¹ Nu tji pa manenue kutja ma tui ko Italy mo skepi, ovo va jandjere Paurusa puena o vakamburua o vakuao vorive ku umue uena Juriasa, o mukendurio uo tjimbumba tja Augustusa. ² Nu tua rondere mo skepi tja Adramitiuma tji tja sere oku varama no mikuro via Asia.Na rire tji tua i ko kuvare. Aristarkusa, o Mumakedonia ua Tesalonika, ua ri puna ete. ³ Nu me pendukirua tua heruka mo tjihuro tja Sidona, ingo Juliasa ua karere no unjanutima ku Paurusa nemu kutura oku ka tara o mapanga ue noku jakura ondakamisiro jao. ⁴ Nu tji tuaza mbo, tuaja ko omuronga nu atu varama kehi ja Siprusa mena ro kutja o mbepo i ja i hingi o kuza ku ma tu i. ⁵ Tji tua zire noku konda o muronga o hunga na Silicia na Pamfilia, tue ja ko Mira, otjihuro tja Lisia. ⁶ Nu ingo o mukendurio ua vazere o skepi tja Alekesandria tji ja tjii ko Italy, nu arire tje tu turike mu tjo. ⁷ Nu tji tua zire moku kaenda katiti no uzeu o majuva o mengi, nu atu vaza o hunga na Knidusa, no ombepo kai tujandjerere oku kaenda no no ndjira indjo, tua varamene kehi ja Kreta o hunga na Salmone. ⁸ Nu tji tua zire noku hinga no uzeu a tua varama o mukuro ua tjo, tue ere pona pupe isaneua o Masuviro nga Tjeverua, popezu nao pa ri no tjihuro, Lasea. ⁹ Nu namabano handji tua toora o iri onjingi, o ire jo ku ripata ovikuria jo Vajuuta tji ja kapitire, noku konda o meja tji kua rira o umba. Nu Paurusa ue ve ronga, ¹⁰ na tja, ''Varumendu, me munu kutja o ujenda mbui uri popezu no ku kara no mazundakero o manene no mbandjarero, nge heri ko mituaro no skepi poruavio, nunguari uina nako minjo vietu.'' ¹¹ Nunguari o mukendurio ua kamburire ko mambo uo munane no muini uo skepi oku kapita o vina imbi mbi ja vi hungirua i Paurusa. ¹² Nunguari mo kutja o masuviro ka ja puiririre oku kara mo kupepera, o vengi vo vaungure vo skepi va zemburukisire oku sekama mbo, kutja rumue mo muano umue mave vaza ko tjihuro Foenikisa kutja ve ka kare ingo okupepera. Foenikisa o tji tjijri o tjikuturiro tjo zo skepi tja Krete tji tja tara kuta koutokero uo mamoho no utokero uo manene. kutja ve ka kare ngo mo kupepera. ¹³ No mbepo tji ja utire oku hinga katiti oku za kuta kejuva komamoho, ovo oujenda uomo meja tji ja ve tjangovasi vena tjihe tjima ve hepa. Otji va jerurura etenda e zeu ndi kuramisa o skepi, nave varama popezu na Krete, popezu no tjikoro tjo muronga. ¹⁴ Nunguari ngunda ape hija kapita o ruveze o rure pa sekameme o tjivepo o tjizeu tji tja rukua omatokero uo okunene ko muhuka, a tji ri vandere mu tjo. ¹⁵ Nu itjo skepi tji tja kamurirue, natji ha sora oku kaenda o hunga no mbepo, tue ri hahiza oku hinga natu a tu ri jandja ko tjivepo natu hingua ijo ombepo. ¹⁶ Nu tji tua tupukisirue posi jo kakoverua ku ke isaneua Kauda, nu mo ngondjero o nene tue peurire oku jama o ruuto ruo skepi. ¹⁷ Nu tji vaza noku tji jera, va ungurisire o zongoze oku tji vava kehi. Otjinga ija ve tira oku uira meheke o tjitomuine ra Sirtisa va uisire o nguju o tjihinge kutja ve hingue i jo mbepo. ¹⁸ Notja tji tua pukaurirue i jo tjivepo o tjizeu, nu me pendukirua va utire oku puparisa o skepi noku umba o mituaro tjiva mo meja. ¹⁹ Nu me juva o ritjatatu ovaungure vo skepi va nakera pendje o vihinge no make uao. ²⁰ Nu tji pe ha munikire o mueze poo o zonjose o majuva o mengi, na i tjo tjivepo o tjizeu tji tja kara kombanda jetu, inga o maundjiro uo kutja matu jamua otji je tu pandjarera. ²¹ Nunguari kombunda uo ku kara orure noku hina oku rija o vikuria, nu Paurusa ua sekamene