¹ Pitö ji̧na̧'a̧ isode uruhuotö pä'iönä ki̧nä̧tö̧mä̧täbocu babilonia ötahuiyättö ttö'cö rä'opinätö̧ ru̧hua̧ Artajerje hueinö pänä. ² Finȩes ahuaruhuä o'cotöttömä, Gersón. Itama ahuäruhuä o'cotöttömä, Daniel. David i̧tti̧mö̧ o'cotöttömä, Hatús, ³ Secanías i̧tti̧mö̧'i̧nä̧, Paros i̧tti̧mö̧'i̧nä̧, Zacarías ja̧u̧cö̧'i̧nä̧ ji̧na̧'a̧ 150 jo̧mȩnä̧ u̧mä̧tö̧. ⁴ Ja̧hua̧ta̧'a̧nö̧ Pahat Moab i̧tti̧mö̧ o'cotöttö'inä: Zerahías i̧tti̧ Elioenai. Jahuätöcömä ji̧na̧'a̧ 200 jo̧mȩnä̧ u̧mä̧tö̧. ⁵ Secanias ahuaruhuä o'cotömä, Jahaziel i̧tti̧mö̧'i̧nä̧, jahuätö o'catoinä 300nö u̧mä̧tö̧ ji̧na̧'a̧. ⁶ Adin ahuäruhuä o'cotöttö'inä Jonatan i̧tti̧ Ebed 'inä jähuätömä 50nö u̧mä̧tö̧ ji̧na̧'a̧. ⁷ Elam ahuäruhuä o'cotöttö'inä Atalias i̧tti̧ Jesaías jähuätöcömä 70nö u̧mä̧tö̧ ji̧na̧'a̧. ⁸ Sefatias ahuäruhuä o'cotö'inä Micael i̧tti̧ Zebadias. jahuätömä 80nö u̧mä̧tö̧ ji̧na̧'a̧. ⁹ Joab ahuäruhuä o'cotöttö'inä Jehiel i̧tti̧ Obadias, jahuätöcömä 218 u̧mä̧tö̧ ji̧na̧'a̧. ¹⁰ Josifías i̧tti̧ Selomit ahuäruhuä o'cotöttömä 170nö u̧mä̧tö̧ ji̧na̧'a̧. ¹¹ Bebai ahuäruhuä o'cotöttö'inä: Bebai i̧tti̧ Zacaria. 28nö jo̧mȩnä̧ ji̧na̧'a̧. ¹² Azgad i̧tti̧mö̧ o'cotöttö'inä Hacalan i̧tti̧ johanan, hähuätöttömä 110 u̧mä̧tö̧ ji̧na̧'a̧. ¹³ Adonicam ahuäruhuä o'cotöttö'inä. Ä'ca tta̧huä̧rä̧cuä̧huä̧ ttö̧ja̧mä̧ pitö ji̧na̧'a̧ Elifelet'inä, Jeiel'inä Semadias jahuätöcu i'chinätö̧mä̧ 70nö jo̧mȩnä̧ ji̧na̧'a̧. ¹⁴ Bigvai ahuäruhuä o'cotömä, utai'inä, Zabad'inä jähuätömä 70nö jo̧mȩnä̧ ji̧na̧'a̧. ¹⁵ Esdrasmä pä'inö: "ttö ca̧ca̧cui̧pi̧nö̧sä̧ cueächäcuähuä ttö̧ja̧rö̧ Ahava mä̧nä̧cö̧ttö̧ ja̧hua̧ta̧'a̧nö̧ huäbodäcuä mo̧ro̧ pä'iönä ä'ö ki̧nä̧tö̧jä̧ ja̧hua̧nö̧ ja̧'a̧ ötahuiyä ttö̧ja̧rö̧ usähuipinö̧sä̧ Sacerdote huotörö'inä, ja̧'hua̧nö̧ ja̧'a̧nä̧ po̧cui̧po̧cö̧ pi̧nö̧sä̧ Levi ahuäruhuä o'cotöttömä juorumä. ¹⁶ Ja̧'hua̧nö̧ ja̧'a̧ hue'inösä̧ Eliezer, Ariel, Semaias, Elnatan, Jarib'inä, Elnatal'inä, Natan'inä, Zacarias'inä, Mesulan'inä jahuätömä ruhuotö ji̧na̧'a̧ ja̧'hua̧ta̧nö̧ joriab'inä Natn'inä huo̧jȩcuä̧ ttö̧ja̧ ji̧na̧'a̧. ¹⁷ Hue'inösä Iddo, ö̧ja̧ Casifia