¹ Vangalate uene o majova, o uani ngue mu rova, kutja a mu ha kara no nduviro ko uatjiri, ene mbu mua raisirua o ngahukiro po murungu uenu Jesu Kriste tjimuna ngua paperua ko tjikoroise mokati kenu? ² O tjina tji uriri otji me vanga oku zuva mu ene, Tjii mua jakurire o Mbepo mo vitjitua vio veta, poo mo ngamburiro mu imbi mbi mua zuva? ³ Tjii o uene o majova pupetambo? Mbu mua utire mo Mbepo, nambano mamu ripuisa o veni mo njama? ⁴ Ene mua hihamisiua mo vina o vingi pupetamba o mungandjo, tjeri kutja tjiri jari o mungandjo uriri? ⁵ Nu ingui ngua jandjere o Mbepo ku ene, na tjiti o vitjitua vio masa mu ene, ua tjitire nai mena ro vitjitua vio veta poo mo tjimbe tjo ngamburiro mu imbi mbi mua zuva? ⁶ Otja Abraham "tja itavera Mukuru, nu ape varua ku je otja o usemba", ⁷ Opu mua soku tjiua kutja imba o vo ngamburiro, imba o mbe ri o vanatje va Abraham. ⁸ Nu o Matjangua, moku muina ko mururngu kutja Mukuru Me jeku sembamisa, o viuana mena ro ngamburiro, ja zuvarisire o Mbuze o Mbua ku Abraham ko murungu uo ruveze, ama je tja, "Mu ove o viuana avihe mavi je ku serua o ndaja". ⁹ O kutja nambano imba mbe ri o vo ngamburiro otji va serua o ndaja pueena o musemba Abraham. ¹⁰ Orondu avehe imba o vo viungura vio veta veri kehi jo sengiro: orondu pa tjangua, "o musengua auhe ngu hina ku takamisa o vina avihe mbia tjangua membo ro veta oku vi tjita". ¹¹ Nu kutja kapena umue ngu sembamisiua po mururngu ua Mukuru mena ro Veta, peri po rutjandja orondu, "Imba o vasemba mave kara no muinjo mena ro ngamburiro". ¹² Nu o Veta ka jo ngamburiro, nunguari, "o mundu ngu ma tjiti o vina mbi ma kara no muinjo mu vio". ¹³ Kriste ue tu randurura mo sengiro jo veta, eje tjinga a tjitirua ete o sengiro: otja tji pa tjangua, "O musengua auhe ngua rekareka ko muti" ¹⁴ Kutja o ndaja ja Abraham i raukire kombanda jo viuana mu Kriste Jesu, kutja tu jakure inga o makuizikiro uo Mbepo mo ngamburiro. ¹⁵ Vakuetu, me hungire otja o mundu, o ngutasaneno tji ja zikamisiua, na mokati kovandu, kapena ngu ma jenene oku i isako, poo oku ueza ku jo. ¹⁶ nu o makuizikiro ja hungirirue ku Abraham na ko Ndui je. Nu ka je tja, "Nu ko zondui", tjimuna o zengi, nunguari otja ku imue, "Nunguari ko Ndui jo je", Ndji ri Kriste. ¹⁷ Nu me tja nai, o ngutasaneno ndja zikamisirue i Mukuru mu Kriste, o Veta ndje ja o zombura o masere jane no mirongo vitatu kombunda uo makuizikiro, ka I rundurura o makuizikiro, oku je isako. ¹⁸ Orondu tjeri kutja eta oro Veta, ka ri tjiri o makuizikiro, nunguari Mukuru ua jandjere ro ku Abraham no makuizikiro. ¹⁹ Nu jari nambano tjike o hunga no veta? Ja ueziua mena ro zongatukiro, ngatji o Ndui, o makuizikiro inga nga zikmisirirue mo vaengeri meke ro Muhanganise, ku ja unguririrue tji je ja. ²⁰ Nu o muhanganise ka ua umue, nunguari Mukuru i umue. ²¹ Tjii nu nambano o veta i pirura o makuizikiro ua Mukuru? Mukuru a jandjere: orondu tjeri kutja o veta ja jandjerue ndja jenenene oku karisa o vandu no muinjo, andaku o usemba ua zire mo veta tjiri. ²² Nunguari o matjangua ja paterere avehe kehi jo uvi, kutja o makuizikiro mo ngamburiro ja Kriste je jandjeue ku imba mbu mave itavere. ²³ Nunguari ko murungu uo meero uo ngamburiro, tua ri o vakamburua kehi jo ndjeverero jo veta, a tua vandekerua pendje no ngamburiro ndja ri pooku vandururua. ²⁴ okutja o veta otji jari o mutakamise uetu nga Kriste tje ja, kutja tu sembamisiue mo ngamburiro. ²⁵ Nunguari nambano o ngamburiro tji je ja, katu tjiri kehi jo mutakamise. ²⁶ Orondu amuhe o uene o vanatje va Mukuru mo ngamburiro mu Kriste Jesu. ²⁷ Orondu amuhe imba mbu mua tutumikua mu Kriste mua huikika Kriste. ²⁸ Kapena Mujuuta poo o Muhirika, kapena mukarere poo o mukutuke, kapena murumendu poo o mukaendu; orondu amuhe o uene umue mu Kriste. ²⁹ Nu tji mu ri o va Kriste, o uene o ndui ja Abraham, o varumate veta otja ko makuizikiro.