¹ Jitämä huäbodäcuä a̧'ȩ päiomenä, Osea, Ela ki̧tti̧, Israel ttö̧ja̧ ttu̧ru̧hua̧, Ezequiel, Acaz, i̧tti̧ ruhuonä hueö kämädinö. ² Ja̧u̧mä̧ ku̧nä̧ri̧nö̧ Veintecinco a̧'ȩ jo̧mȩnä̧ ruhuonä veintinueve a̧'ȩ jo̧mȩnä̧. A̧ju̧ kimimä mi̧cui̧nä̧ju̧ jina'ado Abi pö'ö jahuajumä Zacaria ittiju jina'a. ³ Jaumä jueönä̧tä̧ jȩpö̧ kinö U̧RU̧HUA̧ a'ca jo̧mȩttö̧ toä̧ro̧mȩttö̧'i̧nä, jä̧do̧töminättö'inä Davidttö'inä ijȩcuä̧rö̧nä̧ jȩpö̧ kinö. ⁴ Jaumä pporädä'chö icuinö ju'ttojunä tu̧ju̧ni̧nö̧mä̧ttö̧'i̧nä, jȩpö̧ icuinö inähuä u'chonö kacu'inä, dauhuiyättö'inä Aserarö ttu̧ju̧ni̧no̧mȩttö̧ cuäau'inä icuinö. Moise aditinö Ji̧nö̧ broncettö̧ a̧ca̧rö jȩpö̧ icuinö jaunö mo̧ro̧ Israel ttö̧ja̧mä kuä'chö jȩpä̧'chi̧nä̧tö̧; jahuatanö i̧mi̧'i̧nä oinätö jina'a "Nehustán" pa'ö. ⁵ Ezequias a̧'cua̧ huȩnȩri̧nö̧ uru̧hua̧ iänä̧hua̧rö̧, I̧sra̧ȩl ttö̧jä̧ ttu̧ru̧hua̧ Diosrö, judattö'inä o'cato'iönä ruhuotöttö'inä ya̧te'inä yori'isotä toina'a. Ja̧u̧ o'cua̧ huȩnä̧rö̧mä̧, toina'a yori'isotä ruhuotö jahuätöttö'inä a̧cuo̧mȩnä̧ta̧ ruhuonä hueinättö'ina. ⁶ A̧'cua̧ uhuenärina'attö dä̧bö̧ ja̧u̧ uru̧hua̧ iänä̧hua̧rö̧. Ja̧u̧mä̧ 'chänö'inä a̧'cua̧ huȩnaä̧rö̧ jaropiocö pinö. Jahuanö jo̧mȩnä̧ hueähuä huȩnȩ jȩa̧ pä'ö a̧'cua̧ huȩnä̧ri̧nö̧, iänähuä uru̧hua̧ moiserö iyähuinö ji̧nö̧tä̧. ⁷ Ezequiacu kinödo uru̧hua̧mä, korome ichio̧me o̧du̧nä'inä, adiutä jȩö̧mä räopunä. Ja̧u̧mä Asiria rȩjȩ ru̧hua̧cu a̧bo̧'cha̧ päi'inö jahuatanö hueö'inä jȩpo̧cö̧ pinö̧. ⁸ Filisteosrö rohuäu juruhuinödo Gaza jubö cä'ädo jahuatanö rȩjȩ jäyänö ttu̧ju̧cuo̧mȩ jubö, ju'tojunä adicuome'inä So̧ro̧da̧u̧ tta̧hua̧rä̧cuä̧huä̧ ttö̧ja̧ ttö̧ju̧cuo̧mȩ ötahuiyä röome ttoecuächome jubö. ⁹ Pa̧ja̧cuä̧nö̧ a̧'ȩ päiomenä ru̧hua̧ Ezequias, ji̧mö̧tȩ jahuättö ta'cherenö duo paiomena Oseas ö̧ji̧nö̧ mo̧ro̧mä, Ela i̧tti̧ jina'a, israel ttö̧ja̧ ttu̧ru̧hua̧ jina'a. Salmanasar Asiria ru̧hua̧ aboiyotö jina'ado Samaria ttö̧ja̧mä chuädö ku̧nä̧huo̧tö̧ päi'inätudo. ¹⁰ 3nö a̧'ȩ röji beipomecu päiomenä jahuaturö ȩmi̧nä̧tö̧, 6nö a̧'ȩ ezequia ö̧ji̧nö pänä, jaunu pänä Oseasmä Israel ttö̧ja̧ ttu̧ru̧hua̧ pä'iönä hueinö; pa'a nötä jȩpö̧ 'chuädinätö Samaria ttö̧ja̧rö̧. ¹¹ Jahuanö ja'a Asiria ru̧hua̧ ȩmi̧nö jina'a Israel ttö̧ja̧rö̧. Asiara'acu jahuatanö Habor ajenä Gozán ötahuiyä jahuatanö medo ttä̧ja̧ ttötahuiyättö'inä. ¹² Jaumä jȩpi̧nö jahuaturö esetäcuähuä'inä ttä̧ju̧ru̧ juiyunä ttu̧ru̧hua̧ Dios ihuene'inä, a̧ pättinö ji̧nö yori'iso ji̧'quichanö'inä jȩpo̧co̧tö pinätö̧, moiserö hueinö jinö'inä. Jahuatumä yapare huenemä a̧ju̧cuo̧co̧to̧ pinätudo. ¹³ 14nö duo paiomenä ru̧hua̧ Esequias hueinö pänä jina'a. Senaquerib, Asiria ru̧hua̧ jina'a. ötahuiyättö'inä o'catoinä rohuähuinätö jahuatanö Juda ttö̧ja̧ttö'inä o'cato'inä rohuähuinätö jahuatanö juda ttö̧ja̧ttö'inä 'chuädinätö. ¹⁴ Jahuanö ja'a Ezequiasmä, Juda ru̧hua̧rö̧, hueö icuinö i̧huȩnȩ Asiria ruhuarö, Laquis kinödo, päinödo: "Ttö suronä pä'ajisä ucuru tuipächi ttöttömä. ttömä chami'quidächiäcua̧sä̧." Asiria ruhuamä Ezequiarö jäepärinö päinö, Juda ru̧hua̧rö̧, 300nö talento oro'ina jina'a. ¹⁵ Jahuanö jo̧menä Ezequiasmä jaurumä o'cajuiyunä pärätä Dios o̧jödettö a̧u̧cuiä̧jimä iyinö ru̧hua̧rö̧ öäre pärätä huaadö rotähuome. ¹⁶ Jahuanö ja'a, Ezequiasmä cuäö'icuinö apatiyä orottö adicuä Dios ö̧jo̧de jueönä yo̧ȩcuä̧ro̧nä̧ u̧ju̧ni̧nö̧ ocanä, jaumä iyinö oro Asiria ru̧hua̧rö̧. ¹⁷ Ja̧hua̧nö̧ ja'a Asiria ruhuamä umöhuäyotö curä ru̧hua̧i̧rö̧ rohuäu tti'chönä jȩpi̧nö, hueinö tortanrö jahuanö ja'a Rabsaris'inä jahuatanö jueipa, ttu̧ru̧hua̧ Laquis ru̧hua̧ Ezequias Jerusalenä'inä. Jahuatumä tö'copächinätö ttö̧ja̧ma̧da̧ pä'ö aje reju huämenä, jahuätö ttö̧ja̧mä̧ kämädinönätö ppeyeunä. Ru̧hua̧ Ezequiasrö huopinätö, Hilcias, i̧tti̧ Elakim jina'a, ¹⁸ ojusodenä kinö jina'a, Sebna huȩyu̧cua̧ i̧sa̧ päiönä ki̧nö̧, Asaf, i̧tti̧ jina'a joamä 'cuäopö huȩyu̧cuä̧ tto̧ja̧ i̧sa̧ jina'a aditähuämä. ¹⁹ Jahuanö jo̧menä curä ru̧hua̧ ttu̧ru̧hua̧ jueipa̧ päinö jahuäturö jiähuätucui Ezequiasrö ru̧hua̧ttö̧ buo jo̧nä huarö, Asiria ru̧hua̧'i̧nä päinö: tidejättö jada'cattö cua̧'cua̧ cuhuänä̧rä̧cumä? ²⁰ Ucumä cuihuenemä micuähuocutä ucuocujä, curä rohuäu