¹ Ja̧u̧ huȩyu̧tu̧ hueäji ru̧hua̧ Ezequias ä̧ju̧cuo̧mȩnä̧ pa'anö 'cuäopina'a, ja̧u̧mä̧ ö̧'ca̧tä̧huä̧tä̧ Sȩro̧cu̧ icuinö, isata säcuyuttö adicuätata juä'ocui'ipö Dios ojusodera'a 'chi̧nö̧. ² Ja̧u̧mä̧ hueinö u̧mö̧huä̧ya̧ juȩ'i̧pa̧ Eliaquimrö'inä, huȩyu̧cuä̧'i̧sa̧ Sebnarö'inä, Dios ö̧jo̧denä adicuä tämö jö̧nä̧ huotättö'inä, i̧sä̧ti̧yu̧ säcuyuttö adicuä o̧ta̧ juä'ocuipö, tottaja pä'ö Dios i̧huȩnȩ icuä̧huä̧'i̧sa̧ Isaiasrö, Amoz i̧tti̧rö̧. ³ Jittähuäja pä'ö: Pa̧'a̧nö̧ pä'äji Ezequiasmä pä'ö: Jitä pi̧yȩ mo̧ro̧mä̧ tta̧cua̧ ttahuepömo̧ro̧ ja̧'a̧, suronä pähuä'inä mo̧ro̧ ja̧'a̧ pä'ö. Suronä pähuä'inä mo̧ro̧ ja̧'a̧ pä'ö. Diosrö suronä ucuocuäcuähuä'inä mo̧ro̧ ja̧'a̧. tti̧tti̧mö̧ ttuhuäpächäcuome tö'cö ja̧'a̧ttö̧, ja̧hua̧nö̧ ja̧'a̧nä̧ ki̧tti̧rö̧ kuhuäbecuäcuajumä kujuru juiya'a. ⁴ Pide cuoräruhuä Ttu̧ru̧hua̧ juȩ'i̧pa̧ i̧huȩnȩ o'cajuiyönä ä̧ju̧cuä̧rö̧ huä̧mä̧ ucu Cu̧ru̧hua̧ Diostä ja̧'a̧, Asiria ttö̧ja̧ Ttu̧ru̧hua̧'i̧nä̧ ja̧'a̧nä̧ ucu'inä Cu̧ru̧hua̧ ja̧u̧ru̧tä̧ pätetö huea ja̧'a̧ttö̧ ku̧ Diosrö suronä pä'cha pä'ömä. Juhua jö̧ ta̧'a̧nö̧ suronä ucuocuächa pä'ö'inä, ja̧u̧ juäimä tä'cö ä̧ju̧cuä̧ji̧ ucu Cu̧ru̧hua̧ Diosmä jitämä Diosrötä jäepi ki̧'i̧ pä̧jä̧tö̧ ttö̧ji̧pi̧ya̧cu̧ pä'ötä. ⁵ Ru̧hua̧ Esequias u̧mö̧huä̧yotö pä̧ja̧tömä täcö Isaias ö̧jo̧mȩ ichi'inätö̧. ⁶ Ja̧hua̧nö̧ ja̧'a̧ isaias pä'inä̧u̧: pa'anötä̧ päcuhuätucuaja Cu̧ru̧hua̧tu̧cu̧ru̧mä̧: pa̧'a̧nö̧tä̧ pä'äji Diosmä: Yecuecuä ttucuocua'a cuä̧ju̧cuä̧ji̧mä̧, Asiria ttö̧ja̧ ttu̧ru̧hua̧ ömuhuäyotö ttörö suronä pä'ächö ttucuocuäjimä. ⁷ Poröttömä ja̧u̧nä̧tä̧ ya̧tȩ a̧cua̧ru̧hua̧rö̧ huedäcua̧sä̧, yapare huene'inä ä̧ju̧cuä̧cua̧ ja̧hua̧nö̧ a̧ju̧cu̧ i̧rȩjä̧ra̧'a̧tä̧ ppa̧huä̧chä̧cua̧; juhua'a jö̧ ta̧'a̧nö̧ i̧rȩjä̧ttö̧mä̧ curodänätä̧ toe'a pä'ö jȩchä̧'cua̧sä̧. ⁸ Rabsaces ppahuächomenämä, Asiria ru̧hua̧ päjirömä Libnacu rohuähuö ö̧ja̧'a̧tä̧ topinö. Laquisttömä tä'cö i̧hu̧'ä̧ji̧ pätta'a ä̧ju̧cua̧ja̧'a̧ttö̧. ⁹ Ja̧hua̧nö̧ ja̧'a̧nä̧'i̧nä̧ ppätta'a ä̧ju̧cui̧nö̧ Etiopia ru̧hua̧ Tirhacamä ja̧u̧cu̧tä̧ cuörä örohuähua pä'ö rä'opächäji, ja̧hua̧nö̧ ja̧'a̧ ja̧u̧mä̧ ppa'achäji, ja̧hua̧nö̧ ja̧'a̧nä̧ ja̧u̧mä̧ ppa̧'a̧chä̧chi̧nö̧, ja̧hua̧nö̧ ja̧'a̧nä̧ ru̧hua̧ hue'ähuotörötä hueinö Ezequiasrö tottaja pä'ö. pa̧'a̧nö̧. ¹⁰ Ezequias Juda rȩjȩ ru̧hua̧rö̧mä̧ pa'anö päcu'huätucuaja: Cu̧ru̧hua̧ cuesetäcu Dios yapare pächa'anämä ja̧'a̧tä̧mä̧ tocu'ä: Jerusalenmä Asiria rȩjȩ ru̧hua̧ umönämä iyö icuähuiyäcua'a pä'ömä. ¹¹ Pi̧nȩtä̧ ka̧'a̧ o'cajuiyönä ucu cuä̧ju̧cuä̧'i̧jö̧mä̧ Asiria rȩjȩ ruhuotö o'cajuiyönä rȩjȩ o̧du̧nä̧ttö̧ jȩttä̧'chä̧'i̧jö̧mä̧; ja̧hua̧nö̧ ja̧'a̧mä̧ ¿ucumä cu̧jui̧pä̧cua̧jä̧ tä̧ji̧? ¹² ¿Ppa̧'a̧di̧nä̧tö̧ tä̧ji̧ jahuätö ttö̧ä̧nä̧hua̧tö̧ diostömä chä'o̧tö̧ jȩpö̧ tti̧cui̧nä̧u̧ ttö̧jo̧cu̧ o̧du̧nä̧ttö̧mä̧. pi̧yȩ ja̧'a̧ ja̧u̧mä̧: Gazan'inä, Haran'inä, Resefinä, Eden i̧tti̧mö̧ Telasarnä ka̧cui̧nä̧tö̧'i̧nä̧? ¹³ ¿Tȩnȩ ö̧jä̧ttö̧ Hamat ruhuä'inä, Arfad ruhuä'inä, Sefarvaim ötahuiyä ru̧hua̧'i̧nä̧, Hena ru̧hua̧'i̧nä̧ Iva ru̧hua̧'i̧nä̧? ¹⁴ Ja̧hua̧nö̧ ja̧'a̧ Ezequiasmä pi̧yȩ huȩyu̧tu̧ hue'ähuä ru̧hua̧ hue'ähuotö tti'cächöäjimä ȩmo̧po̧'ö̧ huȩyu̧cua̧'a̧ topö ucuocuinö ja̧u̧nu̧ o'comenä Ö̧ä̧nä̧hua̧ ojusodera'a 'chi̧nö̧ ja̧hua̧nö̧ ja̧'a̧ huȩyu̧cuo̧jä Ö̧ä̧nä̧hua̧ ä'ca jo̧mȩ te'ädinö. ¹⁵ Ja̧u̧nu̧ o'comenä Ezequias Ö̧ä̧nä̧hua̧ a'cajo̧mȩttö̧ jäepö pä'inö: Cuorä ruhuä ttu̧ru̧hua̧ Israel Ö̧ä̧nä̧hua̧ Dios querubin'inä u̧huä̧mȩnä̧ kö̧jä̧, ucutä ja̧'a̧ Diosmä pi̧jä̧ttö̧ ruhuonä huettomettö'inä abonänö hue'ähuä i̧sa̧mä̧, ucutä ja̧'a̧ mo̧ro̧jä̧ji̧yä̧'i̧nä̧ rȩjȩ'inä aditinömä. ¹⁶ Ä̧ji̧cui̧ttö̧ Chu̧ru̧hua̧, Chu̧ru̧hua̧ topittö, juhua'a jö̧ ta̧'a̧nö̧ Senaqurib i̧huȩnȩ'i̧nä̧ ä̧ju̧cui̧. Ja̧u̧tä̧ kö̧ Diosrö ya̧'a̧huä̧'chö̧ hueäji ja̧'a̧ttö̧. ¹⁷ Iso päiönätä̧, Chuȩru̧hua̧, Asiria rȩjȩcu̧ huotötä ja̧'a̧ ttö̧jö̧cu̧ o̧du̧nä̧'i̧nä̧, tti̧rȩji̧yä̧'i̧nä̧ jȩpö̧ icuinätömä. ¹⁸ Jahuätömä jitö ttö̧ä̧nä̧hua̧tö̧ diostörö'inä ocuränä'inä kuhuä'chö icuinätö̧, iso päiönä diostömäcö ji̧na̧'a̧, ja̧hua̧nö̧ jo̧ca̧'a̧ dauhuiyättö'inä inähuiyättö'inä ttö̧ja̧'i̧sa̧tä̧ aditinö ji̧na̧'a̧ ja̧u̧mä̧. ¹⁹ Ujutu Tö̧ä̧nä̧hua̧ Diosmä jitämä tö̧ji̧pö̧nä̧ ppä'äditö, ucuru pä'äditö, ucuru jä'epösä, pi̧yȩ ujuruttömä, rȩjȩttö̧ o'cajuiyönä ruhuonä huettö o̧du̧nä̧ttö̧ ucurutä ttu̧huo̧jua̧ pä'ö Tö̧ä̧nä̧hua̧mä̧ ucutä ja̧'a̧, ya̧tȩtä̧ Tu̧ru̧hua̧ Diosmä. ²⁰ Ja̧u̧nu̧ o'camenä Isaias Amoz i̧tti̧ Ezequiasrö i̧huȩnȩ hue'ö pä'inö: Pa̧'a̧nö̧ pä'ö Chu̧ru̧hua̧mä̧, Israel Ö̧ä̧nä̧hua̧ Diosmä: Senequen Asiria ru̧hua̧ jähuämä däje pä'ö jäcuepäjättö ttörömä, ucu jäcuepömä ä̧ju̧cuä̧ji̧sä. ²¹ Pi̧yȩtä̧ ja̧'a̧ Dios ucuocujimä ja̧u̧ ötö'cönä: Sion ittiju uborö jeruoajumä ucuru esehuocoju, juhua'a jö̧ ta̧'a̧nö̧ eseäcuähuä juiyönätä ya̧'a̧huä̧chä̧ju̧. Jerusalen ittiju'inä ucu cuoca'a ja̧'a̧nä̧ttö̧ cusäyu ri'äu icuäju. ²² ¿Dirö jä̧ttö̧ suronä pä'ächö ya̧cu̧huä̧huä̧cha̧'a̧mä̧ juhua'a jö̧ta̧'a̧nö̧ suronä pä'ä'chö curähuärä̧'cha̧'a̧mä̧? ¿Cua̧mo̧nä̧ ucuo te'äu cu'äriyänä cu̧rä̧huä̧rä̧cha̧'a̧mä̧, cui̧huȩnȩnä̧'i̧nä̧ pä̧i̧cu̧nä̧ huocu'ä'cha'amä, dirö to'ojicu päcuhua'cha'a jä̧ttö̧? ¡to'ojicu pä'ächäjijä surojö jui̧'a̧ Israe ttö̧ja̧Ttö̧ä̧nä̧hua̧rö̧. ²³ Cumöhuäyotö hue'ähuotönä suronä pä'ächö ya̧'a̧huä̧chä̧ji̧jä̧ Cu̧ru̧hua̧rö̧mä̧, tuha'a jö̧ ta̧'a̧nö̧ pä'ächäjijä: