1
Embo ndi e takame: tji pena o mundu ngu zera oku rira o munane o hongora uo kereka, eje u zera o tjina o tjiua.
2
Nu o munane o hongora uo kereka uso ku rira omundu uo ndengu ombua. Uso kurira o murumendu ngua kupa o mukaendu umue. Ngue ri vera, ngu uno zondunge, uo ngaro o hirona, o ndjandje. Nu uso ku jenena oku honga naua.
3
kenaa uaso oku rira o tjindoronge, poo o mupose no murue, nunguari ,nga rire o mupore, uo hange. Nu uina a suvere o vimariva.
4
Nu uso oku kara no mananeno o masemba ponganda je o muini, nu uso oku jenenisa o kutja o vanatje ve ma ve mu tenge noku mu zuva mo zo ndjira azehe.
5
Orondu auhe ngu ha tjiua oku nana o ondjiuo je naua, ma jenene vi oku nana o kereka ja Mukuru?
6
Ka sere oku rira o mupe mo ngamburiro, tjaa ngee ritongamisa na uire mo mbanguriro otjo Munauvi.
7
Nu uina uaso ku rira o mundu uo ndengu o mbua mu imba mbe ri pendje, tjaa ngaa uire mo ndjambu na mo nguehe jo Munauvi.
8
Mo muano tjingeuo, o vavatere mo kereka uina vaso oku rira o vandu vo mbuiro joku tengua, mbe ha hungire o maraka pevari. Ka vesere o kunua o mavinu o mengi, noku hina kurira ozondjandje.
9
Veso ku takamisa o tjiundikua tjo ngamburiro no merizemburukiro o makohoke.
10
Nu imba uina nga ve rorue rutenga, kuzambo ngave rire tji va karere, noku hina tjipo.
11
Mo muano o tjingeuo, o vakaendu vao nga ve rire o vandu vo mbuiro joku tengua, mbe heri o votujambo, nunguari ovapore no vatakame mo vina avihe.
12
O vavatere mo kereka ngave rire o varumendu vo mukaendu umue, mbe na o mananeno o masemba ko vanatje no zondjiuo zao.
13
Orondu imba mba karera naua mo ku vatera mo kereka ve rimuina o ndengero o mbua no uvande o unene mo ngamburiro ndji ri mu Kristu Jesu.
14
Nu tji mbe tjanga ovina mbi kove nai, mbezeri oku ja kove mo ruveze orusupi.
15
Nunguari tji mba uombo, uina mbe tjanga kutja u tjiue kutja ua soku ritumba vi mo ndjiuo ja Mukuru, ojo ndji iri o kereka ja Mukuru o munamuinjo, o ngunde no mazikameno uo uatjiri.
16
Nu atuhe matu itavere okutja o tjiundikua tjo umukuru o tjinene: "Eje ua raisiua mo njama, a sembamisiua mo Mbepo, a munikua ijo vaengeri, a zuvarisiua mo viuana, a itaverua mo uje, nu a toorerua mejuru mo ujere."