¹ Ja̧'hua̧nö̧ ja̧'a̧ Esdraa Diosrö jä̧'ȩpä̧rö̧ ucuocuinö ajahuipö kä̧nö̧ jua'a ta'anö Tö̧ä̧nä̧hua̧ Dios ojusode ä'ca jä̧rä̧yö̧nö̧ pä̧mä̧ni̧nö̧ recuätö Israel ttö̧ja̧ Tö̧ä̧nä̧hua̧ Diosrö jä̧'ȩpä̧rä̧nä̧tö̧mä̧ ji̧nä̧ yo̧mȩtȩ ca̧ca̧cui̧pi̧nä̧tö̧, ö̧mä̧tö̧'i̧nä̧ nä̧tö̧'i̧nä̧ juatanö ppo̧'ä̧tö̧'i̧nä̧: Juatanö ttö̧ja̧mä̧ rö̧ä̧nä̧ ajabö huopinätö̧. ² Ja̧'hua̧nö̧ ja̧'a̧ Jehiel i̧tti̧ Seraniamä ädätinö, juata'anö Elam i̧tti̧mö̧rö̧'i̧nä̧ jua'ata'anö Esdrasrö pä'inö: "Ujutömä Suronä jȩpä̧tö̧jä̧ Tö̧ä̧nä̧hua̧ Dios ä'ca jo̧mȩttö̧mä̧ jua'ata'anö ȩmi̧nä̧tö̧jä̧ nä̧tö̧rö̧ koromä̧ttö̧ ttö̧ja̧ rȩjȩ i'chäcuähuotöttö; jua̧ta̧nö̧ pi̧yä̧tö̧mä̧ ji̧nä̧ ka̧'a̧ Israel ttö̧ja̧ ta̧cua̧ ttö̧ä̧nä̧ra̧ pä'ömä. ³ Jitämä ja̧'hua̧nö̧ ja̧'a̧ttö̧mä̧ ujötömä Tö̧ä̧nä̧hua̧ Dios esecuatöjä, ja̧'hua̧nö̧ ja̧'a̧ttö̧ ya'opicuatöjä nä̧tö̧rö̧mä̧ jua'ata'anö juätöttö uhuäpächinätörö'inä ja̧'hua̧ta̧'a̧nö̧, pa̧'a̧nö̧ jiähuönö Tö̧ä̧nä̧hua̧mä̧, ja̧'hua̧ta̧'a̧nö̧ ujutö Tö̧ä̧nä̧hua̧ Dios hueähuä yä'acuiyätö'inä, jua'ata'anö hueähuä huȩnȩ päöta'anö jȩpä̧tu̧cui̧. ⁴ Ä̧rä̧mi̧'i̧ jitämä ucu cuä̧rä̧mä̧ cuaditähuätä pä'ia, ja̧hua̧nö̧ ja̧'a̧ öjutömä ucucutä ttö̧jä̧cuo̧tö̧jä̧; juröhuächö ja̧'hua̧nö̧ ja̧'a̧ cuaditähuämä aditö kä̧hui̧. ⁵ Ja̧'hua̧nö̧ ja̧'a̧ Esdrasmä ä̧rä̧mi̧ö̧, pitö Diosttö'inä ttö̧ja̧ttö̧'i̧nä̧ kä'copäte adihuä ttö̧ja̧'i̧nä̧, jua'ata'anö Levita'inä ttöröhuotö pä'iönä käcueyätörö ttöröhuo ucuo iyö ku̧ni̧nö̧; jua'ata'anö o'ca toiönärö̧ Israel ttö̧ja̧rö̧'i̧nä̧, tä'cö pitö ttö̧ja̧rö̧mä̧ adinänö peina̧'a̧. Juata'anö juattömä a̧ jȩtä̧cuo̧tö̧jä̧ pä'inätö̧. Ja̧hua̧nö̧ ⁶ ja̧'a̧ttö̧ Esdras Tö̧ä̧nä̧hua̧ Dios ojusode ä'cattö ä̧rä̧mi̧'ö̧nö̧, Eliasib i̧tti̧ johanán ä'oca̧cö̧ 'chi̧nö̧. Jua'a chi̧nö̧ca̧mä̧ pan'inä cuocu pi̧nö̧, ajiya'inä ahuocö pinö, ichäcuphuotö suronä jȩttä̧'cha̧ttö̧ a̧cua̧'tta̧'ȩcuä̧'chi̧nö̧. ⁷ Ja̧'hua̧nö̧ ja̧'a̧ tti̧hȩnȩ huicuinätö̧ Judanä'inä juata'anö Israelnä'inä o'ca toinärö̧ ichäcuähuotö tti̧tti̧mö̧cö̧'i̧nä̧ ppa̧'a̧chi̧nä̧tö̧ ji̧na̧ yo̧mȩtȩ pättia pä'ö. ⁸ Ja̧'hua̧nö̧ ja̧'a̧ huäbodäcuä mo̧ro̧ ichätörömä, pitö ruhuotö ja̧'hua̧ta̧nö̧ tä̧mö̧'i̧nä̧ pättimötanö jȩpo̧co̧tö̧rö̧mä̧ i̧jo̧mä̧mä̧ o'ca juiyönä jiäcua, ja̧u̧mä̧ täcö ppörächiö i̧jä̧cua̧ ichäcuähuotöttö'inä. ⁹ Pa̧'a̧nö̧ ji̧na̧'a̧ yo̧mȩtȩ ka̧cui̧nä̧tö̧ o'ca toinä u̧mä̧tö̧ Juda umöäyotömä Jua'atanö Benjamin umöäyotömä Jerusalénnä huäbodäcuä mo̧ro̧ jo̧mȩnä̧ yaute ka̧hua̧ mo̧ro̧ Veintenä ja̧u̧ kä̧hua̧mä̧ koromö̧ttö̧ huäbodäcuä päiomenä ji̧na̧'a̧. ¹⁰ Ja̧'hua̧nö̧ ja̧'a̧ ä̧rä̧mi̧ö̧ Esdras Diosttö'inä ttö̧ja̧ttö̧'i̧nä̧ käco päteö adicuä i̧sa̧ ji̧na̧'a̧, pa̧'a̧nö̧ pä'inö: Ucututä söronä jȩta̧ttö̧mä̧ nä̧tö̧rö̧'i̧nä̧ i̧mi̧cu̧nä̧ ichäcuähuotörö ȩmi̧nä̧tö̧jä̧ Israel ja̧hua̧nö̧ huȩnȩ huotöjä. ¹¹ Jitämä ucuo teähuibusä Tö̧ä̧nä̧hua̧rö̧, o'ca toinä Tä'o Dios ja̧hua̧ta̧'a̧nö̧ jȩpä̧tu̧cui̧ cua̧mo̧nä̧tö̧cu̧, porächiätöcui rȩjȩ ttö̧ja̧ttö̧ ichäcuähuotöttö'inä. ¹² O'ca toinä ji̧nä̧ yo̧mȩtȩ tö̧jo̧mȩttä̧ adätinätö̧ tti̧huȩnȩ pä̧i̧cu̧nä̧: "ujutumä päcutanö jȩtä̧cuo̧tö̧jä̧. ¹³ Juata'anö ttö̧ja̧ recuätö ki̧nä̧tö̧ ju̧nu̧mä̧ a̧'ȩ pä̧nä̧ ji̧na̧'a̧. Ujutumä juiätöjä tujurömä ttö̧jä̧pu̧nä̧ i̧mi̧ tö̧ja̧cua̧ pä'ömä ja̧hua̧ta̧'a̧nö̧ pi̧yȩmä̧ yaute mo̧ro̧'i̧nä̧ todäre mo̧ro̧'i̧nä̧ adicuämä juiyäcua'a, täcö rö̧ä̧nä̧ huȩnȩ huotöjä suronä jȩti̧na̧'a̧ttö̧ pi̧yȩttö̧mä̧. ¹⁴ Jitämä ja̧'a̧tä̧ topi ujutu töröhuotörömä o'ca juiyönä ji̧nä̧ yo̧mȩtȩ i̧jȩcuä̧rö̧ tti̧jȩyo̧mȩttö̧'i̧nä̧. Ja̧'hua̧nö̧ a̧'a̧ ujutu tidepiyönä nä̧tö̧rö̧ kara'attö ichäcuähuotörö huȩnȩ juiyönä ttichäcuanö ötahuiyä tä̧mö̧ jȩpö̧ tu̧ju̧ni̧nö̧ kä̧cua̧nä̧ ja̧hua̧ta̧'a̧nö̧ tti̧huȩyu̧ti̧nö̧ ppädäcuähuä ttö̧ja̧'i̧nä̧ Tö̧ä̧nä̧hua̧ Dios