¹ Nu ngatu jese o mbutiro je mbo ra Kristu, tu jende ko murungu ko mekuriro, atu jesa rukuao o mbutiro jo ndanaukiro oku za mo viungura mbia koka, no ngamburiro mu Mukuru. ² Nangarire o mautiro uo mahongero uo mbapitisimo, o ku jambeka o make, o mbendurukiro jo vakoke, no mbanguriro ja aruhe. ³ Matu ungura ihi Mukuru tji majandjere. ⁴ Orondu kanaa peurika ku imba mba perue ondjerera, mba rora o tjijandjeua tje juru, mbari o vana rupa mo Mbepo o Ndjapuke, ⁵ Nu mba rora indi embo ra Mukuru eua no masa uo mbura ndji mai ja, ⁶ Nu mba uira kuarue, kanaa peurika o ku tunina rukuao ko ndanaukiro. Itji o mena ro kutja va paperao Muna ua Mukuru oveni rukuao, nave mu jambururire mo kati ko vandu. ⁷ Mo kutja ehi ndi nua o mbura ndji roka ro, nari hapa ovihape ovinahepero ku imba mberi kuninua, indi ihi nda jakura ondaja ku Mukuru: ⁸ Nunguari tji ra hapa o makuija no zohongue, karina ndjamo riri popezu noku sengua. O ndjandero jaro o manjosiro ⁹ Nu tua itaverisiua ko munda uo vina ovisemba o hunga na ene, vasuverua, ovina o hunga no ndjamo na ndino tu hungira nai. ¹⁰ Mukuru tjnga ae heri omuhasemba. Ke naa zembi o tjiungura tjoje no rusuvero ndu ua urikira ena re, mo kutja mua ungurira o vandu ve ovajapuke, nu ngamba muve ungurira. ¹¹ Tu zera tjinene kutja auhe uenu ma urike o ndjeverero o tjingejo nga ko maandero, kutja mu sembamise o maundjiro uenu. ¹² Itji o kutja amu ha ngundipara, nu mu rire o vahorere va imba mbe no ngamburiro no muretima rie eta ro makuizikiro. ¹³ Orondu Mukuru tja tjita o makuizikiro ku Abraham, ua jana eje muini, tjinga a e ha janene na kaani nguari o munene. ¹⁴ Ua tja, " Ami tjiri meku sere o ndaja ne kupe ovandu ovengi. ¹⁵ Mu nao, Abrahama ua muna o makuizikiro ko mbundaa tja za no kuundja no muretima. ¹⁶ Orondu o vandu ve jana na umue o munene puvo. Ko maandero uo kuhina nduvasaneno, o rujano rurira otjo mazikamisiro. ¹⁷ Nu Mukuru tja toora o mukambo oku raisira naua ko varie veta ro makuizikiro o kuhina ku tanaukira o ndinda jo ndero je, ua zikamisa itji no rujano. ¹⁸ Uatja tjita tji kutja no vina vivari mbiha tanaurua - mbi peha urika kutja Mukuru a kore ovizeze- ete mbu tua taurira ko ndjeverero, matu kara no kuri zeuparisa tjinene no ku tiza no masa ko maundjiro nga tuua po murungu uetu. ¹⁹ Tuna itji otjo ngunde jo uatjiri jo muinjo, o maundjiro nge hita mo urekoto kongotue jo tji tjivikize, ²⁰ Ima Jesu, nguaja ko murungu uetu ua hita mo ruveze o ku ketu kuramena. Ua rira o Mupristeri o munene ngaaruhe, otja ko muhingo ua Melchizedek.