1
Omupristeri o munene otja tja, Tjii omambo nga o uatjiri?''
2
Nu Stefansa ua tja, ''Varumendu, vakuetu, no o tate, puratenej: ''Mukuru uo ujere ua munikire ku Tate Abrahama, ngunda ae ri ko Mesopotamia, ngunda ae hi ka tura ko Harana;
3
Nu Eje Ua tja ku je, ''Pita mehi roje na mo muhoko uo je, nu indjo kehi ndi Me je ku ku raisira.''
4
Neje otja pita mehi ro Vatjaldiena, na ka tura ko Harana; nu ihe tjaza noku ta, Mukuru eje ua tjinda ngo neje ku tura mehi ndi, mu mua tura nai ndi.
5
Nu Eje Ke mu pere eta muro, kako, nangarire ehi ndi ta po mbaze jo mundu. Nunguari Eje ue mu raera- kutja ma jandja ro ku je kutja ri rire ore, nandarire Abrahama eje tjee hari no muatje mo ruveze ndo- kutja maa jandja ehi ndi kuje na ko ndui je kombunda je.
6
Nu Mukuru Ua hungirire mo muano mbui, kutja o ndekurona je mai ka tura mehi ro zonganada, ku mave ka rira o vakarere nave kara kehi jo mbamisiro o nene o zombura o masere jane.
7
'Nu Ami Meje ku pangura o tjiuana tji matji ke vetua mouhuura,' Mukuru Ua tjere nao, nu kombunda ja nao ovo maveje ku pita mehi indo nave je ku Ndji ungurira pona mba.
8
Nu Eje Ua jandja ku je o merikutirokumue uo masukarero, nu Abrahama ua kuata Isaka nemu sukarisa me juva oritja hambondatu; Nu Isaka ua kuata Jakova, nu Jakova a kuata oo tate imba omurongo na vevari.
9
Nu imba oo tate va tire ruru, nave randisa Joosefa ko Engipte; nunguari Mukuru Ua ri puena je,
10
Na rire Tje mu jama ko zongondjero ze azehe, nu E mupe o ndjiririsa no unongo po murungu ua Farao, ombara ja Engipte, nu eje ue mu zikire o munane kombanda ja Engipte no ndjiuo je aihe.
11
Nambano otji mua kara o ndjara nongondjero onene mehi arihe ra Engipte na Kanana. Noo tate kave muine ovikuria.
12
Nunguari Jakova tja zuvire kutja ku no vikokotua kehi ra Engipte, ua hindire oo tate o tjikando o tjitenga.
13
Nu mo tjikando itjo tji tja vari Joosefa ueri tjiukisa ko marumbi ue, no muhoko ua Jooseaf au tjiukisiua ku Farao.
14
Nu Joosefa otja hinda ovakuatua pamue ovarumendu na isana ihe Jakova no muhoko ue auhe okuja ku Engipte, ovandu o mirongo hambombari na vitano.
15
Nu Jakova uaja ko Engipte, na ka ta, eje noo tate.
16
Novo va tuarua ko Tjetjema, nave ka rarisiua mo mbongo indji Abrahama ndja randere no silveri ko vazandu va Hamor ua Tjetjema.
17
Nunguari o ruveze ruo maraerero uo rujano tji rue ja popezu, inga Mukuru nga raerere Abrahama, o vandu ve riueza nave ningipara mo Engipte,
18
Nga ombara jarue tji ja zikirue ndji ja I ha tjiua Joosefa.
19
Ingui otjija toora o muhoko uetu no vineja, nu a tatumisa oo tate, noku imbirahi ounatje uao kutja au ha hupu.
20
Mo ruveze ndui Mose otja kuatua; nu uari o muua ku Mukuru nu ue kurisirua mo ndjiuo jai ihe omieze vitatu.
21
Neje tjaka tuua pendje, o musuko ua Farao ue mu toora nemu kurisa tjimuna o muna ue omuini.
22
Nu Mose ua hongerue mo unongo auhe uo Vaengipte, nu uari o munamasa momambo na mo viungura.
23
Neje tja kambura o zombura o mirongo vine, peja mo mutima ue kutja a tare ovojao, ovanatje va Israel.
24
Neje tja muna umu Isiraera ama tumbua navi, Mose otje ke mu vatera na tjiti omerisutisiro ku ingui ngua tumbua navi, na tono o Muengipte ne mu zepa:
25
Mena rokutja eje ue ripurire kutja ovakuao mave munu kutja Mukuru meje ku ve kutura neke re, Nunguari ovo kave pangununine tji.
26
Nu me juva ependukirua, eje ua munika kuvo ama ve ru, neje ua kondja oku ve hanganisa, amatja, Varumendu, ouene oo muangu ne rumbi, Onguae tji mamu tumbasana navi?'
27
Nunguari ingui ngu ja tumbu o muraranganda ue navi ue mu undurira kotjikoro, amatja, ''Ouani ngue ku ungura o munane no mupangure kombanda jetu?
28
Mo vanga oku ndji zepa tjimuna ingui o Muengipte ngu ua zepire erero?'
29
Nu membo ndi Mose otja tupuka; na ka rira o mutaure ko Midiana, ka ka kuatera ovazandu ve vevari.
30
''No zombura omirongo vine tji za kapita pa munika kuje o muengeri ua Muhona mo kuti ongaango ko ndundu ja Sinai, ne ri raisa mo rurumo ruo muriro mbu ja u jaka mo muti.
31
Nu Mose tja muna omuriro, ua himisiua ijo mbunikiro ndji; nu tja riama popezu oku tara, eraka ra Muhona reja ku je,
32
Amaritja, ''Ouami Mukuru uoo iho, Mukuru ua Abrahama, Na Mukuru ua Isaka, na Mukuru ua Jakova.' Nunguari Mose ua zezerere nu kena ua rorera oku tara.
