1
Pari nomurumendu uOvafarisei, uena Nikodemus, omunane uOvajuuta.
2
Eje ueja ku Jesu ongurova na tja ku Je, Rabi ete matu tjiua kutja oove omuhonge ngua za ku Mukuru. Orondu kapena mundu nguma tjiti ovihimise mbi U tjita, andu Mukuru tjeri puenae.
3
Jesu Ua zira nA tja ku je, Tjiri, tjiri, Me tja nai kove, andu omundu tja kuatua rukuao, eje ke na ku muna Ouhona ua Mukuru.
4
Nikodemas ua tja nai ku Je, Omundu ma jenen vi okukuatua eje aa kurupa? Eje ma jenene okuhita orutjavari motjikuatero tja ina na kuatua?
5
Jesu ua zira, Tjiri, tjiri, Me tja nai kove, andu omundu tja kuatua nomeva nOmbepo, eje kanaa hiti mouhona ua Mukuru.
6
Itji tji tja kuatua ijonjama onjama, nu itji tji tja kuatua ijOmbepo ombepo.
7
Ohimua kutja Ami Mba tja nai kove, Uasokukuatua rukuao.
8
Ombepo i singira ku mai vanga nove, u zuva ombosiro ja jo, nu kotjiua ku mai zu poo ku ma jii. Otji peri nao kuimba mba kuatua ijombepo.
9
Tjiri, tjiri, Me tja nai kove, Tu hungira mbi ma tu tjiua na tu hatoire mbi tua muna.
10
Nu ka mu jakura omahongononeno uetu. Nu Jesu Ua zira nA tja ku je, Oove omuhonge ua Israel, nu ko tjiua ovina mbi.
11
Tjiri, tjiri, Me tja nai kove, Tu hungira mbi ma tu tjiua na tu hatoire mbi tua muna. Nu ka mu jakura omanongoneno uetu.
12
Tji Mbe ku raere ovina viokombanda jehi, nu tji u hina ku kambura, mo itavere vi tji Mbe ku raere ovina viejuru.
13
Nu kapena mundu ngua rondere ke Juru, pendje na ingui ngua heruka okuza me Juru, okutja Omuna uOmundu nguri me Juru.
14
Notja Mose tja jerere onjoka mongaango, Omuna uOmundu otji meje ku jerua,
15
Kutja auhe ngua itavere mu Je aha pandjara nunguari a kare nomuinjo uaaruhe.
16
Nu Mukuru Ua suverere ouje nao, nA jandja Omuna Ue omukuatua erike, kutja auhe ngua itavere mu Je aha pandjara, nunguari a kare nomuinjo uaaruhe.
17
Orondu Mukuru ka hindire Omuna Ue mouje okupangura ouje, nunguari kutja ouje peje u jamue mu Je.
18
Ingui ngua itavere mu Je ke ri mombanguriro, nunguari ingui ngu hina ku kambura mu Je eje ua pangurua hapo, rondu ka itaverere mEna rOmuna ua Mukuru Omukuatua erike.
19
Nu indji ojo ombanguriro, kutja ondjerera jeja mouje, novandu va suverere ondorera okukapita ondjerera, orondu ovitjitua viao oviourunde.
20
Orondu auhe ngu tjita ouvi, nu uina ke ja kondjerera, mena rokutira kutja ovitjitua vie ngaavi vandururua.
21
Nunguari ingui ngu tjita ouatjiri u ja kondjerera kutja ovitjitua vie vi tjikue, kutja okuviri, nu vi tjitua mu Mukuru.
22
Kombunda jovina mbi Jesu novahongeua Ve va hita mehi ra Judea, k aka kara puena von a papitisa.
23
Nu Johanesa uina ija papitisa mOAenon, posi ja Salim, orondu pari nomeva omengi mbo. Novo ve ere nave papitisiua.
24
Orondu Johanesa ngunda tjandje ke ja nakerua mondorongo.
25
Nu pa karere epurira okuza kovahongeua va Johanesa ohunga nomakohororero uOvajuuta.
26
Novo ve ja ku Johanesa nave tja nai ku je, Rabi, ingui ngua ri puena ove hembandina ja Jordan, ingui ngu ua hatoiririre, tara, Eje ma papitisa, novandu avehe mave ja ku je.
27
Johanesa ua zirire na tja, Omundu kanaa jakura ko otjina andu tji tja jandjeua ku je okuza kejuru.
28
Ene oveni mamu ndji hatoire, kutja, ami mba tjere, Kaami Kriste, nunguari mba hindua pomurungu Ue.
29
Ingui nguno omukupua omukupe, nunguari indi epanga romukupe, ngu kurama ne mu zuu u joroka tjinene mena reraka romukupe. Indino ondjoroka jandje je urisiua.
30
Eje nga ueziue name hi henunuke.
31
Eje ingui ngu ma zu kombanda uri kombanda ja avehe: ingui ngu mazu kombanda jehi ouo kombanda jehi, nu u hungira oviokombanda jehi. Ingui ngu mazu kejuru uri kombanda ja avehe,
32
Nu Eje u hatoira ovina mbia muna na mbia zuva, nunguari kapena ngu jakura omambo Ue.
33
Ingui ngu ma jakura omahongononeno Ue, ma hatoire tji, kutja Mukuru Ouatjiri.
34
Orondu ingui MUkuru nga hinda u hungira omambo ua Mukuru, Orondu Mukuru Ke Mu pere Ombepo notjijenenise.
35
Ingui Ihe ua suvera Omuna, nu ua jandja ovina avihe momake Ue.
36
Ingui ngu itavera mOmuna unomuinjo uaaruhe, nu ingui ngu ha itavere mOmuna kanaa munu omuinjo; nunguari omazenge ua Mukuru jeri kombanda je.