¹ Ja̧u̧ Dios i̧huȩnȩ jiäcuähuä ttö̧ja̧sa̧ Eliseomä huopinödo Dios i̧huȩnȩ jiäcuähuä ttö̧ja̧ tti̧tti̧rö̧ ja̧hua̧ta̧'a̧nö̧ ja̧u̧ru̧ pä'inö: "Ti̧'cha̧ cuiärȩta̧ 'ctä̧huo̧po̧i̧, ja̧hua̧ta̧'a̧nö̧ ȩmo̧po̧ijó pi̧yu̧ i̧sa̧yu̧ ji̧'qui̧chä̧jä̧yu̧ a̧dȩja̧ a̧cuä̧yu̧ cu̧mu̧nä̧ ja̧hua̧ta̧'a̧nö̧ isode Tomot Galaad'ra̧'a̧. ² ucu cui̧rȩbȩhui̧o̧mȩnä̧, Jehurö cusaja Jodafat i̧tti̧rö̧, Ninisi'inä 'qui̧tti̧rö̧, ja̧hua̧ta̧'a̧nö̧ doächiipu'ca̧mä̧ ahuätuhuä ttö̧'cä̧tȩttö̧ ä̧rä̧mi̧ö̧nä̧ jȩ'cuä̧rö̧ja̧, ja̧hua̧ta̧'a̧nö̧ jueönä ocuipä̧rö̧ja̧ isode i̧so̧ca̧ jacuäcu. ³ Ja̧hua̧nö̧ jö̧ o'comenä a̧dȩja̧ a̧cuä̧yu̧ i̧sä̧yu̧ cuä̧mȩja̧ ȩmi̧pu̧'ca̧ a̧dȩja̧ i̧so̧yu̧nä̧ acuoya yäritö u huä̧mȩ tocuaröja, toäji'ca̧mä̧ päcuäja "pa̧'a̧nö̧ päöto Tu̧ru̧hua̧ Tö̧ä̧nä̧hua̧mä̧: Ttö ja̧'a̧ a̧dȩja̧ toäjimä Israel ttu̧ru̧hua̧ cu̧ja̧ pä'ö". Ja̧hua̧nö̧ jo̧mȩnä̧ apate barpu räopächö jȩpi̧; recuo nö̧ä̧chö̧ cu̧juo̧ca̧'a̧tä̧". ⁴ Ja̧hua̧nö̧ ja̧'a̧mä̧ ja̧u̧ mu̧ä̧ya̧mä̧, Dios i̧huȩnȩ jiäcuähuä ttö̧ja̧sa̧mä̧ 'chi̧nö̧do ROmot Galaad'ra'a. ⁵ Ji̧yȩnö̧ ja̧u̧ 'chä̧ji̧ca̧ i̧rȩbȩhuo̧mȩnä̧, curä ruhuä tturuhuotömä juȩnȩ u̧'ca̧ ttö̧'a̧tä̧ topinödo. A̧'a̧ ja̧u̧ mu̧ä̧ya̧ Dios i̧huȩnȩ jiäcuähuä i̧sa̧ pä'inö, "Ttömä ichäjisä ucuru huettäji i'cächö curä ruhuä tu̧ru̧hua̧. Ja̧u̧nu̧ o'comenä ädätö pä'inö: "¿Tidejä̧ttö̧ ujututtömä?" Ja̧u̧ mu̧ä̧ya̧ Dios i̧huȩnȩ jiäcuähuä ädätinö: ucuru curä ruhuä tu̧ru̧hua̧rö̧". ⁶ Ja̧hua̧nö̧ pä'a a̧ju̧cu̧ Jehumä ä̧rä̧mi̧ö̧ 'chä̧nö̧ isodera'a doächinödo. ja̧hua̧ta̧'nö̧ ja̧u̧ mu̧ä̧ya̧ Dios i̧huȩnȩ jiäcuähuä i̧sa̧ a̧dȩja̧ todinödo u ju'ttä toäji̧'ca̧ päínö Jehuru: Ja̧u̧ Tu̧ru̧hua̧ Tö̧ä̧nä̧hua̧mä̧, Israel ttö̧ja̧ Tö̧ä̧nä̧hua̧ DIos. ⁷ Acab ahuaruhuärömä hua'arenä pä̧tȩtö̧ cu̧nä̧huo̧tö̧, ucu Cu̧ru̧hua̧, ttö ja̧hua̧ta̧'a̧nö̧ jȩ'chä̧cua̧sä̧ ttö