amisurächiomebö ujututtö̧ 'quȩi̧pä̧chä̧cua̧nö̧. ¹⁵ Asael i̧tti̧ Jonatan ja̧hua̧ta̧'a̧nö̧ Jahazias, Ticvas i̧tti̧ pä'ähuinätö̧ pi̧yȩ ja̧hua̧ta̧'a̧nö̧ Mesulam,ja̧hua̧ta̧'a̧nö̧ Sabetai'inä, Levita'inä ppä'ädinätö̧. ¹⁶ Ja̧'hua̧nö̧ ja̧'a̧mä̧ ttö̧ja̧ yattopinä̧u̧ ppa̧'a̧chö̧ pä̧'ä̧nö̧ jȩpi̧nä̧tö̧. Esdras u̧mä̧tö̧rö̧ pojopö ku̧ni̧nö̧ ttö̧tä̧mö̧mi̧nä̧tö̧ ttöröhuotö'inä ja̧hua̧ta̧'a̧nö̧ ttö̧tä̧mi̧nä̧tö̧ ji̧na̧'a̧ ttojusodemä, o'ca toinä juätömä ttimi pö̧nä̧ ji̧na̧'a̧. ja̧'hua̧nö̧ ja̧'a̧ topinätö̧ jaömä acomenä'inä mo̧ro̧ koromöttöka̧hua̧ pä'ia. ¹⁷ Äcomenättö̧ ka̧hua̧ päia mo̧ro̧mä̧, juetö huo̧juȩchi̧nä̧tö̧ u̧mä̧tö̧ coromettö̧ ichäcuähuotörö nä̧tö̧rö̧ ttö̧ja̧cua̧mä̧. ¹⁸ Pitö ttö̧'cä̧tȩnä̧mä̧ Diosttö'inä ttö̧ja̧ttö̧'i̧nä̧ käco päteö adicuä ttö̧ja̧'i̧nä̧ ya̧cu̧nä̧ ji̧na̧'a̧ ka̧cui̧nä̧tö̧mä̧ nä̧tö̧rö̧ koromettö̧ ichäcuähuhotörö. Ja̧hua̧ta̧'a̧nö̧ Jesua ahuäruhuä 'cotöttö'inä, Josadac i̧tti̧ ja̧hua̧ta̧'a̧nö̧ ka̧cui̧nä̧tö̧ i̧ja̧hua̧tö̧ Maasías'inä, Eliezer'inä, Jarib'inä ja̧hua̧ta̧'a̧nö̧ Gedalías'inä. ¹⁹ Ja̧'hua̧nö̧ ja̧'a̧ tti̧mö̧ pättäjimä hueicuinätö̧ tti̧rȩcua̧tö̧rö̧ nä̧tö̧rö̧mä̧ täcö huȩnȩ huotötä ja̧'a̧ttö̧, ja̧u̧ huȩnȩ huotöjä pätta'attö ya̧tȩ i̧sa̧rö̧ iyinätö̧. ²⁰ ja̧'hua̧ta̧nö̧ imer i̧tti̧mä̧ttö̧: Hananí ja̧hua̧ta̧'a̧nö̧ Zebadi'inä. ²¹ Ja̧hua̧ta̧'a̧nö̧ Harim i̧tti̧mö̧ttö̧: Maasías, Elías, Semaías, Jehiel, ja̧hua̧ta̧'a̧nö̧ Uzai'inä. ²² Ja̧hua̧ta̧'a̧nö̧ Pasur i̧tti̧mö̧ttö̧: Elionei, Maasías, Ismael, Matanael, Jazabad ja̧hua̧ta̧'a̧nö̧ Elasa'inä. ²³ Ja̧hua̧ta̧'a̧nö̧ Levita i̧tti̧mö̧ttö̧: Jazabad, Simei, Kelaía, ja̧'hua̧nö̧ pä'ömä Kelita, Petaías, Judá, Ja̧hua̧ta̧'a̧nö̧ Eliezer. ²⁴ Ja̧hua̧ta̧'a̧nö̧ ra̧huä̧huä̧ ttö̧ja̧ttö̧mä̧: Eliasib'inä. Ja̧hua̧ta̧'a̧nö̧ apate tta̧huä̧rä̧cuä̧huä̧ ttö̧ja̧ttö̧mä̧: Salum'inä, Telem'inä Ja̧hua̧ta̧'a̧nö̧ Uri'inä. ²⁵ Ja̧hua̧ta̧'a̧nö̧ Israel ttö̧ja̧ttö̧ kcui̧pi̧nä̧tö̧ttö̧mä̧, Ja̧hua̧ta̧'a̧nö̧ Paros i̧tti̧mö̧ttö̧mä̧: Ramí'inä, Jezeías'inä, Malquías'inä, Eleazar'inä, Malquías Ja̧hua̧ta̧'a̧nö̧ Benaía'inä. ²⁶ Ja̧hua̧ta̧'a̧nö̧ Elam i̧tti̧mö̧ttö̧mä̧: Matanías'inä, Zacarías'inä, Jehiel'inä, Abdi'inä, Jeremot'inä Ja̧hua̧ta̧'a̧nö̧ Elías'inä. ²⁷ Ja̧hua̧ta̧'a̧nö̧ Zatu i̧tti̧mö̧ttö̧mä̧: Elioenai'inä, Eliasib'inä, Matanías'inä, Jeremot'inä, Zabad'inä, Ja̧hua̧ta̧'a̧nö̧ Aziza'inä. ²⁸ Ja̧hua̧ta̧'a̧nö̧ Bebai i̧tti̧mö̧ttö̧mä̧: Johanán'inä, Hananías, Zabai'inä Ja̧hua̧ta̧'a̧nö̧ Atlai'inä. ²⁹ Ja̧hua̧ta̧'a̧nö̧ Bani i̧tti̧mö̧ttö̧mä̧: Mesulam'inä, Maluc, Adaía, Jasub'inä, Ja̧hua̧ta̧'a̧nö̧ Seal Ramot'nä. ³⁰ Ja̧hua̧ta̧'a̧nö̧ Pahat Moab i̧tti̧mö̧ttö̧mä̧: Adna'inä, Quelal'inä, Benaía'inä, Maasías'inä, Matanías'inä, Bezalel'inä, Binúi, Ja̧hua̧ta̧'a̧nö̧ Manasés. ³¹ Ja̧hua̧ta̧'a̧nö̧ Harim i̧tti̧mö̧ttö̧mä̧: Eliezer'inä, Isías'inä, Malquías'inä, Semaías, Simeón, ³² Benjamín, Maluc, Ja̧hua̧ta̧'a̧nö̧ Semarías'inä. ³³ Hasum i̧tti̧mö̧ttö̧mä̧: Matenai'inä, Matata'inä, Zabad'inä, Elifelet, Jeremai'inä, Manasés Ja̧hua̧ta̧'a̧nö̧ Simei. ³⁴ Bani i̧tti̧mö̧ttö̧mä̧: Madai'inä, Amram'inä, Uel'inä, ³⁵ Benaía'inä, Bedías'inä, Quelúhi'inä, ³⁶ Venías'inä, Meremot'inä, Eliasib'inä, ³⁷ Metaías'inä, Matenai'inä, Ja̧hua̧ta̧'a̧nö̧ Jaasai'inä. Benúi i̧tti̧mö̧ttö̧mä̧: Simei'inä, ³⁸ Bani'inä, Binúi'inä, Simei'inä, ³⁹ Selemías'inä, Natán'inä, Abaías'inä, ⁴⁰ Macnadebai'inä, Sasai'inä, Sarai'inä. ⁴¹ Azareel'inä, Selemías'inä, ⁴² Salum'inä, Amarías, Ja̧hua̧ta̧'a̧nö̧ José'inä. ⁴³ Nebo i̧tti̧mö̧ttö̧mä̧: Jeiel'inä, Matatías'inä, Zabad'inä, Zabina'inä, Jadau'inä, Joel'inä, Ja̧hua̧ta̧'a̧nö̧ Beaía. ⁴⁴ Pitö o'ca toinä nä̧tö̧rö̧ koromettö̧ ichäcuäcuotöttömä ȩmi̧nä̧tö̧ ji̧na̧'a̧ Ja̧hua̧ta̧'a̧nö̧ jahuätöttö ku̧nä̧ri̧nä̧tö̧ tti̧mö̧rö̧.