ötahuiyä ru̧hua̧ u̧jo̧mȩ ja̧hua̧ta̧'a̧nö̧ ji'ähuipinösä Iddorö ttöcuocuä̧cuä̧ ja̧hua̧ta̧'a̧nö̧ u̧jä̧hua̧tö̧ ppä̧dä̧rä̧cuä̧huä̧ ttö̧ja̧ Casifia pä'ö micuome Isodenä ttö'cächa pä'ö Dios ojuisode. ¹⁸ Ja̧'hua̧nö̧ ja̧'a̧ i'cächö ttiyä̧ö̧jä̧ Diosrö pä̧huä̧rö̧ jo̧mȩnä̧ ya̧tȩ ubo ttö̧ȩpä̧rö̧'rö̧. Mahli i̧tti̧mö̧ o'cotö'inä Levi i̧tti̧'i̧nä̧ Israel i̧tti̧, Serebias i̧tti̧mö̧'i̧nä̧ ja̧hua̧ta̧'a̧nö̧ i̧ja̧hua̧tö̧'i̧nä̧ ja̧hua̧ta̧'a̧nö̧ Diesciochonö ji̧na̧'a̧. ¹⁹ Ja̧u̧cu̧mä̧ ichinö Asabias'inä ja̧u̧nä̧ ji̧na̧'a̧ ja̧hua̧ta̧'a̧nö̧ Merari i̧tti̧ Jesaías, ja̧hua̧ta̧'a̧nö̧ ö̧ja̧hua̧tö̧'i̧nä̧ i̧tti̧mö̧'i̧nä̧ 20nö jo̧mȩnä̧ u̧mä̧tö̧ ji̧na̧'a̧. ²⁰ ja̧hua̧ta̧'a̧nö̧ Dios ö̧jo̧de jacuä adicuä ttö̧ja̧'i̧nä̧. David ruhuotöcö iyu ttö̧ji̧ni̧nä̧u̧ Levita ppä̧'ä̧dö̧rö̧ ttö̧ja̧ pä'ö jahuätöcömä ji̧na̧'a̧ 220nö jo̧mȩnä̧ hue'ähuotö ji̧na̧'a̧ tti̧mi̧cö̧ pö̧nä̧. ²¹ Ja̧'hua̧nö̧ ja̧'a̧ttö̧ ttömä jä'epinösä DIosrö chu̧cuä̧'i̧nä̧ a̧'no̧chö̧, Ahava aje jäyotottö ucuo teähuönä Tö̧ä̧nä̧hua̧ Dios o'ca jo̧mȩttö̧ chutä mänä juȩ'ȩpa̧ra̧'a̧nä̧ ti̧chi̧ya̧rö̧ pä'ö ja̧'hua̧ta̧na̧'a̧nö̧ ppo̧'ä̧tö̧rö̧'i̧nä̧, ja̧hua̧ta̧'a̧nö̧ o'ca juiyönä tȩpö̧'i̧nä̧. ²² Nä̧'ä̧ri̧ji̧jö̧nä̧ ji̧na̧cö̧sä̧ ru̧hua̧rö̧ jä̧nȩpä̧ra̧ pä'ömä, umöäyotö su̧ro̧da̧ö̧rö̧ tta̧tta̧ra̧ttö̧ pä'ö, chabojotöttö chichome tta̧tta̧ra̧ttö̧ pä'ö täcö ru̧hua̧rö̧mä̧ tocuocuinö o'ca'a ji̧na̧'a̧, Diostä iyö kö̧ni̧nä̧tö̧jä̧, jitö ttösanä'inä adiunätä̧, ja̧hua̧ta̧'a̧nö̧ ttujurucö tti, tti'äicö ttö̧ja̧nä̧'i̧nä̧ ttönichi'a pä'ö. ²³ Tu̧cuä̧ a̧no̧chi̧ö̧ jäepinätöjä̧ Diosrö jätepäjimä adätinäu̧jä̧. ²⁴ Ja̧'hua̧nö̧ ja̧'a̧ 'cä̧ȩpö̧ ku̧ni̧nö̧sä̧ 12nö̧ huotö ruhuotö jue'ipätörö: Serebías'inä, Hasabías'inä ja̧hua̧ta̧'a̧nö̧ 10nö̧ huotö ö̧ja̧hua̧tö̧ttö̧'i̧nä̧. ²⁵ Pa̧ja̧ti̧nö̧sä̧, platattö'inä, orottö'inä korottö'inä ru̧hua̧'i̧nä̧ ippeyä ttö̧ja̧'i̧nä̧ o'catoinä Israel ttö̧ja̧'i̧nä̧ ttötinöttö̧. ²⁶ Pa̧ja̧ti̧nö̧sä̧ ja̧hua̧ta̧'a̧nö̧ ttö̧mö̧ttö̧ 650nö̧ plata o̧bi̧, ja̧hua̧ta̧'a̧nö̧ 100nö o̧ta̧hui̧yä̧ platattö'inä, ja̧hua̧ta̧'a̧nö̧ 100nö̧ jo̧mȩnä̧ orottö. ²⁷ Ja̧hua̧ta̧'a̧nö̧ 20nö̧ o̧ta̧hui̧yä̧ oro 