¹ Nu Paurusa ua huiririkire o meho ue mo tjira natja, ''Varumendu ovakuetu, Ami mba hupa no urizemburuka o ukohoke po murungu ua Mukuru nga ke juva ndino.'' ndi. ² Nunguari Ananiasa, o mupristeri o munene, ua pangurire imba mbari posi je oku mu tona ko tjinjo. ³ Nu Paurusa otja tja ku je, ''Mukuru meje ku ku tona, oove ngu uri otjo rumbo ruomunoko ndua huua o uvapa! Mo haama vi mbo oku ndji pangura otja ko veta kuzambo o katuka ko veta noku pangura kutja hi tonue, ai heri otja koveta?'' ⁴ Nu imba mba kuramene mbo va tjere, ''Tjii ove mo jamburura o mupristeri o munene ua Mukuru?'' ⁵ Nu Paurusa ua tjere, Ami hi mbari ame tjiua vakuetu, kutja o mupristeri o munene. Orondu pa tjangua, ''Kona ku hungira o uvi o hunga no munane uo vandu vojenu.''' ⁶ Nunguari Paurusa tja tjivirue kutja o rumbembera rumue ruari o ruo Vasadukai nu induo rukuao ruari o ruo Vafarisei, eje otja raverere mo Sanhedrina, Varumendu vakuetu, o uami o Mufarisei, o muna uo Vafarisei. Nu omena ro maundjiro no mbendukiro jo vati. ndji me pangurirua.'' ⁷ Nu tja hungirire tji, pa karere o zombata pokati ko Vafarisei no Vasadukai, notjimbumba atji hanika pokati. ⁸ Orondu o Vasadukai vetja kapena mbendukiro jo vati, poo o vaengeri, poo o zombepo, nunguari o Vafarisei ve itavera kutja imbi avihe oku viri. ⁹ Nu pa karere o marokohero o manene, no vatjange mbari ke koro ro Vafarisei va sekamene, naze patasana, ama ze tja, ''Ete katuna ku muna o uvi mo mururmendu ngui. Rumue tjeri kutja o mbepo ja hungirire kuena je, poo o muengeri. ¹⁰ Nu tjipa kara no zombata ozondandi, omu kapteine o hongora otja pangura o vasorondate kutja ve heruke nu ve ka isamo komasa mokati ko tjira, nuve mutue mo tjitunga. ¹¹ Nu moutuku mbu mau jende Muhona ue ere ku je mo utuku, nu Atja, ''Kara no uvande, orondu otja tjinga ue Ndji hatoire mo Jerusalema o tjinga mo ke Ndji hatoira ko Rome.'' ¹² Nu tji pa tji, me pendukirua, o Vajuuta tjiva va uongarererere pamue, nave rikutire ku mue no rujano, ama ve tja, kavena ku ria poo oku nua ngatji va zepa Paurusa. ¹³ Nu jari ovarumendu mbari kombanda jo mirongo vine imba mba ungurire o rujano ndui. ¹⁴ Novo ve ere ko vapristeri o vanene no vanane, nave tja, ''Ete tue rikutu kumue no rujano o runene kutja katuna ku tuna ko ku ria ko o tjina nga tji tua zepa Paurusa. ¹⁵ Nambano ene, puena otjira, otji mua soku raa ko mukapteina o hongora kutja nge mu jete kuene, tjimuna mbu mamu je ku pangununa o tjina tjimue o ukahu o hunga naje. Nu ete, tue ritunine oku mu zepa ngunda ae hija riama imba. ¹⁶ Nunguari o muzandu uo mutena ua Paurusa, tja zuvire o tjineja tji, ue ere popezu na hiti mo tjitunga naka raera Paurusa. ¹⁷ Paurusa ua isanene umue uo vakendurio, natja, ''Tuara o mutanda ngui ko mukapteina o hongora, orondu una o tjina tja soku mu raera.'' ¹⁸ Nu omukendirio otja toora omuzandona omutanda nu a tuara ko mukapteina o hongora natja, ''Paurusa o mupandekua ue ndji isana, ne e ndji ningire kutja mbi jete o mutanda ngui kove. Una o tjina tja soku ku raera.'' ¹⁹ Nu omukaptaina ohongora ue mu kamburire keke, nemu nanene ko tjikoro ko urike, nu arire tje mu pura, ''O tjikuae tji uaso ku ndji raera?'' ²⁰ Nu omuzandona omutanda ua tja, ''O Vajuuta va zuvasana kutja ve ku ningire kutja u jete Paurusa ko tjira muhuka, tjimuna mbu maveje ku pangununa o tjina tjimue o ukahu o hunga naje. ²¹ Nunguari o itavere o maningiriro uao, orondu pena o varumendu mba kapita o mirongo vine, mbe mu jenge nu mbe mu tarere mondjira. Mbe rikutu kumue mo rujano ruoku hina ku ria poo oku nua nga tji ve mu zepa.Na nai ovo va rongere mave undju e zirira roje.'' ²² No omukapteina o hongora otja jesa o mutanda oku jenda nemu raa kutja, ''O raere ko o mundu kutja ue ndji raere o vina mbi.'' ²³ Neje ua isana o vakendurio vevari natja, ''Tjiteje kutja o masorondate o masere jevari je ritunine oku jenda ko Kesarea, no vakavire vo ukambe o mirongo hambombari uina, no vaumbe vomanga o masere jevari. Mo sekama o ire o itjatatu utuku.'' ²⁴ Ave raere kutja ve jandje o vikavirua uina kutja ve kavirise Paurusa kuvio, nu mumu tuare noku hina tjipo ku Felikisa, ingui o muhengemone. ²⁵ Neje ue mu tjangerere o mbapira mo ndja ri nai: ²⁶ Klaudiusa Lisiasa, ko muhengemone o mutengua tjinene, Felikisa, minikua. ²⁷ O murumendu ngui ua kamburirue ijo Vajuuta nave hara oku mu zepa nu ami mbeja no vasorondate nu emu jama muvo, tjimba tjiua ku tja o Muroma. ²⁸ Nu otja tji mba zerire oku tjiua kutja ua munika ondjo ja tjike, otji mbe mu jeta po tjira tjao. ²⁹ Nu e vaza aeri kutja ua munikua ondjo mu vina vio veta jao, no kutja kapena ondjo ndja hungamisiua ndja puirua ijo ndiro poo oku tuua mo ndorongo. ³⁰ Nu tji pa tjiukisiua kuami kutja pa zengua o tjineja ijo Vajuuta ohunga no murumendu ingui, otji mbe mu hindi kove tjimanga, noku raera imba mbumave mu vara o munandjo kutja ve je ku hongonona ondjo je po murungu uo je. Kara naua.'' ³¹ Nu ovasorondate va tjita otja pu va rakiziua. Ave toora Paurusa nave mu jeta ko Antipatrisa o utuku. ³² Nu me pendukirua va jesa o vakavire vo ukambe oku jenda puena je, novo ave jaruka ko tjitunga. ³³ Nu ovakavire voukambe tji va vaza ko Kesarea, nave jandja o mbapira ko muhengemone, va jeta Paurusa po murungu ue uina. ³⁴ No muhengemone tja za noku resa o mbapira, ua pura kutja eje ua za ke kondua rine. Nu tja zuva kutja eje ua za ko Silisia, ³⁵ Eje ua tja, ''Ami me je ku ku zuva naua imba mbu ma ve ku vara o munandjo tji va zu noku ja.'' Neje ua pangurire kutja nga ka takamisirue metuuo e huararara ro mbanguriro ra Heroda.