¹ Nambano me tja nai, o ruveze ndui aruhe ngunda o murumate ueta aeri o kanatje, kapena hani pokati ke no mukarere, nangarire kutja eje ongu ri o muini uo vina avihe. ² Nunguari u ri kehi jo vatamise no vatjevere nga ko ruveze ndua zikirue i ihe. ³ Nu ete uina ngunda atu ri o unatje, tua ri kehi jo mapando uo ngaro jo vina vio uje. ⁴ Nunguari o meurisiro uo ruveze tji je ja, Mukuru ua hindire o Muna Ue, ngua kuaterue i jo mukaendu, ngua kuateru kehi jo veta, ⁵ Kutja a jenene oku randurura imba mbe ri kehi jo veta, kutja tu jakure o maumbiro otja ovazandona. ⁶ Nu mokutja o uene o vanatje, Mukuru opa hindira o Mbepo jo Muna Ue mo mitima vienu oku ravaera, "Abba Tate". ⁷ Okutja otji u heri o mukarere, nunguari o ove o muna; nu tji uri o muna uina oove o murumate ueta ra Mukuru. ⁸ Nunguari rukuru moku hina ku tjiua Mukuru, mua karere otja o vakarere ku imba mo ngaro mbe heri oo mukuru. ⁹ Nunguari nambano tji mua za noku tjiua Mukuru, poo o samba tji mua tjiukua i Mukuru, mamu tanaukire vi rukuao ko vina imbio vihinamasa nu o viousiona mbi? mamu vanga oku ri ririsa o vakarere rukuao? ¹⁰ Mu takamisa o majuva no mieze no tuveze no zombura! ¹¹ Mbi na o mburuma o hunga na ene, kutja rumue mba ungurira o mungandjo mokati kenu. ¹² Vakuetu me rijarikana ku ene, karejr otja ami, orondu ami mbi ri otja ene. Ka mu ndji hihamisire nangarire. ¹³ Nunguari ene mamu tjiua kutja mo ungundipare uo njama ami mba zuvarisire o Mbuze o Mbua ku ene, ¹⁴ Nu ene kamu njengurisire ko o marorero uandje mo njama poo oku ndji tonda, nunguari mue ndji jakurire otja o mujengeri ua Mukuru, otja Kriste Jesu. ¹⁵ Nu nambabo o maserero uenu uo ndaja jari mu tjike? Orondu me hatoire kutja, andaku pa jenene andaku mua homonene o meho uenu amu je jandja ku ami. ¹⁶ Nu nambano otji mbar ire o munavita na ene motjimbe tjoku mu raera o uatjiri? ¹⁷ Ovo ve rijandja ku ene nunguari ka mo ndjira o samba, ovo tjinga ama ve zeri oku mu patera pendje kutja mu rijandje ku vo. ¹⁸ Nunguari o kokuua oku rijandja aruhe ko tjina o tjiua, nu ku ku heri tji mbi ri pueena ene uriri. ¹⁹ Vanatje vandje, mbu me karere mo zongama rukuao nga Jesu tja tungua mu ene, ²⁰ Me zeri oku kara pueena ene nai, noku tanaura eraka randje; ami tjinga ame ivaiva o hunga na ene. ²¹ Ndji raereje ene mbu mu zera oku kara kehi jo veta, ka mu zuu o veta are? ²² Orondu pa tjangua kutja Abraham uari no vazandu vevari, umue pueena o mukarere ue o mukaendu, na umue pueena o mukaendu o mukutuke. ²³ Nunguari ingui o ua ingui o mukaendu o mukarere ua kuaterue otja ko njama; nunguari ingui o ua ingui o mukaendu o mukutuke ua kuatua mo makuizikiro. ²⁴ O vina mbi o visanekero: orondu inda ozo iinda o zongutasaneno mbari, imue oku za ko ndundu Sinai ndji jeta o ukarere ndjiri Hagar. ²⁵ Orondu Hagar o ndundu Sinai mo Arabia ndji nu ma sasanekua ko Jerusalema nai, nu uri mo ukarere pueena o vanatje ve. ²⁶ Nunguari o Jerusalema itji tji tjiri kombanda tja kutuka, tji tjiri mama uetu atuhe, ²⁷ Tjinga a pa tjangua, "Joroka ove ngandji ngu u ha kuata, pamuka u ravaere ove ngu u ha kara mo zongama; orondu ingui ngua isiua u na o vanatje o vengi oku kapita ingui ngu na o murumendu". ²⁸ Nunguari vakuetu, otja Isaka tja ri, o uete o vanatje vo makuizikiro. ²⁹ Nunguari uina otja ingui ngua kuaterue otja ko njama tja tatumisire ingui ngua kuaterue otja ko Mbepo, o tjinga peri nai. ³⁰ Nunguari o matjangua ma je tja vi? "Nakera pendje o mukaendu ingui o mukarere no muna ue, orondu o muna uo mukaendu ngui o mukarere kena ku rumata eta pueena ingui uo mukaendu o mukutuke". ³¹ Nambano vakuetu, ka uete o vanatje vo mukaendu ingui o mukarere, nunguari o uete o va ingui o mukutuke.