1
O vakarere avehe mberi kehi jo ndatumisire ngave vare o vahona vao o vanandengu jo ku peua o ndjozikiro aihe.Ngave tjite itji okutja ena ra Mukuru no mahongero Ue aje ha jambururua.
2
Nu imba mbe na o vahona o vakambure, ave ve njengura mo kutja o vakambure o vakuao. Nunguari, ngave ve karere oku kapita. Orondu imba mbu mave kotokerua otjisuta mo tjiungura tjo ukarere o vatakame no vasuverua. Honga nu u ronge o vina mbi.
3
Tji pena umue ngu ma hongo o mahongero uarue nu tje hina ku itaverasana no mambo inga uo uatjiri uo Muhona uetu Jesu Kristu noku honga o mahongero otja ko umukuru,
4
eje ue ritongamisa ae hina tje tjiua. Nu eje ua vera o maivaiviro no zombata zo mambo nge jeta eruru, no mananasaneno, no mahazeraka, oma unauninasaneno uo uvi,
5
no virua mbi ha janda pokati ko vandu vo zondunge nda zundara. Mba pandjara o uatjiri nu mbe tanguaasi o umukuru o ndjira jo ku kara no vimariva ovingi.
6
Nunguari o umukuru pueena oku jakura noku suvisiua mu itji o mundu tje na tjo o utumbe o unene.
7
Orondu katuna tji tua jeterera mo uje, nu katuna oku tuaerera tjimue pendje.
8
Nu, nanguari ete ngatu haamisiue ominjo ijo vikuria no mituaro.
9
Nunguari imba mbe zera o rutumbo ve uira mo marorero, mo nguehe. Ve uira mo zonduma o zengi zo ujova nde ihamisa, na mu atjihe tji tji uisira o vengi mo mazundakero no mbandjarero.
10
Orondu o masuverero uo vimariva o ngeri o muze uo maurunde ajehe. Ovandu tjiva mbu va nanukiririrue ko va humburuka ko ngamburiro nu ave rituere o veni no mihihamo o mingi.
11
Nunguari ove, mukarere ua Mukuru, taura u tire o vina mbi. Kongorera o usemba, o umukuru, o utakame, o rusuvero, o muretima, no utarazu uo mutima.
12
Ruaa o tjirua o tjiua tjo ngamburiro. Kakatera ko muinjo uaaruhe, ove ku ua isanenua, nu ove mbui ku ua jandja o mahongononeno o maua po murungu uo zohatoi o zengi.
13
Meku rakiza po murungu ua Mukuru, ngu jandja o muinjo ko vina avihe, na Kristu Jesu, ngua hongonona po murungu ua Ponteusa Pirate nu a jandja omambo omaua,
14
kutja u takamise e rakiza nokuhina tjipo nga kejuva o Muhona uetu Jesu Kristu ndi ma munika.
15
Mukuru meje ku raisa o kuja kua Christu mo ruveze tji rua jenene: Mukuru, o Munauvara erike, o Mbara ngua zikama no Muhona ngu nana.
16
Eje erike ngu ha koka nu ngua tura mo ndjerera o mundu ndje hina ku jenena oku riama ko. Kapena o mundu ngu me mu munu poo ngu ma jenene oku mu muna. ku Je nga rire o ndjozikiro no masa uaaruhe. Amen.
17
Ronga imba mba tumba mo uje mbui kutja ave he ritongamisa, poo oku zika o maundjiro uao mo rutumbo ndu hina mazikameno. Nunguari, nga ve tue omaundjiro uao mu Mukuru. Eje Utupa outupe auhe uo uatjiri kutja tu viare muuo.
18
Vetia oku ungura o uua, oku tumba mo viungura o viua, no ku jandja pamue noku hanasana.
19
Orondu mo ku tjita nao mave ripuikire ko omazikameno o masemba mo ruveze ndu ma ru ja, kutja ve kambure ko muinjo uaaruhe.
20
Arikana Timoteusa, takamisa itji tji tja tuua mo ndejeverero joje, amo rijepisa ko mahungiriro o mungandjo uo viporoporo, no zombata nde isaneua o ndjiviro jo maunongo.
21
Ovandu tjiva ave hongonona ovina mbi nu a ve jepe mo ngamburiro. Otjari nga tjikare puena ove.