ppä̧ä̧dä̧rä̧tu̧rö̧'inä ku̧nä̧rö̧sä̧ Jitämä. dirö cua̧'cua̧ cuhuänära'attö? Tidejättö ttörö cuaboi̧ya̧ paiönä cujuru iyumä? ²¹ Ucumä topi isopäiönä cua̧'cua̧ huenä̧rö̧jä̧ cutta'ca suroju 'chänö'inä Egiptottöinä na̧ja̧'que ji̧nöttö'inä,jahuatanö ya̧tȩ ubo uhuämä̧dö̧ttö̧mä̧, o̧mo̧nä̧ ppurahuiönä 'cuäonätä ja'a Jautä jina'a Egipto ru̧hua̧ Faraonrö tta'cua̧ huenäräturö 'cuäopa'anö ji̧nö̧mä̧. ²² Jahuanö ja'anä ucutumä päcuätucuäcusä: ujutu'inä kacuätujä tu̧ru̧hua̧rö̧ ta'cua̧ huenä̧rö̧, Täo Diosrö, ¿jaumä jo̧ca'a jina'a, ju'tojunä tätähua'ca Ezequias ȩmö̧ icuinö Judarö'inö pä'ö jiäcuähui'inö ji̧nö̧ jahuatanö Jerusalenä'inä: ucutumä ucuotunö jȩcuätu̧cu̧aa'a̧nö̧ ja'a jerusalenttö tatahua'ca a'ca jo̧mȩttö̧? ²³ Jitämä adiunä jȩcha̧ pä'ö chu̧ru̧hua̧ hueähuänä, Asiria ru̧hua̧. Ttö chi̧ya̧cua̧sä̧ dos mil cahuayuturö, po̧cui̧pö̧'inä äjicuäcuähuotöttö'inä jahuätuttö. ²⁴ ¿Ta'anö jepö cuami'quicuächiätucuäcuajä̧ttö̧ ya̧tȩ curä ru̧hua̧ turuhuarö cu̧ru̧hua̧tu̧cu̧ umö̧hua̧ya̧ ji̧'qui̧cha̧rö̧mä̧? ucutumä jo̧mȩnö̧ cua̧'cua̧ huȩnärätu̧jä̧ cucara'quiyätä egiptora'attömä jahuatanö cahuayunä huä̧tu̧rö̧'inä ²⁵ ¿Ttömä 'cha̧hui̧o̧cö̧sä̧ tä̧ji̧ chu̧ru̧hua̧ to'önämä chorohuahua pä'ö'inä porö'inä jȩpö chucua pä'ö'inä.? chu̧ru̧hua̧mä̧ pääji ttörö: jȩpo̧ icui pinemä." ²⁶ Jahcuanö jo̧menä, Eliaquin, Hilcia i̧tti̧'inä, Sebna'inä jahuatanö joarö päinatö curä ru̧hua̧ tturuhua̧ juȩi̧pa̧: ppäadipö cumöhuäyoturö, ucuocui arameo tti̧huȩnȩnä̧ ujutumä ttötȩpä̧rä̧chiä̧cuo̧tu̧jä̧. ujutucumä cucuocuä Juda i̧huȩnȩnä̧mä̧ ttöja̧ tta̧ju̧cunä ttoecuäro̧me kacuätö ttä̧ju̧cua̧'a̧cu̧." ²⁷ Jahuanö ja'amä curä rohuähuätö ttu̧ru̧hua̧ päinö, jahuäturö: ¿churuhuamä hueäji curu̧hua̧rö̧ jahuätanö pi̧yȩ huȩnȩ cucuocuiyatucuorö pä'ö? ¿huene huocöpäjisä tä̧ji̧ cura rohuäu ttoecuäica huäme tto̧a̧ päömä, jahuanö huotumä jitutä ttite ttucu'anö ja'a jahuatanö jituta ttacueja ttahuocuotö ucutu'inä?" ²⁸ Ja̧hua̧nö̧ ji̧yä̧cu̧ curä ru̧hua̧ ttu̧ru̧hua̧ äräniö kämädö päicunä huopi'inö Judios tto̧ja̧ tti̧huȩnȩnä̧, pä'inö äjo̧cuätucui Asiria