33
Nu Muhona otja tja ku je, 'isako o vikapuite zoje, kozombaze , orondu pona pu ua kurama oruveze o rujapuke.
34
Ami tjiri, Mba munu ongondjero jo vandu vandje mo Engipte, nu Mba zuu o minono viao, nu Mba herukire oku je ku ve kutura; Nambano indjo, Ami Me ku hindi ko Engipte.'
35
Ingui Mose, ingui ngu va tondere, amavetja, 'Ouani ngue ku zika o munane no mupangure?' Mukuru o ngua hinda oku ka rira o munane no mu pangure, Mukuru Uemu hinda neke ro muengeri ngua munika ku je meso.
36
Mose ue ve pitisa mu Engipte, tjaza noku ungura ovihimise no vikaneno mehi ra Engipte, na po Muronga o Muserandu, na mo kuti ongaango o zombura o mirongo vine.
37
Mose ingui otjingeje ngua tja ko vanatje va Israel, Muhona Mukuru uenu meje ku mu jerera o Muprofete okuza muene oveni, tjimuna ami; nene zuveje ku Je.'
38
Ingui ee murumendu ingui nguari puena o mbongo mo ngaango, puena o muengeri ngua hungirire kuena je ko ndundu ja Sinai, na puena oo tate, ngua jakurire o mambo o manamuinjo okutu pa.
39
Ingui oo tate ngu ve ha zuvire, nunguari ave undurire ko tjikoro, nave tanaurire o mitima viao kombunda ko Engipte.
40
Nu va tjere ku Arona, 'Tu ungurira oo mukuru mbu mave kaenda ko murungu uetu. Orondu otja ingui Mose ngue tu isa ko Engipte ngui, katuna ku tjiua kutja kua tjitua tjike kuje.'
41
Novo va tungire o ngominja mo majuva ngo, nave tjitire o mbunguhiro ko tjisenginina tji, nave njandere o vinungura vio make uao.
42
Nu Mukuru otja tanuka nu Eve jandja kokutja ve karere o vimbumba vie juru, otja tji pa tjangua membo ro vaprofete, 'Vandu va Israel, tjii ene muna pu mua jandja ku Ami o vipuka mbia koka poo o zombunguhiro o zombura omirongo vine mo ngaango?
43
Ene mua toora otjiranda tja Molek, no njose ja mukuru uenu Remfana, o viserekarera mbi mua ungura kutja mu rikotamene ku vio: Nu Ami Me mu humbururire munda mbuina na Babilona.'
44
Otjiranda tjo Uhatoi tjari mokati koo tate mo ngaango, otja tji pa pangurire Mukuru ku Mose, kutja ngatji ungurue otja ko mbunikiro indji ndja muna.
45
Nu kombunda, ootate kehi jo unane ua Joshua, va jakura otjiranda nave jeterere tjo mehi, indi tjija ve huura ehi ndi mo viuana. Mukuru mbia toora ehi mo viuana nevi ramba po murungu uoo tate. Nu otjiranda tja kara nga ko majuva ua David.
46
Ngua muine o ndjingonekero po murungu ua Mukuru, nu ngua zerire oku ungurira Mukuru ua Jakova otjiranda.***
47
Nunguari Solomona a irire ngua tungu o ndjiuo ja Mukuru.
48
Nunguari Ingui o Mukombandambanda ka tura mo zondjiuo nda ungurua no make otja tjipa heua ijo muprofete,
49
''Ejuru otjihavero Tjandje tjo uhona, nehi o tjihavero tjo zombaze Zandje. Onge ndjiuo ndji mo Ndji tungire? Muhona ma tja nai, poo o ruveveze ruo masuviro Uandje o tjikuae?
50
Ka ke Randje nda ungura ovina mbi avihe?'
51
''Vandu uene vo mangoti o makukutu no mitima no matui nge ha sukarisirue! Aruhe mu pirukira o Mbepo o Ndjapuke; Otja oo iho tji va tjitire, uina otji mu tjita.
52
O vaprofete vene oo iho mbu ve ha tatumisire? Novo va zepa na imba mba hongononene ko murungu uo ruveze omeero ua Ingui o Musemba; ene ngu mueje kurira o ve Mu horore no ve Mu zepe,
53
Mbu mua jakura o Veta mo vaengeri, namu he i takamisa.''
54
Nu imba ovo tjira tjo unane tji va zuva o vina mbi va pindika mo mitima, nave kueere Stephansa o majo.
55
Nunguari eje, tje urire o Mbepo o Ndjapuke, ua huiririkire omeho ue mejuru, na munu o ujere ua Mukuru; na munu Jesu aa kurama ko kunene kua Mukuru.
56
Sephansa ua tjere, ''Tara, Me munu omajuru aja jezuruka no Muna uo Mundu aa kurama ko kunene kua Mukuru.''
57
Nu ku itji imba ovo tjira tjo unane otji ve risetika omatui uao, nuva urira kombanda neraka enene, nave purukutire mu je no ndunge imue.
58
Nave mu nakere pendje no tjihuro, nave mu vete o maue. No zohatoi za tuire o zombanda zao pehi po zombaze zo murumendu o mutanda uena Saulusa.
59
Novo kunda ama ve vete Stefanusa o maue, eje ootja aku ku Mukuru, amatja, ''Mbara Jesu, jakura o mbepo jandje.''
60
Neje ua uorere ozongoro nu ua ravaerere ne raka enene, na tja, ''Muhona, O zemburukire ouvi mbui kuvo.'' Nu eje tjazu no kutja nai, arire tja rara.