¹ Ja̧hua̧nö̧ ja̧'a̧ pi̧yȩ bäiche'ca, ruhuotömä hi̧jo̧mȩcu̧ ichiö päinätö̧: Israel ttö̧ja̧mä̧ Diosttö'inä ttö̧ja̧ttö̧'i̧nä̧ kä'cobeö adicuä ttö̧ja̧'i̧nä̧ ja̧hua̧ta̧'a̧nö̧ Levita'inä pitö ötahuiyä tti̧rȩjȩ ji̧no̧mä̧ cä'adiocopinätö̧, Cananeos'inä Heteos'inä, Ferezeos'inä, Jebuseos'inä, Amonita'inä, Moabita'inä, egipcios'inä amorreo'inä isopeinä ja̧'a̧ suronä jȩpä̧tö̧jä̧ pa'ähuinätö̧. ² Ja̧hua̧nö̧ ja̧'a̧ juatö jitötettö tti̧tti̧mö̧ nä̧tö̧ttö̧'i̧nä̧ u̧mä̧tö̧ttö̧'i̧nä̧ ȩmi̧nä̧tö̧, Tö̧ä̧nä̧hua̧ a̧di̧huä̧'i̧sa̧ u̧mä̧ya̧ tomä pi̧jä̧ rȩjȩ ötahuiyä ttö̧ja̧cu̧ jo'ächinätö̧. Ä̧cuo̧mȩnä̧ ruhuotöttö'inä ttömuäyotöttö'inä pi̧yȩ, jähuä suronä jȩpi̧nä̧tö̧. ³ Ja̧hua̧nö̧ ja̧'a̧ pi̧yȩ huȩnȩ a̧ji̧cuä̧'ca̧, chi̧'ca̧ta̧hua̧ta̧hua̧ta̧mä̧, jahuätanö bo̧ja̧ta̧ tö̧ä̧ta̧'a̧i̧nä̧, ja̧hua̧nö̧ ja̧'a̧ chuhuo'che ti̧ȩcu̧ chu'inä chäcähui 'chäinä mȩä̧huö̧ pa̧huä̧nö̧ chä'ca tta̧ȩcui̧nö̧sä̧. ⁴ ttocutä ji̧na̧ yo̧mȩtȩ ba'inätö̧ Israel Ttö̧ä̧nä̧hua̧ Dios i̧huȩnȩ ye'ecuatu'inä surojo jahuättö, ttömä ki̧nö̧sä̧ ye'ecua'chö ni̧pä̧ro̧mȩ i̧sa̧rö̧ iyähuäyomebö päi'inä. ⁵ Ja̧hua̧nö̧ ja̧'a̧ ni̧pä̧ro̧mȩ tta̧rȩ mipponä iyähuä yo̧mȩttö̧mä̧, chu̧'o̧mȩttö̧mä̧ ä̧rä̧mi̧ö̧, ja̧hua̧nö̧ ja̧'a̧ chicatä̧hua̧ta̧ meahuo po̧ja̧ta̧ ri̧a̧ta̧'i̧nä̧, chihue'kiyö kä̧mä̧dö̧ jä̧rȩyö̧ pä'iö, juahuänä ja̧'a̧ ka̧ȩpi̧nö̧sä̧ ttota Chö̧ä̧nä̧hua̧ Dios ä'ca jo̧mȩ. ⁶ Ja̧hua̧nö̧ ja̧'a̧ pä̧'i̧nö̧sä̧: "Ttötä Chö̧ä̧nä̧hua̧ Dios, chuhuojuächi'inä yedecunä'inä päiäcusä ocu cui̧jä̧cu̧ chia cadepapaomä, ja̧hua̧nö̧ ja̧'a̧ ujutö ttömä ujutu suroju jȩttö̧tä̧ ri̧ä̧chi̧na̧'a̧, ujutötä jahuämä mo̧ro̧ja̧bö bo'o joa'a. ⁷ Ujutu tö̧tä̧mö̧ mi̧nä̧mä̧ mo̧ro̧ttö̧ kä̧mä̧nö̧ pä'i'ina jitä mo̧ro̧jubö pai'ina rö̧ä̧nä̧ suronätä̧ kä̧cuä̧tö̧jä̧; ja̧hua̧nö̧ ja̧'a̧ ujutötä jahuänä, ujutötä turöhuotö'inä ja̧hua̧ta̧'a̧nö̧ Diosttö'inä ttö̧ja̧ttö̧'i̧nä̧ kä'copäteö adicuä ttö̧ja̧'i̧nä̧ pi̧jä̧ttö̧ ruhuotö tti̧mö̧nä̧ iyicuahuotö pi̧nä̧tö̧jä̧. ⁸ Ja̧hua̧nö̧ ja̧'a̧nä̧, jitämä aa̧u̧cu̧nä̧tä̧ ki̧'i̧pa̧'a̧ttö̧, Tö̧ä̧nä̧hua̧ Dios re toömä ujuturumä a̧u̧cuo̧tö̧rö̧tä̧ cua'arettö ttö̧ji̧pö̧nä̧ rä̧mȩcui̧na̧'a̧ ja̧hua̧ta̧'a̧nö̧ a̧u̧cu̧nä̧ ppädäcuähuä adihuä öadihuä ko̧mȩttö̧. Ja̧u̧mä̧ Dios ujuturu tiärichä kä̧dȩpö̧nä̧ jȩa̧ pä'öja̧hua̧ta̧'a̧nö̧ a̧u̧cuo̧mȩ tta̧mi̧ diyau tȩma̧ pä'ö. ⁹ Ujutumä pä̧i̧cu̧nä̧ huettö jȩä̧cuä̧ ttö̧ja̧jä̧, ja̧hua̧nö̧ ja̧'a̧nä̧ Tö̧ä̧nä̧hua̧ Diosmä unichioco̧u̧ pi̧nä̧tö̧jä̧ ja̧hua̧nu̧ jo̧ca̧'a̧ icuipocu jäcuätä jȩi̧nä̧u̧jä̧. Ja̧u̧mä̧ pi̧yȩmä̧ Persia ru̧hua̧ to̧ä̧ro̧mȩttö̧ jȩpi̧nö̧ tujuru jareunä icha'a pä'ö, pä'äjita'anö ppa̧'a̧nö̧ 'tö̧ta̧ pä'ö Dios ojusode ja̧hua̧ta̧'a̧nö̧ surojoächinö täräpea pä'ö. Ja̧u̧mä̧ piyemä jȩpi̧nö̧ Judattö ja̧hua̧ta̧'a̧nö̧ Jerusalenttö̧'i̧nä̧ huȩnȩ juiyönä tö̧ja̧ pä'ö ttoecuä'ca ichatö pä'ö. ¹⁰ Ja̧hua̧nö̧ ja̧'a̧nä̧ jitämä, Tö̧ä̧nä̧hua̧ Diosmä, ¿Däje pätöanö jä̧ttö̧ pi̧yȩ o'comenämä? Ujutumä unichiätöjä huecuinö huȩnȩmä̧, ¹¹ hueähuä huȩnȩ cumuhuäyotö cui̧huȩnȩ jiäcuähuä ttö̧ja̧rö̧ pa̧'a̧nö̧ päcuomenämä: "Pi̧yȩ rȩjȩ ucu to'ächö huȩmä̧jä̧mä̧ suroju jȩä̧cuä̧huä̧ kä̧jä̧ ja̧'a̧. Ötahuiyä juä̧jä̧nä̧ ka̧cuä̧tö̧ttö̧ suronä jȩttö̧ttö̧ su̧rä̧jä̧ ja̧'a̧. Jahuätömä aboratä suroju jö̧ jȩpi̧nä̧tö̧ korotö ötahuiyä ttö̧ja̧rö̧ suroju joepächö. ¹² Ja̧hua̧nö̧ ja̧'a̧ttö̧, jitämä, juitijurumä cuiyätucuä jahuätö tti̧tti̧mu̧ru̧mä̧; jahuätö ttittijuru'inä huȩmä̧tö̧cuä̧ cui̧tti̧mu̧ru̧ ja̧'a̧tȩu̧mä̧, ja̧hua̧ta̧'a̧nö̧ adiunä ttö̧ja̧ pä'ö'inä, recuonä adicuomenä ttö̧ja̧jä̧ pä'ömä jȩcuä̧tö̧cuo̧, tujuru tȩmä̧cua̧nö̧ pä'ö'inä ja̧hua̧ta̧'nö̧ adiunä cuä̧nö̧ ttö̧ja̧cua̧nö̧ juä̧jä̧ rȩjȩttö̧, cui̧tti̧mu̧tu̧cu̧rö̧ recuo ttö̧ju̧na̧ra̧ pä'ömä. ¹³ Ji̧nä̧ suronä jȩtö̧ micuä päi'inä cuäopinö'ca'inä ja̧hua̧ta̧'a̧nö̧ ujututä timicuä jähuänä, täcö ucutä, Tö̧ä̧nä̧hua̧ Dios, suronä jȩtö̧ micuä päinä tȩma̧ pä'ö jö̧mä̧ tȩmi̧yu̧nä̧ jȩpi̧nö̧ ja̧hua̧ta̧'a̧nö̧ hua'arettö ti̧ji̧pö̧nä̧ jȩpi̧nö̧. ¹⁴ ¿Pä'äjita'anö Ucutä huecuinö huȩnȩ'i̧nä̧ töarotiäcuotöjä tä̧ji̧ ja̧hua̧ta̧'a̧nö̧ korotöcu suronä jȩä̧cuä̧huä̧ ttö̧ja̧ttö̧ tirecua päiönä tȩmä̧cuo̧tö̧jä̧? ¿Cu̧no̧huä̧ri̧yä̧cua̧jä̧ tä̧ji̧ ja̧hua̧ta̧'a̧nö̧ ya̧tȩi̧nä̧ i̧ji̧pi̧yö̧nä̧ cuä'äucui̧cuä̧cuä̧u̧jä̧ tä̧ji̧, karacu dipäyäcuähuä juiyunä? ¹⁵ Tö̧ä̧nä̧hua̧, Israelttö Dios, Ucumä jueö jö̧sa̧jä̧, a̧u̧cu̧nä̧nö̧tä̧ huotötä ki̧'i̧pi̧nä̧tö̧jä̧ pi̧yȩ mo̧ro̧ jubömä. ¡Topi! Cuä'ca jo̧mȩ ka̧cuä̧tö̧jä̧, ujututä jähuänä, ya̧tȩ'i̧nä̧ cuä'ca jo̧mȩ u̧ja̧ pä'ömä hueyecua pi̧yȩ jähuänämä".