¹ Nambano o ngamburiro o ku sembamisa o vina mbi undjua no kara no uatjiri uo vina mbi hija munika. ² Mu kutja mena ra itji ovakuru va jakurirua ongamburiro jao. ³ No ngamburiro tu pangununa kutja o mauje ja ungurua ne rakiza-mbo ra Mukuru, kutja mbi munika ka via ungurirue o kuza mu mbi munika. ⁴ Jari mo tjimbe tjo ngamburiro Abela tja jandja o mbunguhiro ndja kapita o ja Kaina, eje pa hongononenua kutja o musemba, na Mukuru ua hungira o naua ko munda ue mena ro vijandjeua vie, nu no ngamburiro Abela ngunda u hungira, nandarire ua koka. ⁵ Jari mena ro ngamburiro Enocka tja toorerua kombanda kutja a ha munu o ndiro. " Ke naa ua vaseua, meo kutja Mukuru tjandje ue mu toora." Orondu ko murungu ua tja toorua, pari no mahongononeno uo kutja ua tjatera Mukuru. ⁶ Nambano noku hina ngamburiro kape jenene kutja u mu tjatere. Orondu peno hepero kutja kaani ngu meja ku Mukuru uso ku kambura kutja okeri, no o mujandje uo ndjambi ku imba mbe mu paha.. ⁷ Jari mo tjimbe tjo ngamburiro Noah, tjaza no ku peua erongua ro majuru ko munda uo vina mbi hija munika, no umune ua Mukuru ua tunga o Araka o ku jama ovo ndjiuo je. No ku tjita itji, ua pangura o uje narire o munie ta ro usemba o ko muhingo uo ngamburiro. ⁸ Jari no ngamburiro kutja Abraham tja isaneua, ua tjita otja pa heua nu a piti ai ko ruveze nduari o ku ka kambura otja eta. Ua pita ai, a e hina ku tjiua ku mai. ⁹ Jari no ngamburiro tja turire mehi ro makuizikiro otja o uambangu. Ua kara mo viranda pueena Isaka na Jakova, o varumate ve ta ro makuizikiro pueena e. ¹⁰ Mo kutja eje ua tarere ko murungu tjihuro itji ombutiro, no muperende no mutunge uatjo nguri Mukuru. ¹¹ Jari no ngamburiro, na indi Sara eje muni uari ongandji, ua jakurire o masa uoku kuta o ungundi. Itji tja karapo na indi ua raa kurupa tjinene, orondu eje ua varerue otjo mutakame ingui ngua peua omakuizikiro. ¹² Nunguari, oku za mo mundu umue, ngua ri poo ku koka - mua kuatua ozondekurona ozengi tjimuna o muheke uo mukuro uo kuvare. ¹³ jari no ngamburiro nu imba avehe vata a vehija jakura omakuizikiro. Nunguari, va muna nu ave minikire ko kure, nu va itavera kutja ovo o va mbangu nu ovataure mo uje. ¹⁴ Orondu imba mbe hungira ovina imbio, ve raisa kutja ve paha ehi rao o veni. ¹⁵ Nu nderi ija veripura nehi ku va zire, vari no ruveze ro ku jenena o ku jaruka. ¹⁶ Nunguari otja tjiperi, vezera ehi eua tjinene, ndiri o re juru. Nu Mukuru ka tohoni oku isaneua Mukuru uao, eje tjinga ae ve tunina o tjihuro. ¹⁷ Jari no ngamburio, Abraham tja rorua, ua jandja Isaka. Jari o muna ue omukuatua erike ngua jandja, ingua jakurire o makuizikiro. ¹⁸ Jari ku Abrahama ku kuaza, " O mu Isaka mu ma muje ku isanenua ondekurona joje.” ¹⁹ Abrahama ija itavere kutja Mukuru ma jenenene oku pendura Isaka mo vakoke, nu mo maheja uo vivarero, jari muuo tjemu jakura. ²⁰ Jari rukuao no ngamburiro na mo vina mbi maa