¹ Acabmä setentanö jo̧mȩnä̧ i̧tti̧mö̧rö̧ ku̧nä̧ri̧nö̧, jahuätömä Samaria rȩjȩnä̧ ka̧cui̧nä̧tö̧ Jehumä cuyäru isojä huȩyu̧tä̧ji̧'ca̧ hueinö Samaria'a̧ra̧. Jereelttö ruhuonä hueätörö'inä, tä̧mö̧ isotörö'inä, juhua'a jö̧ta̧'a̧nö̧ Acab ahuaruhuärö tta̧huä̧rä̧cuä̧huä̧ ttö̧ja̧rö̧'i̧nä̧ huȩyu̧cuo̧jä̧nä̧mä̧ pa̧'a̧nö̧ päina'a: ² Acab i̧tti̧mö̧mä̧ ucutucu ka̧cuä̧tö̧di̧, ucutumä ku̧nä̧rä̧tö̧jä̧fi̧ caruquiyä cuorä rohuäcuähuä ocä'inä, cahuayu̧tu̧ru̧'i̧nä̧, ötahuiyä 'quiyönä ttoecuiba'inä, taö rohuäcuähuä'inä juhua'a jö̧'a̧nö̧tä̧ jö̧nä̧ jeruhua'ara'atä pojä huȩyu̧cuo̧jä ucuturu rebehuomenämä. Acab i̧tti̧mö̧ttö̧ huo̧juȩcu̧nä̧ huotörö ȩmä̧tu̧cui̧ ji̧nä̧ isocu jueipotörö'inä. ³ Ja̧hua̧nö̧ ja̧'a̧ chutä jäo uruhuo dȩä̧cä̧nä̧ hueätucuirö ja̧hua̧nö̧ ja̧'a̧nä̧ cu̧ru̧hua̧tu̧cu̧ ahuaruhuärö curohuähuätucua pä'ömä jo̧mȩnö̧ ka̧cuä̧tu̧cui̧. ⁴ Jahuanö ja̧'a̧ jahuätömä suronä päijätö'cotö känömä jahuätötä pä'a huinätö: Topihuä Ruhuotö ta̧ju̧ huotöinä jehúramä jȩpo̧cu̧tö̧ pinätö. Ja̧huanö ja̧'a̧mä̧ ¿ ujutumä tta'anötä jȩtö̧'a̧nö̧ ja'a ja̧ttö̧ ja̧u̧cu̧ torohuähua päömä?" ⁵ Jahuanö ja'anä Ruhuo jahuä juȩȩpä̧rö̧ adicuä isainä, ötahuiyättö Ru̧hua̧inä, tämö isotö'inä i̧tti̧mö̧rö̧ tta̧huä̧rä̧cuä̧huä̧ ttöjainä, Jehúramä pi̧yȩ ucuocuäcuähuä hueinätö: "Ujutumä cumöhuäyotötä huotöjä, ja̧hua̧nö̧ ja̧'a̧ttö̧ ucutä huecu'umä ujutumä jȩtä̧cuo̧tö̧jä̧, ujututtu ya̧teinä Ru̧hua̧ jö̧nä̧mä̧ jȩti̧yä̧cuo̧tö̧jä̧ ucurutä adihuome päteö jȩpi̧." ⁶ Ja̧hua̧nö̧ ja̧'a̧ Jerúmä todäre pä'inä cuyarö isajä huȩyu̧tu̧ jahuätörö pä'nö: Isopäiönä huotumä ttöcutä cu̧jä̧tu̧cu̧ttu̧mä̧,chihueneinä cuä̧ju̧cuä̧tu̧cu̧ttamä̧, yo̧ä̧i̧ mo̧ro̧tä̧ ichätucui Jezreelra'a pi̧yrtä̧ horasmä, Acab i̧tti̧mö̧ ttupiyä i'cächö. Ru̧hua̧ i̧tti̧mö̧ u̧mä̧tö̧mä̧ Setentanö huotö jina'a, jahuätömä ötahuiyättö jueipötö jö̧nä̧ huotöcutä