¹ Nambano nangarire ingo merikuturokumue ingo matenga uina ja ri no zoveta zo kurikotamena no tjiranda tjo uje. ² Mo kutja o tjiranda tja tungirue. Otjiranda itjo tjitenga, mu muari no mazikiro ue rambe, no tjitihe, no mboroto jo ruveze, ja isaneua oruveze orujapuke. ³ Kongotue jo tjitjivikize otji tjavari pari no tjiranda, tjaa tji isaneua o o orujapuke muto atuhe. ⁴ Tjari ne ezuko ro tjingolto ro moro muua. Rukuao tjari no tjikesa tjo merikutiropamue, tji tja romberue no tjingolto atjihe. Moukoto jari ekopi ro tjingolto ndaa mu tizirua o manna, o nguinja ja Aaron ndjaa injomoka, no maue uo merikutiropamue. ⁵ Kombanda jo tjiranda kuari no cherubima ndja tjivikizire otjikamo tjo ndjesiro, mbi tu hina oku jenena oku hungira ko munda ua vio avihe. ⁶ Kombunda jo vina imbi tji via za noku tunua, ovapristeri aruhe ija ve hiti me tuuo ro pendje ro tjiranda o ku tjita oviungura viao. ⁷ Nunguari o mupristeri o munene erike o nguaa hiti me tuuo oritjavari rumue mo mbura, no ku hina mbindu, tje rijandja o muini, na ko mauvi uo vandu ngu ve hina ku tjiua. ⁸ O Mbepo o Ndjapuke ja raisa kutja ngunda o tjiranda itjo tjitenga a tja kurama, o ndjira jo ku hita mo ruveze orujapuke muto atuhe ka ruja munika. ⁹ Itji jari o tjisanekero tjo ruveze ndo. Imbi o vijandjeua no zombunguhiro, mbi ja vi ha jandjua nai kavi jenene o ku puisa ourizemburuka uo mukumbe. ¹⁰ Ovo vena konatja no vikuria, no vinuua, no merikohero pekepeke uo vitjitua, o zoveta zo rutu ngatji ko ruveze ruo veta ombe. ¹¹ Kristu ueja otja o mupristeri o munene uo vina o viua mbia sere oku ja. Ua kapita mo tjiranda o tjinene tji tja pua oku kapita, tji tja ha tungirue no make uo vandu, tji tji heri tjo ndungiro jo uje mbui. ¹² Ka jari no mbindu jo zongombo no zondana, nunguari jari no mbindu je omuini kutja ua hita mo ujapuke mbua kapita po rumue ku avehe nu a kambura o marandururiro ua aruhe. ¹³ Mo kutja tjeri ombindu zongombo no zonduezu, no ku tjatjua ko mitue vio zongominja mu imba mba tundaka ku japurira ko makohororero uo njama, ¹⁴ O po tungapi rukuao ombindu ja Kristu, eje ngui no Mbepo ja aruhe ngue rijandjera o muini ku Mukuru no ku hina tjipo, a kohorora ourizemburuka uetu mo viungura mbia koka o ku ungurira Mukuru o munamuinjo? ¹⁵ Nu mena ra itji o muhanganise uo merikutiropamue o mape. Kutja mo tjimbe tjo ndiro ndja tjitirua o maranduriro ua mberi kehi jo merikutirokumue ngo matenga mo zongatukiro zao, imba mba isaneua ve jenene oku jakura o makuizikiro ue ta ra aruhe. ¹⁶ Orondu pu pena o ndiero je ta ro muti, o ndiro ja ingui ngue ji ungura ja so ku zikamisiua. ¹⁷ Orondu o ndiero je ta i ungura tji pazu no ku kara ondiro, mo kutja kaina masa ingui ngue iungura ngunda a eno muinjo. ¹⁸ Mu nao nangarire indjo ngutasaneno indjo ndenga kaja zikamisirue no kuhina mbindu. ¹⁹ Mo kutja Mose tjaza no ku jandja etuako arihe mo veta ko vandu avehe, ua toora o mbindu jo zondana no zongombo, no meja, no zosepa ozo serandu no hyssopa, na tjatja indi embo no vandu avehe. ²⁰ Na rire tja tja,, “Indji o mbindu jo ngutasaneno indji Mukuru ndje mu raera.” ²¹ Nu mo muano o tjingeo, a tjatja o ombindu mo tjiranda no mo vitjuma avihe mbi ungurisiua mo ndemberi. ²² Kehi jo veta, kaani otjina tji kohororua no mbindu. No ku hina matirahiro uo mbindu kapena ndjesiro. ²³ Nunguari pari no hepero kutja o visanekero vio vina mejuru vi kohororue no zombunguhiro nda zo vinamuinjo. Nu nanguari, o vina vie juru oviovini aa viso ku kohororua no zo mbunguhiro nda kapita nda. ²⁴ Orondu Kristu ka hitire mo ruveze orujapuke muto atuhe, ndua tungua no make, nduri otjisanekero tja indo ro uatjiri. Nunguari ua hita mejuru o rini, oku ka munika po murungu ua Mukuru mena retu. ²⁵ Ka ire ngo kutja eke rijandje omuini po tuingi, otja o mupristeri o munene tjaa tjiti, ngu hita mo ruveze orujapuke muto atuhe ombura no mbura no mbindu jarue. ²⁶ Nderi nandaku peri nao, uari a aso ku ihamisiua po tuingi oku za ko mbutiro jo uje. Nunguari nai ua munika ko maandero uo uje, oku isamo o uvi no meripunguhiro ue o muini. ²⁷ Otja omundu tjipa zikua kutja ate rumue, nu kombunda ja nao peje ombanguriro, ²⁸ Nu uina, Kristu ua jandjua rumue oku isamo o mauvi uo vengi, nu mee ku munika o rutjavari, ae hina ku jera ouvi, nunguari ameere o ndjamo ja imba mbe muundja.