1
Nambano Muhona tja tjivirue kutja Ovafarisei va zuza kutja Jesu ija ungura nokupapitisa ovahongeua ovengi okukapita Johanesa,
2
Nandino Eje ka a papitisa nunguari jari ovahongeua Ve,
3
Eje ua pitire mo Judea nai kOgalilee.
4
Nu apri nohepero kutja a pitire mOsamaria.
5
Indino Eje ueja kotjihuro tja Samaria tji tji isaneua Sychar, popezu nehi Jakova nda jandjere komuna ue Josef.
6
Nondjombo ja Jakova jari mbo. Nu Jesu otja tja urisirue ijoujenda, Ua haamene pehi mene rondjombo.
7
Nu pe ere omukazendu ua Samaria okuteka omeja. Jesu Ua tja kutja ku Je, Ndji pa ko mbinue.
8
Orondu ovahongeua Ve va ire kotjihuro okukaranda ovikuria.
9
Ingui omukazendu ua Samaria otja tja ku Je, Mapeja vi kutja Ove, au ri Omujuuta, moningire okunua ku Ami, omukazendu ua Samaria? (Orondu Ovajuuta kave ungura kuena Ovasamaria).
10
Nu Jesu Ua zirire nAtja ku je, Andaku mo tjiua otjijandjeua tja Mukuru, nokutja ouani ngu ma tja kove, Ndji pa ko mbinue, andaku ov ua ningire ku Je, nu Eje itje ku pa omeja omanamuinjo.
11
Omukazendu ua tja nai ku je, Mutengua, Ove ko na tjitjuma nondjombo ongoto. Ove otjimo isapi omeja omanamuinjo ingo?
12
Oove omunene put ate uetu Jakova, ngue tu pa ondjombo ndji, nu ngua nuine mu jo omuini, novanatje ve, nozongombe ze.
13
Jesu ua zirire nAtja, Auhe ngua nu omeva inga ma to njota rukuao,
14
Nunguari auhe nguma nu omeva inga Ami ngu Me mupe, kanaa to njota rukuao. Nunguaru inga omeja inga ngu Me mupe, ma je rire mu je omburo jomeva ngu ma je pupire komuinjo uaaruhe.
15
Omukazendu ua tja nai ku Je, Mutengua, ndjipa omeva inga, kutja e hato njota, poo okuuhuara ameja imba okuje kuteka.
16
Jesu uAtja ku je, Kaende u ka isane omurumendu uo je nu u je nguno.
17
Nomukazendu ua zira na tja, Ami hina murumendu. Jesu Ua tja ku je, Ove ua hungire osemba: Ami hina murumendu.
18
Orondu ove ua kara novarumendu vetano, nu ingui ngu u nae nai kamurumendu uoje. Mu itji ua hungire ouatjiri.
19
Omukazendu arire tja tja ku Je, Me munu kutja Oove omuprofete.
20
Ootate ija very kotamenenene mondundu ndji, nene mutja kona ovandu ku vasokurikotamenenena o kOjerusalema.
21
Jesu Ua tja ku je, Mukazendu itavera Ami, oruveze maru ja, ndu mu hina kurikotamenena ku ingui Tate mondundu ndji poo kOjerusalema.
22
Ene mu rikotamena ku ngu mu ha tjiua, ete tu rikotamena ku tjitu tjiua, orondu ondjamo mai zire mOvajuuta.
23
Nunguari oruveze maruja nu oruondui, indui overikotamene vouatjiri, ndu ma veje kurikotamena ku ingui Tate mOmbepo namouatjiri; orondu ingui Tate U paha mberi nao okurikotamena ku je.
24
Mukuru Ombepo nu imba mbu mave rikotamene ku Je vasokurikotamena ku Je mOmbepo na mouatjiri.
25
Omukazendu ua tja nai ku Je, Me tjiua kutja Mesiah meja, ingui Kriste. Eje tjeja me je k utu raera ovina avihe.
26
Nu Jesu ua tja ku je, Ami ngu Me hungire kuena ove, OUAMI.
27
Novahongeua Ve otji veja nave kumua kutja Ma hungire kuena omukazendu. Nunguari kapena ngue mu pura kutja, Mo paha tjike? poo, Onguae tji mo hungire kuenae?