ka̧cui̧na̧tö̧ jahuätötä ttu'uttädinä̧u̧ ja̧'a̧ttö̧. ⁷ Jahuätörö hueyucuojä rȩbȩhuo̧mȩnä̧ jahuätömä Ruhua i̧tti̧mö̧rö̧ Setentanö huotörö 'chu'ädö cuä'äu icuinätö, jahuätö tupiyämä ru'tucänä enö hueinätö Jerúru Jezreelnä öjome. ⁸ Ya̧tȩ huȩä̧hua̧ rebehuipö jiähuinö Jerúru Ru̧hua̧ i̧tti̧mö̧ ttupiyä i'cächäjätö ja̧'a̧ pä'ö, Juhuanö ja'a Jerúmä hueinö todare jomenä 'catö ttöta pä'ö ötahuiyära'a doächäcuahuome juhuenetä ttötia pä'ö ko̧ro̧ mo̧ro̧jubö. ⁹ Jehúmä mo̧ro̧ päia'a räopö kä̧mädö̧ päinö o'catoi'önä ttö̧ja̧rö̧ <<¡ucutumä jerupätöjä! ¡ttätä päjisä chu̧ru̧hua̧rö̧ suromä amöcuädäjimä! ¡ttötä päjisä cuäö icuäjimä! ja̧hua̧nö̧ ja̧'a̧nä̧ ¿Di jä̧ttö̧ pitö o'catoinärö cuä'äu icuäjimä? ¹⁰ Cu̧huo̧juä̧tö̧cua̧ pä'ömä Tu̧ru̧hua̧ i̧huȩnȩmä̧ koromä juiya'a Acab ahuaruhuärö ucuocu päinömä rȩjȩra̧'a̧tä̧ mo̧ttä̧chä̧cuo̧tö̧ Acab ahuaruhuärö ucuocu pä'inö Tu̧ru̧hua̧mä̧ jȩpä̧ji̧ jȩa̧ pä'ö ucuocu u̧ju̧ni̧nö̧mä̧ u̧mö̧huä̧ya̧ Eliasrö. ¹¹ Ja̧hua̧nö̧ ja̧'a̧ Jehúmä cuä'äu icuinö o'catoinärö Acab ahuaruhuä Jereelnä ka̧cui̧pi̧nä̧tö̧rö̧mä̧, o'catoinä u̧mä̧tö̧ jueipotörö'inä töcönänö ahuaruhuärö'inä sacerdote huotörö'inä. Jahuatöttö ya̧tȩrö̧'i̧nä̧ a̧'cua̧rö̧rö̧rmä̧ ku̧ni̧po̧cö̧ pi̧nö̧. ¹³ Ja̧hua̧nö̧ ja̧'a̧ Jehúmä ä̧rä̧mi̧ö̧ 'chi̧nö̧ Samaria ttö̧ja̧cu̧ örohuähua pä'ö, ja̧hua̧nö̧ ja̧'a̧nä̧ ja̧u̧mä̧ rȩbȩhui̧nö̧ Bet Ekednä äjicuäcuähuotörö tta̧huä̧rä̧cuä̧huä̧ ttö̧ja̧ ttö̧ja̧cuo̧mȩ. ¹² Ja̧u̧mä̧ po̧cui̧pi̧nö̧ Judas ru̧hua̧ Ocaozias ahuaruhuärö jahuätörö jä'epinö: ¿Ucutumä titö jä̧ttö̧? pä'ö. Jahuätömä ttädätinäcu̧: "Ujutumä Ocozias ahuaruhuäjä pä'ö, ja̧hua̧nö̧ ja̧'a̧ttö̧ ichäjätöjä ru̧hua̧ i̧tti̧mö̧rö̧ tota pä'ö'inä, ruhuaju Jezabel ki̧tti̧mö̧rö̧'i̧nä̧ tota pö'ö. ¹⁴ Jehúmä umöhuäyotörö hueinö tta'cuara̧'a̧nä̧tä̧ 'chuttädattö pä'ö, ja̧hua̧nö̧tä̧ jö̧nä̧ tta̧cua̧ra̧'a̧nä̧ 'chuttpdinäu. Ja̧u̧nu̧ o'ca'amä cuä'äu tticuinäu̧ Bet Eked isouttö. Jahuätömä 42nö jo̧mȩnä̧ u̧mä̧tö̧ ji̧na̧'a̧ Jehúmä jahuätöttömä ya̧tȩrö̧'i̧nä̧ a̧'cua̧rö̧rö̧mä̧ ku̧ni̧po̧cö̧ pinö. ¹⁵ Juhuoröttö rä'opächö ichomenä, Jehúmä po̧cui̧pi̧nö̧ Recab ki̧tti̧ jonadab'rö chutä topö ichäcuru, Jehúmä ja̧u̧ru̧ teäunö jäepinö: "¿Ucu cuamiso'quittömä ttötäcu kö̧jä̧, ttö ucutäcu chö̧jö̧'a̧nö̧ jö̧nä̧?" Jonadabmä ädätinö: A̧'a̧ ja̧hua̧nö̧tä̧ hua̧sä̧, Jehúmä pä'inö: Ja̧hua̧nö̧ jö̧ttö̧mä̧ cumö 'cächi ja̧hua̧nö̧ päcu Jonadabmä umö iyinö. Ja̧hua̧nö̧ ja̧'a̧ Jehúmä carucänä ja̧u̧cu̧ 'cha'ächinö. ¹⁶ Jehúmä pä'inö ttöcu ichi tocu'a Chu̧ru̧hua̧nä̧ ä'cuoyähuäcuähuä chu̧ju̧nä̧rö̧. Ja̧hua̧nö̧ ja̧'a̧ttö̧ jonadabrömä öcarucänä ȩmi̧pi̧nä̧cu̧. ¹⁷ Samaria'a i̧rȩbȩhuo̧mȩnä̧, Jehúmä Acab ahuaruhuä Samarianä ka̧cui̧nä̧tö̧rö̧mä̧ o'catoinärö̧tä̧ cuä'äu icuinö. U̧ru̧hua̧ i̧huȩnȩ päö'anö, Elíasrö u̧huo̧jua̧ pä'ö iyinö ji̧nö̧mä̧. ¹⁸ Jehúmä ötahuiyä ttö̧ja̧cu̧ ji̧nä̧ yo̧mȩtȩ ca̧ca̧cui̧pö̧ ucuocu jahuätörö päinö: Acabmä Baalrö a̧u̧cu̧nä̧tä̧ a̧cua̧ huȩnä̧ri̧nö̧, ja̧hua̧nö̧ ja̧'a̧nä̧ Jehúmä rö̧ä̧nä̧ a̧'cua̧ u̧huä̧nä̧rä̧cua̧. ¹⁹ Jitämä Baalttä huähuotö o'catoinärö̧ ttörö i'cächätucui, o'catoi'önä ja̧u̧ru̧ esetätörö'inä, o'catoi'önä sacerdotes huotörö'inä ya̧tȩrö̧'i̧nä̧ cuicuipätucuä uminä ö̧ji̧pa̧'a̧nä̧mä̧. Tta̧'a̧nä̧ pä'ö Baalrö ku icu iyähuä chiya pä'ö ku̧nä̧rö̧sä̧ ttömä. O'catoiönättö̧ ichocömä huaö i̧cuä̧cua̧ ja̧hua̧nö̧ ja̧'a̧ Jehúmä isopäi'önämä päocö pinö, ja̧hua̧nö̧ jo̧ca̧'a̧ Baalrö esetätörö siepö icua pä'ö amöcuädö pä'inö. ²⁰ Ja̧u̧nu̧ o'ca'a Jehúmä pi̧yȩ hueinö: " ucuocuätucui Baalrö ucuotönö" ja̧hua̧nö̧ ja̧'a̧ttö̧ jahuätömä jiähuinätö̧. ²¹ Ja̧hua̧nö̧ ja̧'a̧ Jehúmä hueinö o'catoinämä Israel ttä̧ja̧nä̧tä̧ ja̧'a̧ttö̧, ja̧hua̧nö̧ ja̧'a̧ttö̧ Baalrö esetätömä o'catoi'önä 'chi̧nä̧tö̧. ubomä ya̧tȩ'i̧nä̧ ichoca'a