chucaru'quiyänätä̧ cha'achinösä möä'quiyu juttämä, Libanottö chähuächäcuähuocome jä̧'i̧jo̧mȩ 'i̧nä̧ 'chi̧nö̧sä̧. Ttömä ku̧'ä̧u̧ chi̧cuä̧cua̧sä̧ Cedro dauhuiyättö ju'toju jö̧'i̧nä̧, juoröttö Cipres dahuiyä'inä dodächäcua̧sä̧, i̧rȩjä̧ a̧di̧huä̧jä̧ cuähuä ppöruhuä̧jä̧nä̧'i̧nä̧. ²⁴ Ttömä ajiya reju'inä sa'inösä, ko̧ro̧jä̧ ttö̧ja̧ ttahuoya ajiyattö'inä ahuinösä, Egipto ajehuiyä'inä o'ca juiyönätä̧ jo'ädö icuinösä chö̧jä̧pi̧yä̧ dea'a isäyanätä̧. ²⁵ ¿Ä̧ji̧co̧cö̧ pä'ijö̧jä̧ ttö tabocutä jo̧mȩnö̧ jȩpö̧ chu̧ju̧ni̧na̧'a̧mä̧, pä'äji ki̧nä̧tö̧rö̧ ppädädina'a'inä? jitämä jȩpä̧ji̧sä̧ ucu cui'cha pä'ö, pȩnȩ kö̧jä̧ ucumä 'quiyönä adicua ötahuiyä be'epäjipö cuicua pä'ötä. ²⁶ Ötahuiyänä kä̧tö̧rö̧'i̧nä̧ ttöjuru a̧u̧cu̧nä̧tä̧ ku̧nä̧rä̧tö̧rö̧'i̧nä̧, jȩpö̧ icuahuotörö'inä dä'ärjäuru'inä. Jahuätötä ja̧'a̧ de'anä ka̧cu̧ dauhuiyämä, isäcua ja̧ttu̧huä̧cua̧'i̧nä̧ isode huä̧mȩnä̧'i̧nä̧ dea'anä'inä ka̧cu̧mä̧, ruhuipiyönätä̧ ku'u icuähuinäcuamä. ²⁷ Ja̧hua̧nö̧ ja̧'a̧nä̧ ucu cu̧'o̧mȩ'i̧nä̧, ucu räcuopome'inä, ucu docuhuächome'inä juhua'a jö̧ta̧'a̧nö̧ ttörö to'ojicu pä'ächö cu̧ra̧huä̧rä̧chö̧'i̧nä̧ huo̧juä̧sä̧ ttömä. ²⁸ Ttörö to'ojicu pä'ächö cu̧ra̧huä̧rö̧nä̧tä̧, ttötä ja̧'a̧ korotöttö'inä abonänö adihuä'i̧sa̧mä̧ päcuhuächötä rȩbȩhua̧ ja̧'a̧ttö̧ chä̧ju̧cu̧nä̧mä̧, tttömä chajua'che i̧sä̧ri̧ cui̧ji̧yu̧nä̧ äcuädö du̧ju̧nä̧cua̧sä̧, juhua'a jö̧ ta̧'a̧nö̧ chöäre 'quiyönä chuähuädö juäi cuänä chö̧nä̧cua̧sä̧; cui̧'chä̧mä̧ mä̧nä̧nä̧tä̧ ppa̧cu̧huä̧chö̧nä̧ jȩchä̧cua̧sä̧ ucurumä. ²⁹ Pi̧yȩtä̧ ja̧'a̧ ucuru i̧jȩcuä̧mä̧: Pi̧yȩ du'onämä de'attö bautä cu̧cua̧cua̧jä̧, todare du'o pä'iomenä ja̧u̧ttö̧ bahuipätä cu̧cuä̧cua̧jä̧, ja̧hua̧nö̧ ja̧'a̧nä̧ huabodäcuä du'o päiomenä ucumä cu̧ju̧nä̧ji̧ttö̧tä̧ 'tocuhuä̧cua̧jä̧ uva