¹ Eli ba ya Yawe bamwasukile Yobo ukuma mucitonga nekulabila ati, ² "Ninani uyu ulukufitisha ukufunda kumashiwi ukubala mano? ³ Kompimpe ngubo yobe pano koti mwalalume, pakuti nebo nakukwipushisha, umbulishishe. ⁴ Mbawebo wali kulipi ili nabikile ifyapanshi ifyaku calo? kolabila, kani uli nekalango! ⁵ Mbaninani uwacipimine, kani uliishi? mbananina uwatandabikile umwando pali co? ⁶ Mbefyapanshi fyaciko fyalikakilwe kundo? Ninani uwatekele ibwe lyamucilulu caciko. ⁷ Ili utubangabanga twalucelo twalukwimbila pamo nabana baba Lesa abalalume bonse nekubilikisha pakuti pakusangalala? ⁸ Ninani uwaisalile icishiba nefibi ili capokomokeshe, koti cakufuma munda. ⁹ Ili nacitile ikumbi ati cakufwala caciko, Nemfinshi itikeme ati cakucipambilisha? ¹⁰ Nekucipimina ukufunda kwandi neku bika imitanti yakucucula nefiibi, ¹¹ Nekulabila ati,' Epapa ungafika, sombi tekuti ucile po Ekuku kungacitilwa amankapa yobe ukulitota! ¹² Ukufuma kukutatika kwanshiku shobe kani webo wafunda ukuca nekuciishibisha icinya maca umupunda waciko. ¹³ Ati cingekata ukupelele calo capanshi Nebakubifya bakuntike mjli co? ¹⁴ Icalo cilaaluka koti libumba munshi yacakucinkapo, lomba ifintu fyonse filemakana koti cakufwala. ¹⁵ Fyefyo ukutuba kwabo kulikenwe ku ba kubifya ukuboko ukusuntukilenako nekukoneka. ¹⁶ Kani walingile mutuntupuntupu utwa mucishiba? kani walukwenda-enda umufise me munshi mumenda atali? ¹⁷ Kani ifilyangwa fyamfwa fyakufisu lukila ? kani wabona ifilyangwa fyakucito camfwa. ¹⁸ Kani waishibisha ubutali bwa calo ca panshi ? ulubile kani ulufiishibile fyo fyonse. ¹⁹ Mbenshila iyakwakuko ukutuba ili ku nlipi? nefyamfishi, mbumupunda waiyo ili kwisa. ²⁰ Ati ungatwala kumupaka waiyo , nekushi ishiba inshila ishakuya kuŋanda yaiyo? ²¹ Tecine ulukwishiba, pakuti kale wafyelwe ukupenda kwanshiku sgobo kwingi! ²² Kani walingile mufiamino fyampepo yacandwa kani walibwene ifilamin fyamfula itimbile. ²³ Ifyo nailamina impindi yakukatasha, nekukalamina akasuba kankondo nelubo? ²⁴ Mbanikundo kulekaniwa ukutuba necipupu icakumutulesuba nekupalanganiwa pa calo? ²⁵ Ninani uwapandwile umufolwa uwakupita mo amenda atobolokele, neli ninshila iya kupitamo akampeshimpeshi kacilulumo. ²⁶ Mukulengesha ati imfula iloke pacalo icakubulamo abantu, Napampanta apatapali bantu. ²⁷ Mukutekenesha umushili uonaikile uwakukoso nekulengesha ati icani icinakile cimene? ²⁸ Imfula kani ili nawishi? Ninani uwafyele imindondo yacine.? ²⁹ Nimunda mwabanani emwafumine amenda atimbile? Necandwa icitubile icakwiulu naco, ninani uwacifyele? ³⁰ Amenda alifishilwe koti nikuca mabwe pamenso pammenda atali palitimbile. ³¹ Kani uliishi ukukaka ibumba lyakwe peleadishi, neli kukakulula ifya ku kaka ifyakuli keshili? ³² Kani ulii ukuleta ba masaloti pampindi yabo? kani uliishi ukutangilila Ayi shi natoto utulukumulonda? ³³ Kani uliisha amafunde akwiulu? kani uliishi ukwikalika ubukulu bwakuko pa calo? ³⁴ Kani uliishi ukunsuntula ishiwi lyobe ukufika kumakumbi , ati amenda aengi yakufimbe-po. ³⁵ Kani uliishi ukutuma utumpeshimpeshi ati tuye Tulabile kuli webo ati, Nifwebo nkuno. ³⁶ Ninani ubikile amano umuntu mukati? Ninani uwapelo mutima akalango? ³⁷ Ninani ungapenda amakumbi ne mano? Ninani ungafiitulula ifikoko fyakwiulu. ³⁸ Pakuba amatipa ifukutu , nefibumbunkulwa nekukakatana? ³⁹ Ungapalukila inkalamu ifyakulya, neli kwikusha abapembela bankalamu. ⁴⁰ Pakubendama bo mumacengo abo, nekwikala umufiseme mukulu kubelela? ⁴¹ Ninani utebetela cikwangala ifyakulya fyakwe, pakubililila ba Lesa utwana twakwe nekulukwenda-enda pakuti pakubule fyakulya.