1
Nu Eje u eve serekarera otjisasanekero rukuao okuvehonga kutja ovandu va sokukumba aruhe na ve haurua,
2
Nu Atja, "Pa ri omupangure uorive motjihuro tjorive, ngu ja ha tira Mukuru nu ngu hari nondengero komundu.
3
Nu muari omuhepundu motjihuro otjinge tjo, nu eje ueja ku je na tja, 'Ndji Japura komunavita na ami'.
4
Nu ingui omupangure ka tjitire nao oruveze orure; Nunguari kombunda ua tja nai muje omuini, 'Nangarire tji mbi ha tira Mukuru nu tji mbi hina ndengero komundu,
5
Mokutja omuhepundu ingui u ndji varura, me mu vatere, tjaa ngee ndji kurungisa nomeero ue uaaruhe."
6
Nu Muhona ua tja, Zuveje kutja ingui omupangure omuhasemba ma tja vi.
7
Nu Mukuru kanaa vatere ovatoororua ve omuini, mbe ririra ku je omutenja noutuku, nande ve karere nomuretima.
8
Me mu raere, Eje Me ve vatere tjimanga. Nunguari ingui Omuna uOmundu tji me ja ma vaza ongamburiro kombanda jehi.
910
9 Nu Eje ua serekarera otjisasanekero tji, ku vemue mba kamburire muvo oveni, kutja ovasemba nu mbu ja ve njengura ovakuao: "10 Ovarumendu vevari va ire kondemberi okukakumba, umue uari Omufarisei, omukuao aeri omusutise uotjisuta tjouhona.
11
Omufarisei ua kuramene nu a kumbu nai ku je omuini, 'Mukuru, metja okunene uri okuhepa kove kutja ami hiri otjovandu varue, ovatikure, ovahasemba, ovakatuke votukupo, nangarire otja ingui omusutise uotjisuta tjouhona ingui.
12
Mbiri tjaera kovikuria tuvari motjiveke, mbi jandja otjitjamurongo tja imbi avihe mbi mbi navio'.
13
13 Nu ingui omusutise uotjimariva tjouhona ua kuramene kokure, nu ka vangere nangarire ingui okujera omeho ue kejuru, nu ueritonene motjari amatja, 'Mukuru, tjariparera ami, omurunde'.
14
Metja nai kuene, omurumendu ingui ua ja konganda koje a a sembamisiua okukapita ingui omukuao. Orondu auhe ngue ritongamisa ma susuparisiua nu auhe ngue risusuparisa ma tongamisiua."
15
Nu ovo va jetere ounatje ku Je kutja E u jambeke omake, nunguari ovahongeua Ve tjive ve muna, ve ve kandaiza,
16
Nunguari Jesu ue ve isanena ku Je na tja, Jandjereje ovanatje ovatiti okuja ku Ami, amu ve tjaere, orondu Ouhona ua Mukuru oua imba mbe ri nai.
17
Tjiri Metja nai kuene, Auhe ngu hina ku jakura Ouhona ua Mukuru otja okanatje, kanaa hiti muuo.
18
Nu omunane uorive ue Mu pura, amatja, "Muhonge Omuua, hi tjite vi kutja mbi rumate omuinjo uaaruhe?
19
Nu Jesu uatja nai ku je, "Onguae tji mo isana Ami omuua? Kapena umue omuua, pendje na Umue, Mukuru.
20
Ove u tjiua omatuako, O katuka ko orukupo, O zepa ko, O vaka ko, O jandja ouhatoi uovizeze, Jozika iho na njoko."
21
Nu eje ua tja, Inga ajehe mba takamisa okuza koutiti uandje.
22
Nu Jesu tja zuva ovina mbi, Eje ua tja nai ku je, "Ove ngunda mo kaere otjina tjimue. Randisa avihe mbi u navio nu u hanene ovasiona, nu ove mokara novihuze mejuru. Nu uje u Ndji kongorere."
23
Nu tja zuva tji, eje ua hihamua tjinene, orondu ua tumbire tjinene.
24
Nu Jesu tja muna kutja ua hihamua tjinene, Eje ua tja, Opopazeu vi ku imba mbe notutumbo okuhita mOuhona ua Mukuru.
25
Orondu okupupu ongamero okutuurunga ondovi jonane, okukapita omutumbe okuhita mOuhona ua Mukuru.
26
Nu imba mba zuva itji, va tja, nunguari ouani ngu ma jenen okujamua?
27
Nu Eje ua tja, Ovina imbi mbi ha urika kovandu, vi urika ku Mukuru.
28
Petrusa atja, "Tara, tua jesa avihe, na tu kongorere Ove."
29
Nu Jesu atja nai kuvo, "Tjiri, Metja nai kuene, Kapena mundu ngua jesa ondjiuo, poo ovakuate, poo ovakuatuapamue, poo omukazendu, poo ovanatje, mena rOuhona ua Mukuru,
30
Ngu hina ku jakura potuingi okukapita imba moruveze indui, nomuinjo uaaruhe mouje mbu mauja."
31
Kuzambo Eje ua toora imba omurongo navevari na tja nai kuvo, "Tareje, ma tuii kOjerusalema, nu ovina avihe mbia tjangua ijovaprofete ohunga nOmuna uOmundu mavi jenenisiua.
32
Nu Ma jandjeue kovanavisenginina, na njekererua, na jambururua, na tjekerua omate.
33
Nu mave Mu tono ozongora nave Mu zepa, nu mejuva oritjatatu Eje a penduka rukuao."
34
Ovo kave pangununine ko tjimue tjovina imbi. Nu omambo inga ja horekerue kuvo nu uina kave tjivirue ovina mbi Ja hungire.
35
Nu pa kara nai kutja Eje tjeja popezu na Jeriko, omupotu uorive ua haamene mene rondjira ama ningire.
36
Nu eje tja zuva otjimbumba ama tji kapita ua pura kutja, Otjikuatjike?
37
Nu ovo ve mu raera kutja Jesu ua Nasareta ma kapita.
38
Nu eje u aura, na tja, "Jesu, Muna ua David, ndji tjariparera."
39
Nu imba mbar i komurungu u eve mu kandaiza kutja, nga muine.Nu eje u aura okukapita, "Muna ua David, ndji tjariparera."
40
Jesu ua kurama, nu a pangura kutja nga jetue ku Je, Nu Jesu tjeja popezu ue mu pura kutja,
41
"Ove mo zeri kutja Ami mbi ku tjite vi? Nu Eje ua tja, Muhona kutja mbi jakure okumuna kuandje."
42
Jesu atja nai ku je, "Jakura okumuna koje! Ongamburiro joje je ku verukisa."
43
Nu tjimanga eje ua jakurire okumuna kue nu e Mu kongorere ama hivirike Mukuru. Nu tjiva muna ovandu avehe va jandja ondangero ku Mukuru.