ru̧hua̧ i̧huȩnȩ. ²⁹ Ja̧u̧ ru̧hua̧mä̧ pä'ö: jarocuipätucuä Ezequias yapare jiahuätucuäcu pä'ömä, jaumä ucuturö pöcuipö'inä chujuruttö'inä cu̧ji̧pätu̧cu̧nä̧ ppäadiya'anö hua̧to. ³⁰ Ezequias u̧ru̧hua̧rö cua̧'cua̧ cuhuänärätucunä painödo: Jau u̧ru̧hua̧ isopäiönä ttö̧ji̧pö̧nä̧ päiönä ppä̧da̧cua̧ ujuturö, jahuatanö pi̧yȩ ötahuiyä Asiria ru̧hua̧ umänämä iyipocö ja̧cua̧. ³¹ Ezequiasrö cuäji̧cuä̧tu̧cuä̧, Asiria rȩjȩ ru̧hua̧ pa'anö pä'ö: Höcu'inä huȩnȩ juiyunä ja̧hua̧ta̧no̧ ttöcutä ichätucui. Ja̧hua̧no̧ ja̧'a̧ ya̧cu̧nä̧ ucututtömä vinottö'inä, Higuerrattö'inä ajiyattö'inä cuänö'inä ahuähuättö'inä cuamonä ucututä jahuättötä ja̧cua̧'a̧. ³² Ucutumä pi̧yȩ jȩcuä̧cuo̧tu̧jä̧ ttö chirehuo̧mȩ jubö päiönä rȩjȩttö'inä cuirejätu̧cu̧ päiönä cuemä̧cuotu̧ja̧, ku̧nä̧huä̧ o̧tȩttö'inä, jareö vinottö'inä, panttö'inä, olivo rȩjȩ'i̧nä ja̧hua̧ta̧nö̧ sadö mayajattö'inä, huäö cuicuätucu juiyunä cu̧ja̧cua̧tu̧cua̧ pä'ö. Ezequiasrö cuäjo̧cuä̧tucuo päö'inä ucuturö päinödö: "Tu̧ru̧hua̧ ttö̧ji̧pu̧nä ppä̧da̧cua̧." ³³ ¿Ya̧cunärö ttöänä̧huo̧tö ppäädätö täji Asiria rȩjȩ ru̧hua̧ umöhuäyotu ttöja̧ttömä? ³⁴ ¿TTö̧a̧nä̧huo̧tö̧ jo̧nä̧ huotumä ti̧nȩ ttö̧ju̧cua̧ jä̧ttö̧, Hamat'ina jahuatanö Arfad'inä jo̧nämä? ¿ttö̧ä̧nä̧huo̧tö̧ jo̧nä̧ huotumä ti̧ne ttöju̧cua̧jä̧ttö, Serfavaim'inä, Hena'inä ja̧hua̧ta̧nö̧ Iva'inä jo̧nämä? ¿Ti̧yȩnö jȩtti̧najä̧ttö̧ jahuätumä ttö chumöttö̧ ttö̧ji̧pu̧nä̧mä̧? ³⁵ Pi̧ja̧nä̧ ka̧cuätö̧ttö̧'i̧nä̧ o'catoiönä ttiänähuo̧ttö̧, ¿ Ya̧tȩ dios jo̧nä hua̧ öja̧di pi̧ja̧ rȩjȩttö̧ ttö chu̧ru̧chua̧ chumöttö ttö̧ji̧pu̧nä̧ ppädö'anö hua̧nä̧? ¿Ta'anö jȩö̧'anö jättö jau chu̧ru̧hua̧ jerusalenä ppada päömä ttötä chujuruttö'inä? ³⁶ 'Corunätä ka̧cui̧nä̧tö̧ ttö̧ja̧mä̧ ja̧hua̧ta̧'a̧nö̧ ädätocotö pinätö̧, jo̧mȩnö̧tä̧ jȩpö̧ u̧ju̧na̧'a̧ttö̧: "ädätäcuähuä'inä juiyunätä". ³⁷ Eliaquimä, Hilcias i̧tti̧ ji̧na̧'a̧, ojusodenä ki̧nö̧ ji̧na̧'a̧, Sebnamä huȩyu̧cuä̧'i̧sa̧, Ezequiasrö ichicuipinätö̧ cronista ttö̧ja̧ tto̧ca̧ta̧hui̧yu̧mä̧ rä̧'chȩnö̧ jö̧nä̧ ja̧hua̧ta̧'a̧nö̧ jiähuinätö̧ ja̧u̧rö̧ so̧ro̧da̧u̧ ttu̧ru̧hua̧ juȩi̧pa̧ i̧huȩnȩ'i̧nä̧.