¹ Nambano zikameje mo ngutukiro indji Kriste ndje tu kutura na jo, nu amu rimanga o veni rukuao no tjijoke tjo mapando. ² Tareje, ami, Paulus me tja nai ku ene, kutja tji ua sukara Kriste kena tji me ku kotorere. ³ Nu me hongonona rukuao kutja o mundu auhe ngu ma sukarisiua, u ri kehi jondjo joku tjita o veta aihe, ⁴ Ove auhe ngu ua sembamisiua mena ro veta, ove ua kondua ku Kriste; ua hakuruka ko tjari. ⁵ Orondu ete mo Mbepo tu undja tjinene o maundjiro uo usemba mbu zira mo ngamburiro. ⁶ Orondu mu Kriste o masukarero, poo o mahasukarero ka jena tji je heja, nunguari muna o ngamburiro ndji ungurira mo rusuvero. ⁷ I ja mu tupuka naua; o uani ngue mu jarura o mbunda kutja amu ha zuu o uatjiri. ⁸ O matanaukiro nga kae zire ku ingui ngue mu isana. ⁹ O kasurise o katiti ke surisa o tjisema atjihe.gnv. ¹⁰ Mbina o ngamburiro tjinene mu ene mu Muhona, kutja kanaa mu ripur o muano uarue: no kutja ingui ngu mu zunga eje ma kara kehi jo mbanguriro, nangarire kutja o uani. ¹¹ Nunguari, ami, vakuetu, tjeri kutja mbi hongonona o masukarero onguae ngunda tji mbi tatumisiua? Tji peri nao o kutja o maputarisiro uo tjikoroise ja isiua po. ¹² Me zeri kutja imba mbu mave mu ivaivisa ve ripinde o veni. ¹³ Orondu, vakuetu, ene mua isanenua ko ngutukiro. Nunguari mo ngutukiro jenu amu jezuriro ko o njama o karuveze, nunguari karerasaneje mo rusuvero. ¹⁴ Orondu o veta aihe I jenenisiua membo rimue uriri: "Ove mo suvere o muraranganda uoje tjimuna ove o muini". ¹⁵ Nunguari tji mamu rumatasana noku njondororasana, takamiseje kutja amu ha njonasana. ¹⁶ Opu me tjere, Kaendeje mo Mbepo, nu kanaa mu jenenisa o zonduma zo njama. ¹⁷ Orondu o njama i nanukukira nai pirukire o Mbepo nu o Mbepo i pirukira o njama: imbi vi kondjisasana, kutja amu ha tjiti imbi mbi mu vanga. ¹⁸ Nunguari tji u nanua ijo Mbepo ko tjiri kehi jo veta. ¹⁹ Nambano o vitjitua vio njama via vandururirua po rutjandja: oku katuka ko rukupo, o ruvakiro, o uhakohoke, ehambaneno ro mbondi, ²⁰ Oku rikotamena ko visenginina, o mauanga, o manjenguasaneno, o mahazuvasaneno, o maruru, o mapindi, o makondjisasaneno, o mahanikiro, o umbumba, ²¹ o masasa, o mazepiro uo vandu, o mandorongero, o mikandi vio mbondi, no vina o hamukueena imbi; mbi me mu raere o hunga navio ko murungu uo ruveze, otja tji mba hungirire rukuru, kutja imba mbe tjita o vina mbi kanaa ve rumata ko o uhona ua Mukuru. ²² Nunguari o tjihape tjo Mbepo otjo o rusuvero, o ndjoroka, o hange, o muretima, o unjanutima, o uua, o ngamburiro, ²³ O merisusuparisiro, no meritjaerero. O hunga na imbi ka kuna o veta. ²⁴ Nunguari imba mberi o va Kriste va papera o njama ko tjikoroise pueena o zondero no zonduma zajo. ²⁵ Tjitu hupira mo Mbepo, ngatu kaende mo Mbepo uina. ²⁶ Ngatu jese o merihiviro, atu ha rungisasana, atu ha tasana eruru.