¹ Nu kombunda uo majuva jetano, Ananiasa o mupristeri o munene, na tjiva vo vanene, no musore uo mambo uorive, uena Terturusa vaja ngo. Ovarumendu imba va tuapere o mahongononeno uo ndjo o hunga na Paurusa po murungu uo muhengemone. ² Nu Paurusa tja kurama po murungu omuhongemone, Tertulus ua utire oku mu vara o munandjo, ama tja, ³ ''Otja tji tu kara mo upore o unene mena roje, no vitjitua vio mbuiro o vinene tji via tjitua ko tjiuana tji mena ro ku ripirira ko murungu kuoje; mu avihe na akuhe, o vina mbi matu vi jakura ama tutja o kunene o kuhepa, mutengua o muhinatjipo Ferikisa. ⁴ Nunguari noku hina ku ku uombisa oku kapita mba, me ku ningire kutja u tu puratene o usupi, mo upue uoje. ⁵ Orondu ete tua muna kutja o murumendu ingui o muzunganise tjinene, no mu ute ue zunganeno mokati ko Vajuuta avehe mo uje auh. No munane uo kambumba o kapuke ko Vanasarene. ⁶ Ua kondjisire noku tunda o ndemberi uina, nete atu mukambura. ⁷ *** ⁸ Nove tji ua mu kondonona Paurusa , mo je ku ritjivirua o muini ohunga no vina imbi mbi matu mu vara o munandjo.'' ⁹ No Vajuuta uina va itaverasana, ama ve tja o vina mbi vi ri nao. ^{10 11 12 13} 10 Nunguari o muhengemone tje mu nangere oku hungira, Paurusa ua zirire, ''Otja tji me tjiua kutja ove ua kara o mupangure uo tjiuana tji o zombura o zengi, mba joroka tjinene oku rizirira ko vina mbi o hunga na ami. 11 Mo jenene oku rimuina kutja kapeja kapita omajuva o murongo na jevari oku za ku indi tji mba ire ko Jerusalema oku ke rikotamena. 12 Novo tji ve ndji vazere mo ndemberi, hina mba patasana nangarire kuena o mundu, poo ame ungura o mauongarero uo tjimbumba, nangarire mo zosinangonge, poo mo tjihuro atjihe. 13 Novo uina kanaa ve jenene oku tuapo o mazeva oku hatoira o vina mbi mbi mave ndji vara o munandjo mu vio. ¹⁴ Nunguari kurama mbi hongonone itji kove, kutja otja ku indji o Ndjira ndji mave tja o kambumba o kapuke, ami otji mbi rikotamena ku Mukuru uoo tate, ame itavere mu imbi avihe mbia tjangua mo Veta na mo vaprofete. ¹⁵ Nu mbi na o maundjiro ku Mukuru, inga ovarumendu imba uina ngu ve nao, kutja mapeje ku kara o mbendukiro jo vati, avehe o vasemba no vahasemba. ¹⁶ Mu itji mbi ritjevera o muini, oku rira o muhinandjo mouripura uandje po murungu ua Mukuru no vandu. ¹⁷ Nu kombunda uo zombura o zengi, mbe ja oku jeta o viotjari no vijandjeua ko tjiuana tja ndje. ¹⁸ Nu tjimba tjita nao, oVajuuta tjiva mba za ko Asia vendji vazere ame japurua mo ndemberi, ape hina tjimbumba poo ezunganeno. ¹⁹ Imba ovarumendu imba veso oku kara po po murungu uoje noku ndji vara o munandjo, tji vena o tjina o hunga na ami. ²⁰ Poo, ovarumendu imba oveni ngave hungire tjiva muine o tjina o tji hasemba mu ami tji mbari po murungu uo tjira tjo Vajuuta, ²¹ Pendje neraka rimue uriri ndi mba ravaerere amba kurama mokati kavo, ro kutja, ''O mena ro hunga no mbendukiro jo vati ami ndji me pangurua po murungu uenu ndinondi.'' ²² Nunguari Ferikisa, nguari no ndjiviro o semba jo Ndjira, ue ve jarurire o mbunda. Ama tja, ''Nu Lisiasa o munane o hongora tje mo Jerusarema, otji me kondonona o tjiposa tjenu. ²³ Neje ua pangurire o muhengemone oku takamisa Paurusa noku mupa o uhara uorive, noku hina ku tjaera o mapanga ue oku mu pa imbi mbi ma hepa poo oku ja ku je. ²⁴ Nu kombunda uo majuva katjondumba Felikisa otje ere puena o mukazendu ue, Drusila, nguari o Mujuuta, na rire tja isana Paurusa, nemu puratene o hunga no ngamburiro mu Kristu. ²⁵ Nu Paurusa ngunda ama hungire ohunga no usemba, no meritjaerero uo mundu, no mbanguriro, Ferikisa ua urumisirue ijo mburuma na ziri, Mu nai kaende, nunguari tji mba munu o ruveze kombunda, me ku isana.'' ²⁶ Eje rukuao ua ri no maundjiro uo kutja Paurusa me mupe o tjimariva kutja e mu kuture, nu mena ra itji eje otji je mu isana po tuingi, noku hungira kuena je. ²⁷ Nunguari kombunda jo zombura mbari tjiza kapita, Porsiusa Festusa ua pingena Ferikisa otjo muhengemone, nu Ferikisa otja tji ja vanga oku ungurira o Vajuuta pu ja ve vanga, otja jesa Paurusa ko mapando.