chumuhuäyotö ttöcuoja micuä päiönä, Dios i̧huȩnȩ jiäcuähuä ttö̧ja̧ Tu̧ru̧hua̧ Tö̧ä̧nä̧hua̧ umuhuäyotö o'catoinp ttucuoja micuä päiönä, Jesabel cumunä cuä'äu kicuina'attö̧. ⁸ Acab ahuaruhuä o'catoinä ya̧tȩ'i̧nä̧ o̧ji̧pu̧ juiyönä päiönä hua'arenä cuä'äu icutä siepu icuähuäcuotö. Ja̧hua̧ta̧'a̧nö̧ ttötä Acabrö'inä i̧tti̧mu̧ u̧mä̧tö̧ ppo̧'ä̧tö̧rö̧ 'cui'icuipu chi̧cuä̧cua̧sä̧, hueära'anä. Adicuä ttö̧ja̧rö̧'i̧nä̧ hueähuänä adicuä ttö̧ja̧ huocotörö'inä. ⁹ Ttömä Acab oju isodemä Joroboam oju isode ji̧na̧nö̧ jȩchi̧yä̧cua̧, Nabat i̧tti̧, ja̧hua̧ta̧'a̧nö̧ Baasa oju isode ji̧na̧'a̧nö̧, Ahhia i̧tti̧. ¹⁰ Recuätö ä̧hui̧ri̧tö̧mä̧ Jezreelra̧'a̧ttö̧ ttucuiacuotö Jezabelrö, ja̧hua̧ta̧'nö̧ ya̧tȩ'i̧nä̧ to̧ä̧cua̧ i'co jähuä ttötöra'a pä'ömä. "Ja̧hu̧a̧nö̧ jo̧mȩnä̧ Dios i̧huȩnȩ jiäcuähuä'i̧sa̧ apate baepäji̧'ca̧ räopachö jopinödo". ¹¹ Ja̧hua̧nö̧ ja̧'a̧mä̧ Jehumä u̧ru̧hua̧ u̧mu̧huä̧yo̧tö̧ttö i̧mi̧cu̧nä̧ kȩ'ȩcua̧chi̧nö̧do, ja̧hua̧nö̧ jo̧mȩnä̧ ya̧tȩ pä'inö ja̧u̧ru̧, "¿O'catoinä adinä ja̧'a̧? ¿Dä̧bu̧ pä'ö ichäjä̧ttö̧ pide ta̧hua̧ru̧hua̧ suripächöucumä?" Jehu jahuätörö ädätinö: "Ucutumä huo̧juä̧tö̧jä̧ ja̧u̧ uborömä kora koronö pä'chö'inä huo̧ju̧ä̧tö̧jä̧". ¹² Jahuätö pä'inätö̧do, "ja̧u̧ juäinä yaparetä ja̧'a̧. Jiähuitö". Jehu ädätinö: "Ja̧u̧mä̧ pä'äji, pi̧yȩ'i̧nä̧ pä'ö, ji̧yȩ'i̧nä̧ pä'ö, ja̧hua̧ta̧'a̧nä̧ ja̧u̧mä̧ pä'äji, pi̧yȩ ja̧'a̧ Tu̧ru̧hua̧ Tö̧ä̧nä̧hua̧ pä'ömä: Ttö ja̧'a̧ a̧dȩja̧ toäjimä Israel Ttu̧ru̧hua̧ cu̧ja̧ pä'ö". ¹³ Ja̧hua̧nö̧ ttöcuocua'a ä̧ju̧cu̧ jahuatö ya̧cu̧nä̧ ttöäretiyu jurunä ko̧sä̧u̧ icuinätö̧ huä̧mȩnä̧ ttö̧ca̧tä̧huä̧ti̧yu̧mä̧ ja̧hua̧ta̧'a̧nä̧ rötinätö̧ Jehu i̧dȩa̧'a̧ cä̧dö̧ 'chacuähuäcä huä̧mȩ'i̧nä̧. Jahuätömä ppuinätö̧do ättinö jöö otta rö̧ä̧nä̧ tä̧mi̧pu̧nä̧ ja̧hua̧ta̧'a̧nö̧ pä'inätödo, "Jehu ja̧'a̧ ru̧hua̧mä̧. ¹⁴ Pa̧'a̧nö̧ ji̧na̧'a̧do Jehurumä, Josafat i̧tti̧rö̧, Nimsi ki̧tti̧rö̧, Joramrö jarodäcuähuäi̧sa̧ pä'inö. Jitämä Joramä surojö 'cuäopiya pä'ö ppä̧dä̧rä̧cuä̧huä̧ i̧sa̧ ji̧na̧'a̧, Romot Galaadttö ja̧u̧'i̧nä̧ o'catoinä israel ötahuiyä ttö̧ja̧'i̧nä̧, Aram ru̧hua̧rö̧m Azael huȩnȩ juoönä cäbeä'ca'attö. ¹⁵ Ja̧hua̧nö̧ ja̧'a̧nä̧ ja̧u̧ ru̧hua̧ Joramä ppa̧'a̧chi̧nö̧do Jezreelra̧'a̧ ötta huahuächome jubö päiönä Arameo jȩtto̧mȩnä̧ toeinattö̧ Hazaelcu curä örohuähuinö ji̧na̧'a̧ töcönä päiönä, Aram ru̧hua̧cu̧. Jehu pä'inö Joram umuhuäyotörö: "a̧'a̧ päcuätucuttömä, ja̧hua̧ta̧'a̧nö̧ jö̧ttö̧mä̧ ya̧tȩ'i̧nä̧ dajahuächö töipachadä̧ ja̧'a̧tä̧ to'cuätucuo ja̧hua̧ta̧'a̧nö̧ ötahuiyä umicu rättopächiyönä, Jereelra̧'a̧ huȩnȩ jittähuiyäcua'anö ja̧u̧rö̧tä̧ huiyära'a". ¹⁶ Ja̧hua̧nö̧ jo̧mȩnä̧ Jehumä carucämä 'cha'achö huä̧mȩ pä̧mä̧dö̧ 'chi̧nö̧ Jezreelra̧'a̧ jubötä; a̧'a̧ Jorammä juȩnȩtä̧ icuä'pchö pinö ji̧na̧'a̧. Jitämä, Ocoziamä, Juda ru̧hua̧ pi̧nö̧, Joramrö̧ toa pä'ö ppa̧'a̧chi̧nö̧do. ¹⁷ Ja̧hua̧ta̧'a̧nö̧ ra̧hua̧pi̧jö̧ huȩnȩ jicuähuä ttö̧ja̧ Jereel ötahuiyänä ki̧nä̧tö̧do ju'tojunä cä̧nö̧ toäcuähuäcä huä̧mȩ kä̧nö̧ topinätö̧do tti̧dȩa̧cu̧, ja̧hua̧nö̧ ja̧'a̧ ja̧u̧mä̧ topinödo Jehu ahuaruhuä recuätörö otonänö tti̧cha̧'a̧ topu; ja̧u̧ päinödo: "Ttömä topusä recuätö u̧mä̧tö̧ imicuäyunä tti̧cha̧'a̧". Joramä pä'inödo, "ja̧ja̧ pidesä cahuäyunä huä̧nö̧ huo̧juä̧mä̧, jahuatörö iätecuä̧ja̧; jiähuirö jiähuäja: "¿Ucutumä huȩnȩ juiyönä ichätöjä? ¹⁸ Ja̧hua̧nö̧ ja̧'a̧ ya̧tȩ uborö cahuayunä huä̧nö̧ 'chä̧nö̧ huo̧jua̧rö̧ hueinö ja̧u̧ru̧ i̧ä̧tȩcua̧ja̧ pä'ö; ja̧u̧mä̧ pä'inödo: "Ja̧u̧ ru̧hua̧mä̧ pa̧'a̧nä̧ pä'öto: ¿Ucumä huȩnȩ juiyönä ichäjijä̧?" ja̧hua̧nö̧ jäepäcu Jehu ädätö pä'inö pa̧'a̧nö̧: "ucumä däje pä'ö huȩnȩ juiajä päcuächa'a jä̧ttö̧? kärächiö