¹ Orondu o veta ojo tjinga ai iri o tjizire tjo vina oviua mbima ja, nu ai heri o mbunikiro jo vina mbio vini. Imba mbeja ku Mukuru ka naa ve puisiua ijo zombunguhiro inda ovapristeri ndu veeta o mbura no mbura. ² Apeheri nao, ozombunguhiro nandaku kaze kuramisirue oku jandjua? Mo kutja overikotamene itja ve kohororua po rumue nu a ve kara no urizemburuka uo uvi. ³ Nunguari no zombunguhiro ndo pena muna o mazemburukisiro uo uvi o mbura no mbura. ⁴ Orondu tji peha jenene kutja o mbindu jo zonduezu no zongombo isako mauvi. ⁵ Nu Kristu tjeja mo uje, uatja, “O zombunguhiro, no viijandjeua ka muvi zerire, nunguari o rutu mua tunina ami;. ⁶ no viningiririsiua vio vijandjeua, no vijandjeua vio uvi ka mu karere no mutjato mu vio. ⁷ Ne tja, 'Tara, ouami ngui- otja tjipa tjangua o hunga na ami mo rumango- oku tjita o mbango jo je, Mukuru'''. ⁸ Rutenga uatja, “Ka jari ozombunguhiro, no vijandjeua, poo viningiririsiua vio vijandjeua poo ovijandjeua vio uvi mbi ua zerire. Poo uina ka ua ri no rutjato mu vio,” Imbi jozombunguhiro nde jandua ko tjiveta. ⁹ Kuzambo a tja, “Tara, ouami ngui o ku tjita o mbango jo je". U isapo omeritunino ingo matenga oku zikamisa inga o jetjavari. ¹⁰ Mo ndero ndjo, tua japurirua mo mbunguhiro jo rutu rua Jesu Kristeu po rumue ku avehe. ¹¹ Ejuva ne juva omupristeri auhe u kurama na zuvarisa, ama jandja ozombunguhiro tjingezo aruhe- ozombunguhiro nde hina maze isamo mauvi. ¹² Nunguari Kristu tja jandja o mbunguhiro imue ja aaruhe ko mauvi, ua haama pehi ko kuuoko kunene kua Mukuru. ¹³ U undja ngatji ovanavita ve tji ma ve ungurua o tjihavero tjo zombaze ze. ¹⁴ Orondu no tjijandjeua tjimue eje ua puisa ngaaruhe imba mbu mave japurua. ¹⁵ O Mbepo o Ndjapuke uina itu raisira. Rutenga utja, ¹⁶ “Indji o o ngutasaneno ndji mee ku ungura kuena ovo kombunda jo majuva ngo, ma ku hungire Muhona. Ami me tuamo o zoveta zandje mo mitima viao, nu ee ze tjanga mo zondunge zao.” ¹⁷ Nu a ueza, “O mauvi uao no kuhina veta hinee zemburuka ko rukuao.” ¹⁸ Nambano pu peno ndjesiro ja imbi, kape tjina ombunguhiro jo mauvi rukuao. ¹⁹ Nambano, vakuetu, tuno uvande oku hita mo ruveze o rujapuke kutu kapita no mbindu ja Jesu. ²⁰ Indji oo ndjira ombe jo ku hupa ndje tu utira no tjitjivikize, tjingairi, no njama je. ²¹ Mo kutja tuna o mupristeri o munene ngu ri kombanda jo ndjiuo ja Mukuru, ²² nga tu riame no mitima vio uatjiri mo mazikamisiro nge ura mo ngamburiro, o mitima vietu a via tjatjua oukohoke mo urizemburuka uo uvi, no tutu tuetu a tua kohua no meja o makohoke. ²³ Ngatu kakatere no kuhina ku teratera ko maundjiro ngutu hongonona, mo kutja ingui ngua kuizika o mutakame. ²⁴ Ngatu ripurire ko ku tokasanena o rusuvero no vitjitua o viua. ²⁵ Atu jesa o mauaneno ua pamue, otja tjiva tji va tjita. Nunguari, ngatu zeuparisanee, indi tjinene tji matu munu ejuva ama rija popezu. ²⁶ Orondu tjitua tjitire uina ouvi tji tua zu noku jakura o ndjiviro jo uatjiri, ombunguhiro jo uvi kaitjipo rukuao. ²⁷ Nunguari, pena omaundjiro jemue uo mburuma uo mbanguriro, no muriro o mu vaure mba u je ku nina o vanavita na Mukuru. ²⁸ Kaani auhe nguha tonda o veta ja Mose ija koka no ku hina tjari kehi jo zohatoi mbari poo ndatu. ²⁹ Ombanguriro ndja kapita pu peta pi ndji ma munu kutja ja puira ingui ngua jatajata kehi jo zombaze, ngua vara ombindu jo ngutasaneno otjo - ombindu indji ma japurirua - na jamburura o mbepo jo tjari? ³⁰ Mo kutja matu mu tjiua ingui ngua tja, "Oku sutisa no mazenge o kuandje;me mu sutire." Nu rukuao, muini, "Muhona ma pangura o vandu ve." ³¹ O tjina o tjitirise oku uira mo make ua Mukuru o munamuinjo. ³² Nunguari zemburukeje o majuva inga nga kapita, inga tji mua zire noku jerisiua mu mua zarere o tjirua o tjinene tjo mihihamo; ³³ Oruveze rumue mua jesirue mo zondjambu no ndatumisire, nu itji amu hanasana na imba mbu ja ve tjitua nao. ³⁴ Orundu ene muari no ndjenda na imba mbari ovakamburua, amu jakura no ndjoroka o mapundiro uo vina vienu. Ija mu tjiua ene o veni kutja muna o rutumbo ndua kapita o rukarere. ³⁵ Nu amu imbirahi o upandi uenu, mbuna o ndjambi o nene. ³⁶ Orondu ma mu hepa o muretima kutja tji mua zu noku tjita o mbango ja Mukuru, ma mu jakura tji mua kuizikirua. ³⁷ "Mo karuveze o kasupi, ingui ngua so kuja me ja, nu kena ku uomba.” ³⁸ Ingui o musemba uandje ma hupu no ngamburiro. Nunguari tje rinutire o mbunda, o muinjo uandje ka naa u tjaterua muje.” ³⁹ Nunguari ka uete vemue va imba mbe jaruka o mbunda ko manjoneno, nunguari turi puna imba mbeno ngamburiro jamo minjo viao.