¹ Nu Festusa ua hita mekondua ndo, nu kombunda uo majuva jetatu, eje ua zire mo Kesarea nai ko Jerusalema. ² No mupristeri o munene no varumendu o zohongora mo Vajuuta va hembere Paurusa ku je nave rijarikana ku je, ³ Amave ningire kutja eve tjariparere noku ve hindira Paurusa ko Jerusalema, ovo tjima ve ritunine otjineja tjo kutja ve mu zepe ndjirakati. ⁴ Nunguari Festusa ua zirire kutja Paurusa nga takamisirue ko Kesarea, no kutja eje mai ngo mo majuva o masupi. ⁵ Nu kuzambo, imba mbuma ve peuru, a tja, ''veso okujenda puena ami. Tjeri peno ouzeu no murumendu ingui, muke mu vare o munandjo.'' ⁶ Festusa a ha kara omajuva nga kapita hambondatu poo omurongo nu, eje ua ja ko Kesarea, nu mependukirua tjaza noku havera ko tjihavero tjo mbanguriro arire tja pangura kutja Paurusa nga etue kuje. ⁷ Neje tja za noku vaza, o Vajuuta o vengi mba zire ko Jerusalema va kuramene popezu naje, nave tuako o maunaunino o mazeu, ngu va urirue ijo ku hatoira o uatjiri uauo. ⁸ Paurusa otje ri zirira kuvo, natja, ''Ami hina pu mba katuka mu tjimue nangarire ko Veta jo Vajuuta poo ko ndemberi, poo ko Mukesare. ⁹ Nunguari Festusa, ngua zerire oku ungurira o ndjoroka jo Vajuuta, ua zirire Paurusa natja, ''Ove mo vanga oku jenda ko Jerusalema oku ka pangurirua o vina mbi po murungu uandje ngo? ¹⁰ Nu Paurusa otja tja, ''Ami mba kurama po tjihavero tjo mbanguriro tjo Mukesare pu mba soku pangurirua. Hina uvi mbu mba tjita ko Vajuuta otja indi ove o muini tji mo tjiua naua. ¹¹ Orondu tji mbiri o mukatuke, poo tjimba tjita tjimue tji mba soku tira, hina ku panda oku ta. Nunguari tjima ve ndji kuminine omukona kapena mundu ngu me ndji jandja kuvo. ''Ami me ningire kutja o tjposa tjandje tji tuarue ko Mukesare.'' ¹² Nu Festusa, tja zire noku hungira kuena ovanene vo tjira , ua zira, ''Ove ue ri kuire ko Mukesare. Ko Mukesare oku moi!'' ¹³ Nu kombunda uo majuva katjondumba, o mbara Agripa na Bernise ve ere mo Kesarea oku minika Festusa. ¹⁴ Nu tji va zire noku kara ngo o majuva o mengi, Festusa ua serekarera o tjiposa tja Paurusa ko mbara, natja, ''Pena o murumendu uorive ngua jesiua I Felikusa mo mapando. ¹⁵ Tjimba ri ko Jerusarema , O vapristeri o vanene no vanane vo Vajuuta va eta ounandjo ohunga no murumendu ingui kuami, amave zeri ombanguriro ku je. ¹⁶ Ku mba zira nai kutja ka muano uo Varoma oku jandja o mundu kaani kutja a te, ngunda ingui ngu ma varua o munandjo ae hija hungamasana o murungu no murungu na imba mbu mave mu vara o munandjo, noku mu pa o uhara uoku ri zirira o muini kondjo ndja hungamisiua ku je. ¹⁷ Novo tji ve ja pamue muno, noku hina ku uombisa o ruveze, nu mependukirua otji mba havera ko tjihavero tjo mbanguriro , ne pangura kutja o murumendu ngui nga etue. ¹⁸ Nunguari imba o ve mu vare vodjo tji va sekamene, ka ve mu tuakere nangarire o ndjo jo vina mbi mbe ri purire. ¹⁹ Nunguari va ri no zombata o hunga na je komunda uo ngamburiro jao, no hunga na Jesu rive ngua ta, nu Paurusa ngu ja zikamisa kutja u nomuinjo. ²⁰ Nu otja tji je ivaivisiua ijo mapurira uo muano mbui, otji mbe mu pura kutja ma vanga oku jenda ko Jerusalema arire ka ka pangurirua mo vina mbi? ²¹ Nunguari Paurusa tja ningira oku ka pangurua ijo Mukesare, ami mba rakiza kutja nga takamisiue nga tji me mu hindi ko Mukesare. ²² Nu Agripa otja tja nai ku Festusa, ''Ami uina me zeri oku puratena o murumendu ngui o muini.'' ''Muhuka,'' Festusa ua tja, ''ove mo mu zuu.'' ²³ Nu mependukirua, Agripa na Bernice veja no ndjozikiro jo hivo o nene; veja mo ndjiuo jo mapurateneno, puena ovahona vo vasorondate no varumendu o vanene vo tjihuro. Nu Festusa tja pangurire, Paurusa otja kaetua. ²⁴ Nu Festusa ua tja, ''Mbara Agripa, na imba avehe ovarumendu mbe ri mba puena ete, ma mu munu o murumendu ngui; o tjimbumba atjihe tjo Vajuuta tje rijarikanena ku ami ko Jerusalema na muno, nu ama ve ravaere kutja eje ka sere oku tji kara no muinjo.. ²⁵ Nunguari ami tjimba muna kutja ka tjitire tjimue tja soku tira; nu mena ro kutja o muini ueri kuira ko mukesari, ami otji mba tia oku mu hinda ko Roma. ²⁶ Nu nguari hina tjina oku tjanga ko muhona uandje. Nu mezeva indi, otji mbe mu jeta po murungu uenu, tjinenenene po murungu uo je, mbara Agripa, kutja mbi me kare na tji me tjanga. ²⁷ Orondu tji pe hina ku munika o tjo zondunge ku ami, oku hinda o mupandekua, noku hina ku raisa o ndjo ndji ndja hungamisiua.''