cahuayunä icha'achiö huä̧mä̧dö̧ choica̧'a̧nä̧ ichu". Ja̧hua̧nö̧ ja̧'a̧ huȩnȩ jiäcuähuä ttö̧ja̧ ru̧hua̧rö̧ pä'inätödo, " ja̧u̧ huȩnȩ jicuähuä ttö̧ja̧sa̧mä̧ jahuatörö po̧cui̧pu̧ päinätö̧, ja̧hua̧nö̧ ja̧'a̧nä̧ ja̧u̧mä̧ ppa̧huä̧chi̧yä̧cua̧. ¹⁹ Ja̧hua̧nö̧ ja̧'a̧mä̧ ja̧u̧ru̧ u̧mi̧cu̧ jurunänö hueinö cahuayunä huörömä, tide jä̧ttö̧ jahuätöcu ichäjimä, "ja̧u̧ ru̧hua̧mä̧ pi̧yȩ pä'öto: ¡ucutumä huȩnȩ juiyönä ichätöjä̧?" Jehu ädätinö: "¿Däje pä'ö ucumä huȩnȩ juiyö topärö päcuä'cha'a jä̧ttö̧? cärächiö cahuayunä huä̧mä̧dö̧ cho'ca'anä ichu". ²⁰ Pä'äjita'anö huȩnȩ 'cuäopö to̧ä̧rä̧cuä̧huä̧ ttö̧ja̧ jiähuinätö̧do̧: "Ja̧u̧mä̧ jahuätörö po̧cui̧pu̧, ja̧hua̧nö̧ ja̧'a̧nä̧ pa̧'a̧cho̧co̧tö̧. Ja̧hua̧ta̧'a̧nö̧ Jehu oicuä ttö̧ja̧sa̧ i'chöta'anö 'chö̧, Nimsi ki̧tti̧, a̧'a̧ ja̧u̧mä̧ dea ru̧hua̧ juȩpä̧rö̧ jȩtu̧pa̧ i'chä̧i̧na̧'a̧nö̧tä̧ 'chö̧". ²¹ Joramä pa̧'a̧nö̧ pä'inö: "Jo̧mȩnö̧ jȩpi̧jó chiäre caruquiyämä". Jahuätömä hueö ta'anö jo̧mȩnö̧ jȩpi̧nä̧tö̧ caruquiyämä, ja̧hua̧ta̧'a̧nö̧ Joram'inä, Israel ru̧hua̧'i̧nä̧, Ocozia'inä, Juda ru̧hua̧'i̧nä̧ ya̧cu̧nä̧ ttöäre caruquiyänä räopächö 'chi̧nä̧tö̧, Jehurö ttö̧o̧cui̧a̧ pä'ö. Jahuätömä tö̧o̧cui̧nä̧cu̧ Nabot i̧rȩjä̧nä̧ ja̧u̧mä̧ Jezreelita ttö̧ja̧sa̧ ji̧na̧'a̧do. ²² Ji̧yȩnö̧mä̧ Joramä topinö Jehurö. Topu pä'inö: "¿Ucumä huȩnȩ juiyönä ichäjijäti̧ Jehu? "ja̧hua̧nö̧ jäepäcumä ja̧u̧mä̧ ädätinö: "¿Däje huȩnȩ juiyömä, cui̧ä̧nä̧huo̧tö̧rö̧ cua̧'cua̧ huȩnä̧rö̧ suripächö cua̧ju̧ kumäriä'inä jȩ'cuä̧chä̧tu̧cua̧'a̧mä̧, Jezabelmä suripächacoju tä̧ji̧?". ²³ Ja̧hua̧nö̧ ji̧yä̧cu̧ Joramä öcaruquiyä cärädopoö tipächinödo ti'ipächö kä̧nö̧ pä'inö Ocoziarö: "Pomä ka̧'a̧ jarodö jaroiäcuähuä Ocozia pä'inö". ²⁴ Ja̧hua̧nö̧ ji̧yä̧cu̧ Jehumä uppopabu 'choö setädö ujuru o'cajuiyönä Joram upi'quiyu päteö 'poö