¹ O kandaiza omurumendu o munene. Nunguari, mu ronga tjimuna o murumendu nguno vanatje. Ronga ovarumendu ovatiti tjimuna o vakuenu, ² O vakaendu o vanene tjimuna o vakaendu mbe na o vanatje, imba o vatiti tjimuna o vatenakuee, mo ukohoke auhe. ³ Jozika o vahepundu, mbe ri o vahepundu tjiri. ⁴ Nunguari o muhepundu tjeno vanatje poo o vanatje vo vanatje, ngave rihonge oku raisa o ndjozikiro ko zondjiuo zao oveni rutenga. Nga ve jarure o uua ko vakuate vao, orondu itji matji jandja o njune po murungu ua Mukuru. ⁵ Nunguari ingui ngu ri o muhepundu tjiri, ngua seua peke, eje u zika o maundjiro ue mu Mukuru, na kara mo maningiriro no zongumbiro o mutenja no utuku, ⁶ posija o mukaendu ngu kara meviaro ro zonduma eje ua ta ae hupa. ⁷ Nu ve ronga o vina mbi uina , kutja ve rire o vehinatjipo. ⁸ Nunguari auhe ngu hina ku ungurira imba ove, nu tjinene imba o vo ndjiuo je, eje ue ripatana o ngamburiro nu o muvi oku kapita imba mbe ha kambura. ⁹ Nu o mukaendu ngu matjangua ko uhepundu ngarire ngu heri kehi jozo mbura o mirongo hamboumue, nga rire o mukaendu nguari o uo murumendu umue. ¹⁰ Uso ku tjiukua no viungura o viua, kutja o mukaendu ngue kurisa o vanatje naua, poo ngua jandjere o mara ko vandu o veheiue, poo ngua kohere o zombaze zo vandu va Mukuru o vajapuke, poo ngua tjeverere imba mbari mo zondjemeno, poo ngua kongorerere o tjiungura atjihe o tjiua. ¹¹ Nunguari ko vahepundu o mitanda, pata oku vetjanga kembo ro uhepundu. Orondu ovo tji va utu oku hara o zonduma zo njama ve jesa Kristu, ave paha oku kupua. ¹² Nu kehi janao ve kara kehi jo mbanguriro ovo tjinga a va nakera ko tjikoro o merikuzikiro o matenga. ¹³ Nu rukuao, ve rihonga ou ngundi noku rianga pokati ko zo nganda. Kave rire ovingundi uriri, nunguaari ve hungira otujambo uina nu ve ritua mo vina vio vandu no ku hungira o vina mbi ve ha sere oku hungira. ¹⁴ Opu mbi za oku vanga kutja o vakaendu o mitanda ve kupue, ve panduke o vanatje, ve takamise o zondjiuo zao, ave ha jandjere o munavita o karuveze koku jamburura. ¹⁵ Orondu tjiva va jepera hapo kotjikoro oku kongorera Saatana. ¹⁶ Tji pena o mukambure o mukaendu nguno muhepundu, ngemu vatere, okutja o kereka a iha haverisiua o uzeu, ko kutja ojo i vatere imba mbe ri o vahepundu katjiri. ¹⁷ O vanene imba mbe nana naua ngave varue o vanandengu joku peua o ndjozikiro po tuvari, tjinene imba mbe kondja Membo na mo mahongero. ¹⁸ Orondu o matjangua je tja, “O pata o tjinjo tjo nduuombe ndji mai jata o vikokotua,” nu rukuao, “O muungure ua puirua o tjisuta tje.” ¹⁹ O jakura oma hongononeno ngu ma je vara o munene o munandjo, andu po murungu uo zohatoi mbari poo ndatu. ²⁰ Verera o vana uvi po murungu ua avehe kutja o vakuao varue ve tire. ²¹ Meku tie tjiri, po murungu ua Mukuru na Jesu Kristu no vaengeri o vatoororua, kutja u takamise o matuako nga nokuhina ngarera, o ha tjiti ko tjimue no ngarera. ²² O hakahanene oku jambeka o mundu o make. O kara no rupa mo mauvi uo mundu uarue. Nunguari ri takamisira mo ukohoke. ²³ 23 Otji nu ko o meja rukuao. Nunguari, ungurisa o mavinu o utiti motjimbe tjo pehuri po je, no uvere uoje uo tjikando no tjikando. ²⁴ O mauvi uo vandu tjiva je tjiukue po rutjandja, nu je ve hongorera ko mbanguriro. Nunguari omauvi tjiva je ve kongorera kombunda. ²⁵ Mo muano o tjingeuo, uina o viungura o viua vio vandu tjiva vi munika ko murungu uo ruveze, nu na imbi mbi he ri nao kanaa vi horekua.