¹ Orondu o mupristeri o munene auhe ngua toororua mo kati ko vandu, ua zikirua oku kuramena o vandu mo vina mbia tjama ku Mukuru, kutja a jandje ovijandjeua no zombunguhiro zo mauve. ² U jenena o kuungura katiti no rusuvero nai imbo vahatjiua mba pukisiua, mo kutja eje muni tjinga ae ri kehi jo ungundi. ³ Mena ra itji, eje uina u so ku jandja o zombunguhiro ko mauvi ue muni, otja tje tjitira o vandu ko mauvi uao. ⁴ Kapena ngu ri toorera o ndjozikiro ndji o muini. Nunguari eje ua isaneua i Mukuru, otja Arona tja isanenue. ⁵ Nu muano otji ngeuo, Kristu ke ripere o ujere o muini no kuri ungura o mupristeri, nunguari ingui ngua hungira ku je kutja, "O ove o Muna Uandje, ndinondi mba rire iho joje.” ⁶ Otja tja tjere mo ruveze ruarue, “O ove o mupristeri ngaaruhe, otja ku muano ua Melchizedek.” ⁷ Mo majuva uo njama je, Kristu ue tupa o zongumbiro no maningiriro no maririro uo kombanda no mahoze ku Mukuru ingui ngua jenene oku mu jama mo ndiro, nu ua zuvakerua mena ro hupo je jo ndira ku Mukuru. ⁸ Nangarire kutja uari o Muna, ue ri honga o nduviro mbie mu ihamisa, ⁹ Ua puisiua, narire ku kaani ngu zuva kuje, o muute uo ndjamo ndji karerera. ¹⁰ Ua zikamisiua i Mukuru otjo Mupristeri o munene ko mbunda jo muano ua Melchizedeka. ¹¹ Tuna ovingi o ku hungira o hunga na Jesu, nunguari o po pa zeu o ku zuvarisa tjinga a mua rira ove hina nduviro. ¹² Naindi mo ruveze ndui muaso kutja mua rira o vahonge, ngunda mu hepa o mundu o ku mu honga o vina imbio vitenga vio mbuze ja Mukuru. Mu hepa o maihi, eheri o vikuria o vikukutu. ¹³ Orondu auhe ngu nua o maihi kena ndjiviro jombuze jo usemba. ¹⁴ Nunguari o vikuria o vikukutu o vio vanene. Imba ovo mba mena ro unene u ao ondjiviro jao ndja hongua o ku hana ouua mo uvi.