jö̧nä̧mä̧ ki̧'i̧po̧cö̧ pi̧nö̧. Jahuätömä Baalrö ucuotö ucuocuäcuähuodera'a doächinätö̧. Röjinämä rö̧ä̧nä̧ suhuädi'ina'a kara'anä'inä kara'anä'inä jö̧nä̧. ²² Jehúmä hueinö sacerdote huotö ttö̧'ca̧tä̧huä̧ti̧yu̧ tta̧huä̧rä̧cuä̧huä̧ i̧sa̧ uborö. O'catoi'önä Baalrö ucuotönö jȩpä̧tö̧ ttö̧'ca̧tä̧ti̧yu̧mä̧ räepi-pä'ö, ja̧hua̧nö̧ ja̧'a̧ttö̧ ja̧u̧ ubomä jahuätö ttö̧'ca̧tä̧huä̧ti̧yu̧mä̧ räepinö. ²³ Ja̧hua̧nö̧ ja̧'a̧ Jehúmä Recab ki̧tti̧ Jonadabcu doächinätö̧ Baalrö ucuotö jȩpä̧tö̧rö̧: "jueönätä pä'ätucui ucutu cu̧'quȩtȩtu̧cu̧nä̧mä̧ ya̧tȩ'i̧nä̧ toa'a Tu̧ru̧hua̧ u̧mö̧huä̧ya̧mä̧ ja̧hua̧nö̧ jo̧ca̧'a̧ Baalrö ucuotötä ja'a̧". ²⁴ Ja̧hua̧nö̧ ja̧'a̧ jahuätömä doächinätö̧ ku icu iyähuä ttiya pä'ö. Jitä adiunänö jö̧nä̧ Jehúmä ȩmö̧ ku̧nä̧ji̧ ji̧na̧'a̧ 80nä jo̧mȩnä̧ u̧mä̧tö̧ su̧do̧da̧u̧ru̧ jahuätömä doächäcuähuome u̧mi̧tä̧ ka̧cui̧nä̧tö̧, ja̧u̧mä̧ pä'inö: u̧mä̧tö̧ttö̧ ya̧tȩ cu̧mu̧tu̧cu̧nä̧ chi̧yä̧u̧ttö̧ toipächöttömä. Ya̧tȩ to'ipächa'anä ja̧'a̧tä̧ topäjimä chutä a̧'cua̧rö̧tä̧ i̧mi̧tä̧hua̧cua̧, töipächäji a̧'cua̧ö̧ micuä päiönämä. ²⁵ Ku icu iyähuä jä̧ji̧ beichomenä Jehú hueinö tta̧huä̧rä̧cuä̧huä̧ ttö̧ja̧rö̧'i̧nä̧, ji̧nä̧ isocu ruhuotörö'inp: "Doächö cuä'äu cuätucuitö, ya̧tȩ'i̧nä̧ toipächö". Ja̧hua̧nö̧ ja̧'a̧ curodänä cuä'äu icu u̧mi̧cu̧ do'opö tticuinäu̧ ja̧u̧nu̧ o'ca'amä tta̧huä̧rä̧cuä̧huä̧ ttö̧ja̧'i̧nä̧, ji̧nä̧ isocu ruhuotö'inä doächinötö̧ Baalrö ucuotö jȩä̧cuä̧huode jacuä i̧si̧ca̧ra̧'a̧. ²⁶ Jahuätömä Baal ojusodenä ko'qui ido'qui ro̧'o̧quimä ȩmi̧nä̧tö̧, ja̧hua̧nö̧ ja̧'a̧ juhuo'quimä ku'u icuinätö̧. ²⁷ Juhua yabocumä ido'qui ro̧'o̧'quimä cuäö icuinätö̧ Baalrö ucuotö jȩcuä̧ huode'inä jȩpö̧ icuinätö̧ ju̧huȩnȩ ji̧no̧mȩmä̧ ttute rejutä ju'epinätö̧. Ju̧huȩnȩmä̧ ja̧hua̧nö̧tä̧ jö̧nä̧ ki̧'i̧pi̧no̧mȩ jitä mo̧ro̧ jubö päiönä. ²⁸ Jehúmä ja̧hua̧nö̧tä̧ jö̧nä̧ jȩpö̧ icuinö Baalrömä ja̧hua̧nö̧ ja̧'a̧ttö̧ Israel ttö̧ja̧ ttucuotäijömä ȩmö̧ icuinö. ²⁹ ja̧hua̧nö̧ ja̧'a̧nä̧ Jehúmä Nabat i̧tti̧ Jeroboam suronä jȩi̧nö̧mä̧ icuipicö pinö, ja̧u̧mä̧ jȩpi̧nö̧ ji̧na̧'a̧ israel ttö̧ja̧ suronä jȩttö̧nä̧ päcäyä a̧'cua̧juä̧ tätähuä'ca ucuotö jȩttö̧nä̧ Betelttö̧'i̧nä̧, Danttö'inä. ³⁰ U̧ru̧hua̧mä̧ Jehúrö pä'inö: "Jȩcu̧'ä̧ji̧mä̧ adihua'a, ja̧u̧ jȩcu̧'ä̧ji̧mä̧ juea'attö chu̧ju̧ni̧nö̧ ji̧nö̧ jȩcu̧'a̧ttö̧. Ucu cuahuaruhuärö jȩcha̧ pä'ö amöcuädö chu̧ju̧ni̧nö̧ ji̧nö̧ jȩcu̧'a̧'a̧ttö̧. Ucu cuahuaruhuä 'cotömä Israel ttö̧ja̧ttö̧ ruhuodȩä̧cä̧nä̧ ttö̧ä̧mä̧dä̧cuo̧tö̧ pa̧ja̧nö̧ huotö jo̧mȩnä̧". ³¹ Ja̧hu̧nö̧ ja̧'a̧nä̧ Jehúmä amiso'quittömä o'cajuiyönämä jȩpo̧cö̧ pi̧nö̧, Israel ttja̧ Ttu̧ru̧hua̧ Tö̧ä̧nä̧hua̧ Dios i̧huȩnȩ päö'anömä. Ja̧u̧mä̧ ppa̧'a̧cho̧cö̧ pi̧nö̧ Jeoboam jȩi̧nö̧'a̧nö̧ jö̧nä̧mä̧ Israel ttö̧ja̧ suronä jȩtta̧ pä'ö jȩi̧nö̧ ji̧nö̧nä̧mä̧. ³² Ji̧yȩnö̧ pä̧nä̧mä̧ Tu̧ru̧hua̧ amöcuädinö Israel ttö̧ja̧ tti̧rȩjä̧mä̧ hui̧ä̧dö̧ icua pä'ö, ja̧hua̧nö̧ ja̧'a̧ttö̧ Jazaelmä ju̧huä̧jȩ rȩjȩttö̧ ko̧ro̧jä̧ rȩjȩcu̧ doähuomettömä Israel ttö̧ja̧rö̧mä̧ rohuäu icuinö. ³³ Jordan ajettö kä̧mä̧dö̧ kä̧hua̧ räopa'acu päteö o'cajuiyönä Galaad deiyunä ka̧cui̧nä̧tö̧mä̧ pitö ttahuaruhuä ji̧na̧'a̧ Gad'inä, Ruben'inä, Manasés'inä juhua'a jö̧ta̧'a̧nö̧ Aroer ötahuiyättö kä̧mä̧dö̧ Arnón aje isoucu ji̧nä̧ yo̧mȩtȩ jö̧nä̧ Galaadcu, Basáncu deiyu jubötä ji̧na̧'a̧. ³⁴ Jehú hueinö pä̧nä̧ 'cuäopinö ötö'cö, o'cajuiyönä jȩi̧nö̧'i̧nä̧ ujuru ji̧nö̧'i̧nä̧ Israel ttö̧ja̧ttä̧ ruhuotö pinätö̧ jȩttö̧ a̧u̧cuä̧ huȩyu̧cuä̧ cuyäru'tänä huȩu̧=yu̧cui̧'i̧na̧tä̧ ka̧'a̧. ³⁵ Jehúmä huaö icuinö ja̧do̧tö̧mi̧nä̧ ttö̧ji̧no̧mȩttö̧ ja̧hua̧nö̧ ja̧'a̧ttö̧ 'turu tticuinäcu̧ Samaria rȩjȩnä̧, ja̧u̧ o'canämä chutä i̧tti̧ Joazaztä ru̧hua̧ pä'i'inö. ³⁶ Jehúmä hueinö Samaria rȩjȩttö̧ Israel ttö̧ja̧rö̧mä̧ veinti y ocho du'o jo̧mȩnä̧.