28
Omukazendu otja jesa onjungu je jomeva, nai kotjihuro, na tja kovandu,
29
indjeje mu je ku muna omurumendu ngue ndji raere ovina avihe mbi mba tjitire. Ingui kanguri Kriste?
30
Novo va pitire motjihuro, na veja ku Je.
31
Nu ngunda a peri nai, ovahongeua Ve ve mu Mu kondjisire, amave tja, Muhonge, riaa.
32
Nunguari Eje Ua tja nai kuvo, Ami Mbi novikuria okuria mbi mu hei.
33
Novahongeua Ve otji va tjere nai, umue komukuao, Pe nomundu ngue Mu jetere otjina okuria?
34
Jesu Ua tja kuvo, Ovikuria viaNdje okutjita ombango ja ingui ngue Ndji hinda nokumana otjiungura Tje.
35
Nga a mu tja nai, ngunda pe nomieze vine kuzambo otjimakuja omakondero. Tareje, Ami Me tja kuene, Jereje omeho uenu nu tareje movikunino, orondu ovio via jepajerera omakondero hapo.
36
Nu ingui ngu ma kondo u jakura otjisuta, nu u uongera ovihape komuinjo uaaruhe, kutja ingui omukune na ingui omukonde ve joroke pamue.
37
Nu mu itji omambo inga otji jeri ouatjiri, umue u kuna nomukuao a kondo.
38
Ami Me mu hindi okukakonda imba pu mu ha ungurire. Ovarumendu varue va ungura, nu ene mamu hiti motjiungura tjao.
39
Novengi vOvasamaria vitjuhuro tjo va itaverere mu Je mena romahongononeno uomukazendu, nga tjere, Uendji raere avihe mbi mba tjitire.
40
NOvasamaria tji veja kuje, ve Mu ningira kutja a kare puena vo, nu Eje ua kara mbo omajuva jevari.
41
Novengi okukapita va itavera mena rembo Re,
42
Novo va tja nai komukazendu, Nambano ka tu tji itaverere mena romambo uoje, orondu ete tue Mu rizuvire oveni, nu tue ritjivirua kutja ingui oKriste katjiri, Omujame uouje.
43
No kombunda jomajuva jevari Eje ua kumuka ingo nai kOgalilee.
44
Orondu Jesu omuini Ua hatoira kutja, Omuprofete ka munu ondengero mehi ronguatero je.
45
Nu Eje the ere mOgalilea, ovandu va Galilea ve Mu jakurire, ovo tjiva muine ovina avihe mbia tjitire kOjerusalema kOmukandi, orondu ovo uina va ire kOmukandi.
46
Nu Jesu otjE ja rukuao kOKana tja Galilea, ingui ka tjitukisire omeva omavinu. Nu imbo pari omutenguandu uonguatero jouhona uorive, ngua verisire omuna ue kOkapernaum.
47
Neje tja zuvire kutja Jesu Ue ja mOgalilea okuza kOjudea, otja ja ku Je, nu e rijarikana ku Je kutja Eje ku verukisa omuna ue.
48
Nu Jesu otja tja nai ku je, Andu tji mua munu ovisanekero novihimise kanaa mu kambura.
49
Nu ingui ouo nguatero jouhona ua tja, Mutengua, indjo ngunda omuatje uandje ae hija koka.
50
Nu Jesu Ua tja ku Je, Kaende, omuna uo je unomuinjo. Nomurumendu ngui ua itavera indi embo Jesu nda hungira ku je, na kaenda.
51
Neje ngunda ama jende, ovakarere ve ve mu tjakanena, nave mu raere kutja, omuna uo je unomuinjo.
52
Neje ue ve pura oiri ndja ruka oku pua najo. Novo va tja ku je, erero moire oitja hambombari, otjindjumba otjitja zire mo mu je.
53
Nu ihe otja tjiua kutja jari moire otjingejo Jesu the mu here kutja, Omuna uoje unomuinjo. Nu eje otja itavera nondjiuo je aihe.
54
Itji otjihimise otji tjavari Jesu tja tjitire, Tje ere kOgalilea okuza kOjudea.