¹ Jari Melchizedeka ingui, o mbara ja Salem, o mupristeri ua Mukuru uo kombandambanda, ongua uana na Abrahama ama zu ko matiro uo zombara nu e mu sere o ndaja. ² Jari kuje Abrahama ka jandjere o tjitjamurongo tja avihe. Rutenga, o matanauriro ue na re tje jehe kutja, “o mbara jo usemba", nu rukuao eje "o mbara ja Salem", o kutja “o mbara jo hange". ³ Ke na ihe, ke na ina, ke na vakurundu, ndji hina mbutiro jo majuva poo o maandero uo hupo. Nunguari ua sana ko Muna ua Mukuru, mo kutja ua rira o mupresteri ko ngaaruhe. ⁴ Tara kutja o murumendu ingui ua ri o munene vi, ingui Ihe-jo mihoko Abrahama kaandja o tjitjamurongo tjo vina mbia katoorua mo tjirua. ⁵ Ozondekurona za Levi mbe jakura oviungura vio upristeri vena o uvara uo tjiveta oku uonga o tjitjamurongo mo vandu, oku za mo vakuao nangarire ovo noho vaza mo ndekurona ja Abrahama. ⁶ Nunguari Melchizdeka, ingui omuhoko ue mbu hina ua varerue muvo, ua jakura o tjitjamurongo okuza mu Abrahama, nu e mu sere o ndaja ingui ngua ri no makuizikiro. ⁷ Ka pena mbata kutja o mundu uo kehi ongu serua o ndaja i ingui o uo kombanda. ⁸ Nu mu nao, ovandu mbe koka ve jakura o tjitjamurongo, nu mo muano mbo kua hatoirua kutja u hupa. ⁹ Nu mo muano uo ku hungira, Levi ngua jakura o tjitjamurongo, aa sutu o tjitjamurongo ku Abraham, ¹⁰ orondu Levi uari mo rutu ro vakuru ve, indi Melchizedeka tja uana na Abrahama. ¹¹ Nai tjiri a i urika mo tjipristeri tja Levi, (mo kutja kehi ja tjo o vandu va jakurire o veta), peno hepero jaije rukuao kutja omupristeri uarue oku jerururua ko mbunda jo muano ua Melchizedeka, no ku heripurirua okurira ko muano ua Aarona? ¹² Mo kutja otjipristeri tji tja tanaurua, o veta noho iso ku tanaurua. ¹³ Mo kujta ingui uo vina mbi heua o uo muhoko uarue, mu mu hina umue ngua ungurire po Altari. ¹⁴ Nai pa kohoroka kutja o Judah umue uetu ma kuaterua, o muhoko Mose mbue hina indi pe utamunine o hunga no vapresteri. ¹⁵ Tji ma tuhe tja kohoroka, rukuao nderi o mupristeri omukuao ma zikua mo saneno ja Melchizedeka. ¹⁶ Ka pari a pa zikirua mo veta jo njama ndjai hepeua kutja a rire o mupristeri,, nunguari jari otja ko masa uo hupo ndji ha janda. ¹⁷ O matjangua je hatoira nai ko munda ue: “O ove o mupristeri ngaaruhe ko muano uo maheja ua Melchizedek.” ¹⁸ Orondu ka po apee rike, erakiza ekuru nda tuua poso mena ro ungundi noku hina mbatero- ¹⁹ Mo kutja o veta kaina tjija puisa- nunguari noho o maundjiro ngu mae ngara ja utua, ngu tu ja nao popezu na Mukuru. ²⁰ Nu ka jari no ku hina rujano! Varue varira ovapristeri no ku hina rujano, ²¹ Nunguari eje ua rira omupristeri no ku toora o rujano rua ingui ngua tja kuje, “Mukuru ua jana, nu kenaa tanaura o uripura: 'O ove o mupristeri ngaaruhe'''. ²² Na itji uina Jesu o pa jandjera mazikamisiro uo merikutiro kumue ngu ma je ngara. ²³ Ovapristeri imbo vakuru vari o vengi mo tjivarero, tjinga ondiro jeve tjaera o ku karerera mo tjiungura. ²⁴ Mena ro kutja Jesu uhupa ngaaruhe, uno tjipristeri tji tji karerera. ²⁵ Nu nao, opa jenena o ku jama avehe katjiri imba mbeja ku Mukuru na je, mo kutja u hupira o ku ningirira vo. ²⁶ Orondu tjiri pa puirire kutja tu kare no mupristeri otja ingo, nguri o mujapuke, o muhinandjo, o mukohoke, ngua hanika mo varunde, na tongamisiua kombanda jo majuru. ²⁷ Ka hepa, tjimuna ovapristeri o vanene, o ku jandja ozombunguhiro aruhe, rutenga ko mauvi ue muini, ku zambo ko mauvi uo vandu. Eje ua tjita rumue ku avehe, tjinga aeri jandja o muini. ²⁸ Nunguari o veta i zika otjo ovapristeri ovanene o vandu mbeno o maungundi. Nunguari embo ro rujano, ndeja kombunda jo veta, ra zika o Muna, ngua sembamisiua ngaaruhe.