutiti omuhasemba na movingi.
11
Nunguari ove tji u ha ririre omutakame noutumbe uoujembui ouani ngu me ku pe outumbe uakatjiri.
12
Nu ene tji uu ha ririre ovatakame mu imbio viovakuenu, ouani ngu memu pe itji tji tjiri otjenu oveni.
13
Kapena mukarere nguma ungurire ovahona vevari. Orondu eje tjinga a meje ku suvera ungo umue nu a njengua ingo mukuao, poo eje tjima kakatere ku ingo umue na njengura ingo mukuao. Kanaa mu jenene oku rira ovakarere va Mukuru novovimariva.
14
NOvafarisei uina, ovo mbari neharu, va zuvire ovina imbi avihe, nu ave utu okumunjekerera.
15
And He said unto them, Ene ouene imba mbu mu risembamisa oveni pomurungu uovandu, nunguari Mukuru otjiua omitima vienu. Orondu itji tja tja jererua I jovandu kombanda otji jaukise momeho uovandu.
16
Oveta novaprofete va kara po nga ku Johanesa. Nu okuza koruveze indo Ouhona ua Mukuru uzuvarisiua, nu ovandu avehe ve ninikiza oku hita mu Uo.
17
Nu opapupu ejuru nouje okujandekua, okukapita omba imue roveta okuuira pehi.
18
Auhe ngu ma jes omukazendu ue na kupu omukuao, ma katuka orukupo. Nu auhe ngu ma kupu ingui ngua jesiua ijomurumendu ue ma katuka orukupo.
19
Pa ri nomutumbe rive nguja zara ozombanda ozombua ozoheze, ozopepuri, nu nguja huire menjando reviaro ejuva nejuva.
20
Nu ap ri omusiona omuningire uorive, uena Nasarusa, ngua rarisirue pomurungu uomuvero ue, nu ngue urira oviruaro morutu aruhe,
21
Ngu ja zeri okurikutisa noumborokotua mbuja uu, kotjitihe tjomutumbe. Nu ozombua uina ija ze ja nu aze rasa oviruaro vie.
22
Nu pa kara nai kutja ingui omusiona omuningire ua koka, nu a tuarua ijovaengeri mekoro ra Abrahama. Omutumbe uina ua koka na pakua.
23
Nu motjovasengua momahihamisiro omanene, eje ua jera omeho ue, nu a munu Abrahama kokure, na Nasarusa aeri mekoro re.
24
Nu eje ua urira kombanda na tja, Tate Abrahama tjariparera ami, nu hinda Nasarusa kutja a ka tjaveke ohonga jomunue ue momeva, nu eje ku tarareka eraka randje, orondu ami me hihamisiua morurumo indui.
25
Nunguari Abrahama ua tja, Muzandu uandje, zemburuka kutja ove mohupo joje ua jakurire ovina imbi oviua, nu Nasarusa otja muine imbi ovivi. Nunguari nambano eje ma huhuminiua nove mo hihamisiua.
26
Nu pendje na imbi avihe, pokati ketu na ene pena orutjiva orunene, kutja imba mbu mave zeri okuza nguno okuja ingo ave he peuru, nu uina kanaa ve zu ingo ave ja kuete.
27
Nu eje arire tja tja, nu opu me rijarikana kove, tate, kutja omuhinde kondjiuo jatate,
28
Orondu mbi novangu vetano, nu eje aka hatoire kuvo kutja ave heja kotjirongo tjomihihamo tji.
29
Nu Abrahama ua tja nai ku je, Vena ooMose novaprofete, ngave zuve kuvo.
30
Nu eje ua tja, Kako, tate Abrahama, nunguari umue tjai kuvo okuza motjovakoke, ovo mave riverere kondanaukiro.
31
Nu eje ua tja ku je, Tji ve ha zuvire Mose novaprofete, otji ve hina kuzuva nangarire umue ua pendurua movakoke.