1000 dracmanö jo̧mȩnä̧ ja̧hua̧ta̧'a̧nö̧ to̧ba̧rȩ broncettö̧ sayuticö adicua a̧'cuä̧cö̧nä̧ orota'anö. ²⁸ Ja̧hua̧ta̧'a̧nö̧ pä'inösä, ucutömä Dios öäre huotöjä, ja̧hua̧ta̧'a̧nö̧ pi̧yȩ cuiyätöcö'inä plata'inä, orottö'inä cuiäre iyähuä cuiyätöcumä Tu̧ru̧hua̧ Tö̧ä̧nä̧hua̧ Dios öäre ja̧'a̧. ²⁹ Tta̧'a̧rö̧nö̧ hua̧'a̧dä̧rö̧ repeätöcui ruhuotö ttä'ca jo̧mȩttö̧ sacerdotettö'inä levitattö'inä korotö ruhuotö isode uruhuotö Jerusalén ötahuiyättö'inä ja̧hua̧ta̧'a̧nö̧ Dios oju isodettö'inä, ttäca jo̧mȩttö̧ cui'ätätucua pä'ö. ³⁰ Ja̧'hua̧nö̧ ja̧'a̧ tti̧yi̧nä̧u̧ sacerdoterö'inä, levitarö'inä pa̧ja̧tö̧ platattö'inä, orottö'inä, korottö'inä ttȩpa̧ pä'ö Dios oju isode Jerusalén utahuiyära̧'a̧. ³¹ Ja̧'hua̧nö̧ ja̧'a̧ chi̧nä̧tö̧jä̧ Ahava aje jäyotonä 12 a̧cuo̧mȩnä̧ a̧'ȩ pä'iomenä chi̧nä̧tö̧jä̧ Jerusalén ra̧'a̧cö̧, ja̧'hua̧nö̧ Tu̧ru̧hua̧ tta̧hua̧ra̧nä̧tä̧ chi̧nä̧tö̧jä̧ ppädinäu̧jä̧ taboyotöttö tö̧ji̧pa̧ pä'ö. ³² Ja̧'hua̧nö̧ ja̧'a̧ Jerusalén utahuiyära̧ doächinätö̧jä̧, ji̧nä̧tö̧jä̧ juȩnȩ huäbodäcuä mo̧ro̧. ³³ Pä̧ja̧cuä̧nö̧ mo̧ro̧ päia pa̧ja̧ti̧nä̧tö̧jä̧ platattö'inä, orottö'inä, korottö'inä, Tö̧ä̧nä̧hua̧ Dios oju isode jacuättö sacerdote Meremot u̧mö̧ jacuättö, Urias i̧tti̧ ji̧na̧'a̧, ja̧u̧cö̧mä̧ ki̧nö̧ Fines i̧tti̧'i̧nä̧ Eleazar, jahuätöcö'inä ki̧nä̧tö̧ Jesua i̧tti̧ Jazabad, Binúi i̧tti̧'i̧nä̧ Noadías jahuätömä Levita ji̧na̧'a̧. ³⁴ Ja̧u̧nö̧ pä̧nä̧ ttö̧a̧ti̧nö̧mä̧ jo̧mȩnö̧ iyähui'ina. ³⁵ Pä'äji cärenä pinätö̧ tti̧tti̧mö̧ 'cotö ppä̧'ä̧chi̧nä̧tö̧mä̧ ttiäre iyähuä köicu iyinätö̧ Israel ttö̧ja̧ Ttö̧ä̧nä̧hua̧ Diosrö, 12nö pä̧cä̧yö̧ u̧mä̧tö̧rö̧ i̧yi̧nä̧tö̧ Israel ötahuiyänä, 96nö carnero, ja̧hua̧ta̧'a̧nö̧ 77nö̧ cordero̧tö̧rö̧ ja̧hua̧ta̧'a̧nö̧ 12nö u̧mä̧tö̧rö̧ cabrio ja̧u̧mä̧ ttiäre iyähuä iyinätö̧ jäyä jȩtta̧'a̧yö̧ amöcuädö o'ca juiyönä ttöäre kö icu iyähuä iyinätö̧ Ttu̧ru̧hua̧rö̧. ³⁶ Ja̧'hua̧nö̧ ja̧'a̧ttö̧ iyinätö̧ ru̧hua̧ ä'ca jo̧mȩttö̧'i̧nä̧ ja̧hua̧ta̧'a̧nö̧ umöäyotö tta'ca jo̧mȩttö̧'i̧nä̧ ja̧hua̧ta̧'a̧nö̧ aje ya̧nȩ ruhuotö ka̧cuä̧tö̧'i̧nä̧ ppä'ädinä̧tö̧ ötahuiyänä'inä ja̧hua̧ta̧'a̧nö̧ Dios oju isodenä'inä.