1
Nu kombunda uo zombura o murongo na ine mba jarukire rukuao ko Jerusalema pueena Barnabas nu e tuaerere Titus uina pueena ami.
2
Nu mba ire ngo motjimbe tje vandururiro, nu e tua po murungu uao o Mbuze o Mbua ndji mbi zuvarisa mo viuana, mo mbongarero jo ko tjikoro pueena imba mbu ja ve varua o vanandengu, kutja mo muano umue e he rivaza ame tupuka poo amba tupuka o mungandjo.
3
Nunguari nangarire Titus, o Muhirika, nguari pueena ami ka ninikizirue kutja a sukarisiue.
4
Nunguari motjimbe tjo vakambure vo tjiova mbe rivakererere mo noku hina ku munika, mbe ere mo vineja oku hora o ngutukiro jetu, ndji tu najo mu Kriste Jesu, mba zerire ok utu tua ko mapando,
5
Ku tu hina nangarire tue riuisire kehi jao, kako, nangarire o ire imue; kutja o uatjiri uo Mbuze o Mbua u karerere pu ene.
6
Nunguari imba mbu ja ve varua kutja o vandu va kamuno (kutja va ri o tjikuao hi na ko natja; Mukuru the ha vara o mbunikiro jo mundu), orondu imba mbu ja ve varua otja o vanandengu ka vena tji va ueza ku ami.
7
Nunguari ovo tji va muna kutja Mukuru ua jandjere ku ami o mazuvarisiro uo Mbuze o Mbua ko mahasukarero, tjimuna indjo jo masukarero ku Petrusa,
8
Orondu Ingui ngu ja ungurire mu Petrusa mo u apostele ko masukarero, o tjingeje ongu ja ungurire mu ami ko viuana,
9
Nu tji va tjivirue o tjari tji tja jandjerue ku ami, Jamesa, na Kefas na Johanesa, mbar i tjimuna oo zongunde, va jandjere o make uokunene uo ruuano ku Barnabas na ku ami, kutja ete tu jende ko viuana nu ovo ve jende ko masukarero.
10
Ovo va ningira kutja tu zemburuke o vasiona, o tjina tji mbar i nondero o nene oku tji tjita.
11
Nunguari Petrusa the ere ko Antioka, ami mbe mu pirukira mo tjipara, orondu eje ua ri posio.
12
Orondu o vandu tjiva ngunda ave hi jeje oku za ku Jamesa, i jar i pueena omba ovo viuana. Nunguari ovo tji veja eje ua jarukire o mbunda nu e rihana kueena vo, tjinga i ja tira imba o vo masukarero.
13
Nu o Vajuuta avehe va hitipueena je mo tjavivi tji, na Barnabas uina a tuarua i jo tjavivi tji.
14
Nunguari tji mba muine kutja ka ave kaenda mo uatjiri uo Mbuze o Mbua, mba tjere nai ku Petrusa po murungu ua avehe, "Tjii ove, ngu uri o Mujuuta, tji mo kara tjimuna o Munavisenginina, nu ko hupu otja o Mujuuta, onguae tji mo ninikiza o Vanavisenginina oku hupa otja o Vajuuta"?
15
Ete, o Vajuuta oku za ko hapo, mbu tu heri o vanauvi vo Viuana,
16
Tu tjiua kutja o mundu ka sembamisiua i jo viungura vio Veta, nunguari i jo ngamburiro mu Jesu Kriste; ete uina otja tjinga tua itavera mu Jesu Kriste kutja tu sembamisiue i jo ngamburiro mu Jesu Kriste ku ku heri i jo vitjitua vio Veta, onjama aihe otja tjinga i hina ku sembamisiua i jo vitjitua vio Veta.
17
Nu tjii, ete ngunda amatu paha oku sembamisiua mu Kriste, tji tua vazeua atu ri o vanauvi, mape hee kutja Kriste o mukarere uo uvi are? Mukuru a jandjere.
18
Orondu tji me tungu rukuao o vina mbi mbi mba hana, me ri hatoire o muini otja o murunde.
19
Orondu mo veta ami mba koka ko veta, kutja mbi hupire ku Mukuru.
20
Ami mba paperua ko tjikoroise pueena Kriste, nu na tji peri nao ami mbi hupa; nu ka I tjiri ami, nunguari Kriste ongu hupa mu ami. Nu o hupo ndji mbi hupa nai mo njama mbi hupa mo ngamburiro, ongamburiro ndjiri mo Muna ua Mukuru ngue ndji suverere nu eri jandjere o muini po ruveze ruandje.
21
Hina ku humbira o tjari tja Mukuru ko tjikoro, orondu tjeri kutja o usemba jetua i jo veta okutja Kriste ua tira o mungandjo.