¹ Nu Saulusa ija itaverasana no ndiro je. Nu imbo mejuva ndo, kua utirue o ndatumisire o nene kombanda jo kereka mo Jerusalema; nu imba ovakambure avehe va rimbarere mo makondua ua Judea, na Samaria, pendje no vaapostolo. ² No varumendu o vatakame mu Muhona va paka Stefanusa nave mu riri tjinene. ³ Nunguari Saulusa ua kondjisa oku njondorora o kereka. Eje ua hitire mo ndjiuo na mo ndjiuo na nanene o varumendu no va kazendu pendje, neve tua mo ndorongo. ⁴ Nu tjiri ovakambure imba mba rimbarisirue va kaenda amave zuvarisa o Mbuze je mbo. ⁵ Nu Filipusa uaja ko tjihuro tja Samaria, na zuvarisa Kristu kuvo. ⁶ Nu ovimbumba vio vandu va jandjere ko ondunge imue ku imbi o ovina mbi Filipusa mbi ja hungire; nu no ndunge imue ve muzuva, ovo tjinga ava munu ovihimise ovingi eje mbi ja tjiti. ⁷ Ozombepo o zo hakohoke za pitire mo vandu o vengi mbu za huurire, ama ze uru ne raka enene, no vengi mba remanene no vipu va verukisirue. ⁸ Nu mua karere o ndjoroka o nene mo tjihuro tjo. ⁹ Nunguari pa ri no murumendu uorive mo tjihuro tjo, ngu ja isaneua Simona, ngua tjitire o vio masa uo ndorera mo tjihuro tjo; nu ngua himisire o tjiuana tja Samaria, ae ripa omuini kutja omundu omunene. ¹⁰ Nu ovasamaria avehe va puratenene ku je, okuza ko mutitititi nga ko munenenene, vemu puratena katjiri, ave tja, ''Omurumendu ingui o masa ua Mukuru o manene.'' ¹¹ Novo va puratenenene ku je orondu eje ueve himisire oruveze orure no masa uo ndorera. ¹² Nunguari ovo tji va itavera mu Filipasa tjija hongo o Mbuze o Mbua, no vina o hunga no Uhona ua Mukuru, na indi Ena ra Jesu Kristu, ovo va papitisirue, o varumendu no vakaendu. ¹³ Na Simona omuini uina otja itavera, nu tjaza noku papitisiua arire tja kara puena Filipasa aruhe. Neje ua himinue tjima munu o vihimise no viungura vio masa amavi tjitua. ¹⁴ No Vaapostolo ko Jerusalema tjiva zuva kutja o Samaria tja jakura Embo ra Mukuru, otji va hinda Petrusa na Johanesa kuvo. ¹⁵ Novo tji va vaza kuvo, ve ve kumbira kutja ve jakure o Mbepo o Ndjapuke. ¹⁶ Orondu Ombepo Ondjapuke tjandje ngunda Ke ja uira ku umue uavo, nunguari ovo va papitisirue mena ra Muhona Jesu uriri. ¹⁷ Nu Peturusa na Johanesa ovo otji veve jambeka o make, nave jakura o Mbepo o Ndjapuke. ¹⁸ Nu Simona tja muna kutja o Mbepo o Ndjapuke ija i jandjeua noku jambekua ijo make uo vaapostolo, otja jandja o vimariva kuvo, ¹⁹ amatja, ''Ndji peje o masa nga uina, kutja auhe ngu mbe mu jambeke o make a jakure o Mbepo o Ndjapuke.'' ²⁰ Nunguari Petrusa ua tja ku je,''O siriveri tjoje ngatji pandjare puena ove, orondu ove tjinga ue ripura kutja o tjijandjeua tja Mukuru matji jenene oku randua no vimariva. ²¹ Ove kona rupa poo o ruveze mo tjiungura tji, orondu o mutima uoje ka musemba po murungu ua Mukuru. ²² Nu nambano riverera ko ndanaukiro mena ro urunde uoje mbui, nu kumba ku Mukuru, kutja nani Me ku jesire o uripura uo mutima uoje. ²³ Orondu me munu kutja ue ura o nango jo mapindi onduru ne pando ro uhasemba.'' ²⁴ Nu Simona otja zira, na tja, ''Ove ndji kumbira ku Muhona kutja ape ha ningi tjimue tjo vina mbi ua hungire tji matji ja ku ami.'' ²⁵ Novo tji vaza noku hatoira noku zuvarisa Embo ra Muhona, Peturusa na Johanesa va jaruka ku Jerusalema, amave zuvarisa o Mbuze o Mbua mo virongo vingi via Samaria. ²⁶ No muengeri ua Muhona ua hungira kuena Filipasa, amatja, ''Sekama u jende ko rumbembera ruo mamuho, ko ndjira ndji rauka okuza ko Jerusalema nai tuara ko Gaza.'' (Ondjira indji iri mo ngaango.) ²⁷ Neje ua sekama na kaenda. Nu tara, pari o murumendu ua Ethiopia o tjikakarezeze, nguari no uvara o unene kehi ja Kandake, ombara oserekaze jo Vaethiopia. Ngua ri o mutjevere uo vihuze via jo avihe.Nungue jere ko Jerusalema oku rikotamena. ²⁸ Ija jaruka nu ua haamene metemba, ama rese o muprufete Jesaja. ²⁹ Nu o Mbepo otja tja ku Filipasa, ''Riama popezu nu u kaende puena etemba ndi.'' ³⁰ Nu Filipasa ua tupuka kuro, nu e mu zuu ama rese o muprofete Jesaja, na tja, ''Mo pangununa imbi mbi mo rese are?'' ³¹ Nu eje ua tja, ''Me jenene oku pangununa vi ambi hina mundu ngu me ndji hongo?'' Neje ua ningira Filipasa kutja a ronde eje ku haama puena je. ³² Nu pona pu ja rese mo matjangua o pomba, ''Eje ua nanua otja ondu komazepiro, nu otja ondjona ndji ha pose po murungu ua ingui ngu mei henje, eje otjinga e ha patururire ko otjinjo tje. ³³ Mo majambururiro ue, eje ua patua o mbanguriro osemba. Nu ouani ngu ma hongonona ondekurona je. Orondu omuinjo ue ua isakeua kombanda jehi.'' ³⁴ Ingui otjikarezeze ua zira Filipasa, na tja, ''Arikana ndji raera omuprofete ma hungire mbi ohunga na une? Ohunga naje omuini poo ohunga no mundu uarue?'' ³⁵ Nu Filipasa otja uta oku hungira, na utu po matjangua otjingeuo oku mu zuvarisira Ombuze Ombua ja Jesu. ³⁶ Novo ngunda ama ve kaenda mondjira, va vazere omeva nu ingui otjikarezeze ua tjere, ''Tara, pena omeja imba. Mape tjaere tjike kutja mbi papitisiue?'' ³⁷ *** ³⁸ Nu ingo omuethopia ua pangurire kutja etemba ri kuramisiue. Nu avejevari, va punda momeja, Filipasa na ingui otjikarezeze, nu Filipasa eje e mu papitisa. ³⁹ Novo tji vaza noku pita momeja, Ombepo ja Muhona ja tuara Filipasa kuarue, nu ingui otjikarezeze ke mu muine ko rukuao nu eje ua kaenda oujenda ue nondjoroka onene. ⁴⁰ Nunguari Filipasa ua ka vazeua ko Azotusa neje ua tuvakanene na zuvarisa o Mbuze o Mbua mo vihuro avihe nga tjeja ko Kaesaria.