¹ Nu mo uina, kutja tua koverua ijo tjikamba o tjinene zohatoi, nga tu tue ko tjikoro o haveha aihe no uvi mbu rimanga muete o upupu. Ngatu tupuke no ku hina ku ivaiva, o tjikara tji tja tuua po murungu uetu, ² Ngatu purateneje ku Jesu, nguri o muute no mutune uo ngamburiro jetu. Mena ro kutja ondjoroka ndja tuua po murungu ue, ua tjinda ouzeu uo tjikoroise, a njengura o honi, nu a haama pehi ko Kunene ko tjirone tja Mukuru. ³ Nu ripuree naje, eje ngua zarere o mbata ndji tambo kuza mo varunde mbe pirukirire , kutja amu ha urua no ku ngundipara mitima. ⁴ Ene ngunda ka mu ja panda poo ku kondja no ku pando uvi nga ko mbindu, ⁵ Nu mua zemba o matokero nge mu heja otjo vanatje, “Muna uandje, o toora oupupu o mberero ja Muhona, poo orua tji mo rongua i je. ⁶ Orondu Muhona u vera imba mba suvera, nu u viura kaani omuatje jakura.” ⁷ Iririree o ndatumisire otjo mberero. Mukuru umu tjindi otja o vanatje ve. Orondu o muatje une ihe ngue ha vere? ⁸ Nunguari tji u ha ku verua, ingui ovandu avehe ngu ve no rupa muko, okutja o uene o makombezumo, ka ene ovanatje ve. ⁹ Rukuao, tuari noo k otate mo njama mbuja vetu vere nu tue ve tengere. Nu tuso ku rijandja pu peta pi kehi jaIhe uo zombepo nu tu hupe! ¹⁰ Oo tate ija vetu vere oire osupi mo kutja aa veripuriro naua. Nunguari Mukuru u tu verera ondjambi jetu, kutja tu jenene oku kara no rupa mo ujapuke ue. ¹¹ Ka pena mberero mu nai ndji ngara i jeta o ndjoroka, nunguari o i tjitirua o ruhoze. Kombunda ijeta otjihape tjo hange tjo usemba ku imba mba hongua ijo. ¹² Munao zeupariseje omake uenu nga rekareka no zongoro ndozo mbupu. ¹³ Ungureje ozondjira nda teremana zo zombaze zenu, kutja inda nda remana aze ha pihuka, nunguari ze verurue. ¹⁴ Kondjisa o hange kuno o mundu auhe, no ujapuke, mo kutja no kuhina uo kapena ngu ma munu Muhona. ¹⁵ Tjeveree kutja apehina ngua kaere o tjari tja Mukuru, nu no muze uo ururu auha hapa na utjiti oumba, kutja o vengi ave ha tundua ijo, ¹⁶ nu kapena kaani o muvakire poo ngua tundara otja Esau, ingi ko tjikuria tjo ire imue ngua randisa onguatero je. ¹⁷ Orondu ene mamu tjiua kutja kombunda, tja zera oku kambura eta ro ndaja, eje ua pandeua, mena ro kutja ka muine oruveze ro ndanaukiro, nandarire tje i pahere no mahoze. ¹⁸ Orondu ka mu jere ko ndundu ndji mapeja ai tunua, o ndundu jo muriro mbu jaka, ondorera, omazororero, no tjivepo-tjo-mbura. ¹⁹ Ka mu jere ko mbosiro jo hiva, poo keraka ndi hungira omambo inga o verizuve nguve riheka kutja embo rarue ariha hungirua kuvo rukuao. ²⁰ Ovo tjinga avehe peurire oku tjinda indi e rakiza, “Nandarire o tjipuka tji tja tunu ko ndundu, nga tji te no maue." ²¹ O ndirise jari o mbunikiro indji Mose tja tja, “Mba uruma tjinene nu me zezera.” ²² Nunguari, mueja ko ndundu Sion, na ko tjihuro tja Mukuru o munamuinjo, Jerusalema tje juru, na ko majovi omurongo uo vaengeri mo ndjoroka jo mbongarero. ²³ Mueja ko mbongarero jo kereka jo tjiveri, tji tja tjangisiua me juru. Mueja ku Mukuru, o Mupangure ua avehe, na ko zombepo za imbo vasemba nda puisiua. ²⁴ Nu mueja ku Jesu, o Muhanganise uo ngutasaneno indjo mbe, na ko matjatjero uo mbindu ndji hungira o vina o viua oku kapita ombindu ja Abela. ²⁵ Taree kutja amu ha panda ingui ngu ma hungire. Mo kutja tji veha hezire tjiva panda ingui ngue ve tjivisa mo uje, katiti mapeja atuha heza tji tua tanaukire ingui ngu tjivisa o kuza mejuru. ²⁶ O ruveze rumue, eraka re ra njnganjingisa ehi. Nu nambano ua raa natja, “O tjikando o tjikuao hina ku ngjinganjingisa ehi porue, nunguari no majuru uina.” ²⁷ Omambo nga, “o tjikando o tjikuao,” mae hee o maisapero uo vina mbi mbia njinganjingisiua, okutja, imbi mbia ungurua, kutja o vina imbi mbi ha njinganjinga vi seue po. ²⁸ Munao, o ku jakura o uhonapare mbu hina ma u njinganjingisiua, ngatu tje ndangi, nu mo muano mbui turi kotamene ku Mukuru no ndengero no ndira. ²⁹ Orondu Mukuru uetu o muriro o munjanjaure.