mokati ko vaungure vo skepi, natja, ''Varumendu, andaku mue ndji puratenenene andaku katu sekamene ko Krete, noku hihamua noku pandjarerua nai. ²² Nunguari nambano me mu zeuparisa kutja vandipareje, orondu kapena ku kara o mbandjarero jo muinjo mokati kenu, posi ja i tjo skepi uriri. ²³ Orondu o utuku mbui o mujengeri ua Mukuru, ngu mbi ri o Ue, nu ngu mbi karera, ua kurama mene randje, ²⁴ Amatja, ''O tira, Paurusa. Ove uso oku jetua po murungu uo Mukesare nu tara, Mukuru mo uua Ue, ue ku pe avehe imba mbu mamu kaenda pamue mo skepi. ²⁵ Nu namambano, opu mua soku vandipara varumendu! Orondu ami me itavere Mukuru, kutja mape kara nao otja ko muano mbu kua hungirua kuena ami. ²⁶ Nunguari tua soku umbua mu kakoverua ko rive.'' ²⁷ Nunguari o utuku o u tja murongo na ine tji ue ere, ngunda ama tu hingirua munda na munda mo Muronga ua Adriatika, mangara pokati ko utuku, o vaungure vo skepi ve ripurire kutja tue ja posi jehi rimue. ²⁸ Nu otjiva umbire otjitenda mo meja, nave munu kutja je na o ukoto ozo mita ngeri omirongo vine, nuko mbunda katiti, va riamene ko murungu nave umbu rukuao, nave vaza o ukoto uo zomita ngeri o mirongo vitatu. ²⁹ Nu tjinga i jave tira kutja ngaa tu rihaka ko tuveze tuo maue, va herurire o vipate vine mombunda pendje jo skepi, nave kumbu kutja petje. ³⁰ Nunguari o vaungure vo skepi va kondjere oku pita mo skepi ve hene, nu otji va heruririre o kaskepi mo muronga ama ve ripe kutja veri po oku herurira ovipate vio skepi vio ko murungu mo meja, ³¹ Nunguari Paurusa ua tjere ko mukendurio na ko vasorondate, ''Andu imba tji va kara mo skepi, ka muna ku jamua.'' ³² No vasorondate otji va konda o zongoze zo kaskepi nave kesa ake u. ³³ Nejuva tji rari popezu noku pita, Paurusa ue rijarikanene ku vo avehe kutja ve rie o vikuria. Ama tja, ''Ndino e juva o ritjamurongo na ine amu kara poku undja amu hina kuria, amu hina tji mu ria. ³⁴ No otji me mu ningire kutja mu rie o vikuria pamue, orondu indji o ndjamo ku ene. Tjinga pe hina nangarire o ndjise ndji ma i u mo tjiuru tja umue uenu.'' ³⁵ Nu tja zire noku hungira nai, ua toorere o mboroto, na jandja o ndangi ku Mukuru po murungu uao avehe. nu tjazu noku i teja, a ri. ³⁶ Novo avehe otji va vandiparere, nave ri o vikuria uina. ³⁷ Nu atuhe, o minjo mbia ri mo skepi, tuari o masere jevari no mirongo hambombari na hamboumue. ³⁸ Nu tji ve kutire o vikuria, va puparisire o skepi noku umba o vikokotua mo muronga. ³⁹ Nu tjipaza no kutja, kave tjivirue ko ehi, nunguari va muine o makuturiro uo rive uo viskepi mbuari no mukuro, nave tie kutja tji ve pe uru mave hingire o skepi muuo. ⁴⁰ Nu va imbirahire o vipate nave viesa mo muronga. Nu mo ruveze otjingeruo ave kutura o zongoze nde kuta o vihinge, nave jere onguju o tjihinge jo ko murungu ko mbepo; nave hingire ko mukuro. ⁴¹ Nu otji skepi tja va zere poruveze o mironga vivari pu vi uanena, o skepi tja tunine kehi. Nu ko murungu kuatjo aku kakatere mehi, natji kara atji hina ku njinganjinga, nunguari o mbunda ja tjo ja tejeua i jo masa uo zongazona. ⁴² No uripura uo vasorondate uari ouo ku zepa o vakamburua, kutja ape ha ningi umue ngu ma tjaarere pendje na hene. ⁴³ Nunguari o mukendurio, tja zerire oku jama Paulus, ue ve tjaerere ko ndando ndji; na pangura kutja imba mbe tjiua oku tjaara, ngave ri umbe mo meja rutenga nu ve kondere kehi. ⁴⁴ Nu imba mba seua po nga ve kondere ko vipirangi, na ko u pokapokero uo skepi. Nu pa kara nao kutja avehe va vezere kehi noku hina tjipo.