pättä'inä ku̧nu̧ ja̧u̧ huä̧ju̧ttu̧tä cu̧cuä̧cua̧jä̧. ³⁰ Juda ojusodenä ki̧'i̧pi̧nä̧tö̧tä̧ ja̧'a̧ttö̧ jipäcuotömä pä'äjita'anö dau ujuquecättö ba'ipö u̧huä̧ju̧ huȩja̧'a̧ jä̧'i̧nö̧'a̧nö̧ jö̧nä̧. ³¹ Ya̧tȩ ki̧'i̧pi̧nö̧mä̧ Jerusalenttö rä'opä̧cua̧, Sion möä'cattö'inä ttichäcuotö tottea'anä ka̧cui̧pi̧nä̧tö̧mä̧, cuorä ruhuä Ttu̧ru̧hua̧ Dios a'cuoyehuäcuähuä i̧sa̧tä̧ jȩä̧cuä̧ pi̧yȩmä̧. ³² Ju̧huȩnä̧ yabonänö Tu̧ru̧hua̧mä̧ pi̧yȩ'i̧nä̧ pä'ö Asiria ru̧hua̧ ötö'cömä: Ja̧u̧mp pi̧yȩ ötahuiyänämä doächi̧yä̧cua̧, 'po̧ä̧hua̧ri̧ ya̧ri̧tȩí̧nä̧ po̧i̧yä̧cua̧, ju̧huȩnȩmä̧m juhua jö̧ta̧'a̧nö̧ ttoepäräbicumä i̧chi̧'i̧yä̧cua̧ ja̧u̧ ötahuiyä ä'ca jo̧mȩmä̧, ja̧u̧ ötahuiyäcu to'ojicu jö̧ 'quiyyöjuäi tto̧ȩpä̧rö̧'i̧nä̧ aditiya. ³³ I̧chi̧nä̧mä̧ mä̧nä̧nä̧tä̧ ppa̧huä̧chä̧cua̧, pi̧yȩ ötahuiyänä'inä doächi̧yä̧cua̧, pä'ö Tu̧ru̧hua̧ Diosmä. ³⁴ Ja̧hua̧nö̧ ja̧cua̧'a̧ ttötä tta̧da̧ra̧'a̧ttö̧ pi̧yȩ ötahuiyä ki̧'pö̧nä̧ ppädäda pä'ö, ttötä cha̧mo̧nä̧ repedäcuäunä'inä juhua'a jö̧ ta̧'a̧nö̧ chu̧mö̧hua̧ya̧ Davidrö repeda'attö'inä. ³⁵ Ja̧hua̧nä̧ ja̧'a̧ koro'inä 'cuäopina'a ja̧u̧nu̧tä̧ yodo Dios hue'äcu angel'i̧sa̧ rä'opinö, Asirios cuorä ruhuä ttä'ecuomettö jȩpö̧ icua pä'ö 185,000nö̧ huotörö ruhuärö cuä'ö icuinö, mo̧ro̧ päi'a'a tto'orächiomenä o'catoinä 'corujuo'ächätötä pä̧ji̧nä̧tö̧. ³⁶ Ja̧hua̧nö̧ ji̧yä̧cu̧, Asiria ru̧hua̧ Senaqueribmä i̧hui̧'i̧nö̧, ppa̧'a̧chä̧chi̧nö̧ Ninive ötahuiyära'atä̧, ju̧huȩnȩtä̧ ki̧'i̧pi̧nö̧. ³⁷ Recuonänö 'cuäopäji o'comenä ö̧ä̧nä̧hua̧ Nisroc ojusodenä eseu ö̧ja̧'a̧nä̧, i̧tti̧mö̧ Adramelec'inä Sarezer'inä curodänä cuäcuäpö icuinätö̧. Ja̧u̧nu̧ o'comenä jahuätömä Ararat rȩjȩra̧'a̧cu̧ tö'ipächinätö̧, ja̧hua̧nö̧ ja̧ji̧ o'ca'a ruhuonä hue'äi jomemä i̧tti̧ Esar Hacóntä̧ ru̧hua̧ pä'i'inö.