vija Isaka ua sera Jakova na Esau o ndaja. ²¹ Jari no ngamburiro kutja Jakova, tji ja koka, ua sera ovanatje vazandu va Josefa avehe o ndaja. Jakova ue rikotamene, ae ritandere ko nguinja je. ²² Jari no ngamburiro Josefa, ondjira je jo ndjandero tji jari popezu, ua hungirire o hunga no rutjindo ruo vanatje va Israel o kuza ko Egypte nu a jandja o marakiza o hunga no matupa ue. ²³ Jari no ngamburiro kutja Mose, tja kuatua, ua horekerua o mieze vitatu ijo vakuate ve, mo kutja va muna kutja okanatje okaua. Kaa ve tira e rakiza ro Mbara. ²⁴ Jari no ngamburiro kutja Mose, tja za noku kura, ua panda oku isaneua o Muna uo musuko ua Pharaoh. ²⁵ Ua toorora oku tjindua navi puna o vandu va Mukuru pendje no ku viara no vina vio mutjato uo uvi mo ruveze o rusupi. ²⁶ Ua varere kutja o ndjambu jmena ra Kristu o nene o tja orutumbo o runene ndua kapita o vihuze via Egypte, orondu eje ua tarere ko murungu ko ndjambi je. ²⁷ Jari no ngamburiro kutja Mose a pite mo Egypte, ka a tira o mazenge uo mbara, mo kutja ua tjinda o uzeu tjimuna nguaa munu ingui ngu ha munika. ²⁸ Jari no ngamburiro tja tiza o marurumino, no matjatjero uo mbindu, kutja o muzepe uo viveri a ha tunu viveri vio vazandona va Israela. ²⁹ Jari no ngamburiro tji va jenena o ku konda o Muronga uo Ndeka tjimuna mave kapita kombanda ehi e kukutu. Nu ova Egypte tji va rora oku tjita tji va niniua. ³⁰ Jari no ngamburiro o tuuata tua Jeriko tjitua uira pehi, tji tua za noku kondorokua o majuva hambombari. ³¹ Jari no ngamburiro Rahab inguo o mukorondu tjeha tire pueena imba o vehena nduviro, mena ro kutja ua jakura o vahorore vo mbuze no hange. ³² Mbi tjevi rukuao oku kapita? Orondu o ire kaina kundji jandjera tjimba serekarere o hunga na Gideona, na Baraka na Samsona, na Jefta, na Davida uina, na Samuela, no hunga no vaprofete. ³³ Jari no ngamburiro kutja ve taarere o mauhonapare, o usemba mbua zikama, ave jakura o makuizikiro. Va kuramisa nave pata o vinjo vio zongejama, ³⁴ a ve zemisa omasa uo muriro, ave heza mo honga je ngaruvio, ave peua o masa, tji vari ovingundi, ave rire o vanamasa mo vita, nave taara o vimbumba vio vita.. ³⁵ Ovakaendu va jakura ovati vao no mbendukiro. Varue va tatumisiua, no ku hina ku jakura o nguturiro, kutja ve e ku rora o mbendukiro mo vati o mbua oku kapita. ³⁶ Nu tjiva va rora o marorero uoku jambururua no zongora, nandarire ozoketanga no ndorongo. ³⁷ Va vetua no maue. Va kondua mokati tuvari. Va zepeua nengaruvio. Ija ve rianga mo mikova vio zondu no mikova vio zongombo. Vari ovasiona , ava ninikiziua noku tatumisiua. ³⁸ O uje ka ua ri no ndengu navo. joku ve tumba. Ija ve rianga mo vikango na mozo ndundu, na mo tupoko, na mo mina vio mehi. ³⁹ Nandino ovandu mba avehe va jakurirue i Mukuru mena ro ngamburiro jao, ka ve jakurire o makuizikiro. ⁴⁰ Mukuru uetu tunina otjina tj tja kapita, kutja no kuhina ete ave ha puisiua.