icuinäcu̧; 'po̧a̧ri̧mä̧ ami iso'quinä ppuracuächönä 'cuäoinäcu̧, ja̧hua̧nö̧ jo̧mȩnä̧ ja̧u̧mä̧ iäre carucänä ma̧i̧nö̧. ²⁵ Ja̧hua̧nö̧ 'cuäopäji o'ca'a Jehumä Bidcarö pä'inö u̧ru̧hua̧ curä ru̧hua̧ tu̧ru̧hua̧rö̧, "caepu ȩmi̧pu̧ Nabot rȩjȩra̧'a̧ do'opu cuicuaröja ja̧u̧ Jezreel ttö̧ja̧rö̧mä̧. Ta̧á̧nö̧ cuamucuädäcua'ajä̧tö̧, ji̧yȩ ji̧nö̧ ttö'inä ucu'inö ti'chinö cahuayunä huänö isäbanö Acab o'ca'anä chi̧nä̧tö̧jä̧, ja̧u̧ jä'o, ja̧u̧ Tu̧ru̧hua̧ Tö̧ä̧nä̧hua̧mä̧, pi̧yȩ huȩnȩ ja̧u̧ru̧ 'cuäpä̧cuȩ iyö ä'canä jiähuinödo. ²⁶ Isopäiönä, ttömä topäjisä ni̧po̧ Naboth ucuojamä ja̧hua̧ta̧'a̧nö̧ i̧tti̧mu̧ ttucuoja'inä, Tu̧ru̧hua̧ Tö̧ä̧nä̧hua̧ jiähuinö ta̧'a̧nö̧tä̧, ja̧hua̧ta̧'a̧nö̧ ttö mippoönä chi̧yä̧cua̧ja̧ pi̧jä̧ rȩjȩ deiyu'inä, pä'ö Tu̧ru̧hua̧ Tö̧ä̧nä̧hua̧mä̧. Ja̧hua̧nö̧ ja̧'a̧ jitämä, ȩpi̧rö̧ ja̧huä̧jä̧ jacuä 'cuȩ'ȩpu̧ do'opu juȩnȩtä̧ cuicuaröjä, isopä'iönä Tu̧ru̧hua̧ Tö̧ä̧nä̧hua̧ i̧huȩnȩ ucuocu päinöta'a̧nö̧tä̧". ²⁷ Ji̧yȩnö̧ Jocazia ö̧ji̧nö̧ pä̧nä̧, ja̧u̧ Juda ru̧hua̧mä̧ pi̧yȩ 'cuäopa'a topinödo, ja̧u̧mä̧ ti'ipächinö huä̧mȩcu̧, mä̧nä̧ Bet Hagancu rä̧mä̧nä̧. Ja̧hua̧nö̧ ja̧'a̧nä̧ Jehu ruhuinäcu̧, pä'inö: "Cuä'ö icuirö ja̧u̧ru̧mä̧ öcaruquiyä'inä jȩpu̧ cuicuiyaröjä̧" ja̧hua̧ta̧'a̧nö̧ Gur 'cha̧huä̧chä̧cuä̧huo̧mȩttö̧ a̧'cua̧ra̧'a̧nä̧ idiyähuächiönä cuäcuäpu tticuinäcu̧do, ja̧hua̧'a̧mä̧ ka̧'a̧ Ibleam ppeyänä. Ocaziamä ti'ipächinö Mequidora̧'a̧ juorötä huaö icuinödo. ²⁸ U̧mu̧huäyotötä idepä i'co jähuämä ocarucänä rötätö o'cotö Jerusalera̧'a̧ tȩpi̧nä̧cu̧do ttörö ticuinäcu̧ jäo minp uhuapäre ttö'törinome David minä ötahuiyänä. ²⁹ Jitämä Joram tu̧mu̧ tomurenö ja̧'a̧nä̧ tö̧jä̧pö̧ttö̧ yo'chetönö a̧'ȩ päiomenä, Acab i̧tti̧ ji̧na̧'a̧ ja̧u̧nö̧ pä̧nä̧ Ocozia ruhuo hueö ö̧ja̧ päö ötädinö pänä Juda rȩjȩttö̧ ruhuo hueinömä. ³⁰ Ja̧u̧nö̧ ji̧na̧'a̧ Jehu Jezreelra̧'a̧ ichinö pänä, Jesabelmä pi̧yȩ ötö'cö ä̧ju̧cui̧nä̧ju̧do ja̧hua̧ta̧'a̧nö̧ jahuäju isajumä kiäriyä tuähuinäju̧do kuhuo'che'inä adicuinäju̧do päteönä u̧mi̧cu̧ toäcuähuatenä to̧pä̧ri̧nä̧ju̧. ³¹ Mä̧cuä̧ Jehu apatenä doächa'anä, juaju isaju pä'inäju̧ ja̧u̧ru̧ ¿ucumä huȩnȩ juiyönä ichöjä̧di̧, ucumä Zimri ji̧nö̧'a̧nö̧ huajädi̧, cu̧ru̧hua̧rö̧ cuä'ö icuocö pinö tä̧ji̧? ³² Jehumä ju'tojucu topu päteönä toäcuä huatenä topö pä'inö: "¿Dijä̧ttö̧ chippeyänä kö̧mä̧? ¿Dii? " ja̧hua̧nö̧ jäepomenä ta̧ju̧ huä̧mȩtu̧cuä̧ tti̧tti̧mu̧ totta pä'ö jȩpä̧cuä̧huo̧tö̧mä̧ u̧mi̧cu̧ topärö̧ ka̧cui̧nä̧tö̧do. ³³ Jehumä pä'inö pa̧'a̧nö̧ "Do̧'o̧pu̧ i̧cui̧ju̧ rȩjȩcu̧". Ja̧hua̧ta̧'a̧nö̧ doopu icuinätö̧ jezabelrö rȩjȩcu̧, ja̧hua̧ta̧'nö̧ yo̧mȩcu̧nä̧ isode räbänä 'cho'cheina'ado kucuojamä ca̧hua̧yu̧tu̧tö̧rö̧'i̧nä̧. ja̧hua̧nö̧ jȩpi̧nö̧ Jehumä i̧jä̧pu̧ dȩa̧'a̧ päiönä cä'ädö jihuopu icuinö. ³⁴ Ji̧yȩnö̧ pä̧nä̧ Jehu doächinödo ruhuo isodenä, doächäjica̧ au'inä, cuä̧nö̧'i̧nä̧ cuinödo. Ja̧hua̧nö̧ jo̧mȩnä̧ ja̧u̧ pä'inö: "Paju isaju suronä pä'ö icuähuajuru, ttörö icuätucuiju, röji ja̧'a̧cu̧ tochipomenä paju isajumä ru̧hua̧ ittiju ja̧'a̧". ³⁵ Jahuätömä o'cajähuämä 'törö icuäjinätödo ja̧hua̧nö̧ ja̧'a̧nä̧ jahuätömä kidepämä po̧cui̧po̧co̧tö̧ pi̧nä̧tö̧do jahuäju ku isodetä po̧cui̧nä̧tö̧ ji̧na̧'a̧, ki̧jä̧pi̧yä̧ ku̧mu̧ kihue'quiyutä pina'ado. ³⁶ Ppa̧'a̧chä̧ jo'cotö pa'anö jiähuinätödo, Jehurö ja̧u̧ pä'inö, "pi̧yȩtä̧ ja̧'a̧ Tu̧ru̧hua̧ Tö̧ä̧nä̧hua̧ chutä u̧mu̧huä̧ya̧ Eliasrö ucuocu jiähuinö ji̧nö̧mä̧ ja̧u̧ Tisbiterö pä'inö: Jezreel ra̧'a̧ttö̧mä̧ ttucuäcuotö Jezabel kidepämä. ³⁷ Ja̧hua̧ta̧'nö̧ Jezabel kidepämä tecu do'opu icuähuä ja̧'a̧nö̧ jä̧cua̧'a̧ Jezreel deiyuttömä ya̧tȩ'i̧nä̧ päiyäcua'anö: "Pajutä ja̧'a̧ Jezabelmä.