¹ Kuli fyefyo kabili uutima wandi ulukututuma, nekuteshiwa pamupunda wauo. ² Kamumfwisha, icipupa ceshii lyabo, nekulila ukulukufuma mukanwa kabo. ³ Balakutuma munshi yeulu lyonse nekampeshimpeshi kabo ukuficila ukupelele lukoso icalo capanshi. ⁴ Panuma paliko ishiwi lilapota; balaluluma ne shiwi lyabufumu bwabo; Nebo tabatukanya utumpeshimpeshi pakumfwa nikwa ishiwi lyabo. ⁵ Ba Lesa balaluluma ukwakukankamana neshiwi lyabo, balaficita ifintu ifikulu ifi tekuti twishibe. ⁶ pakuti balalabila kumpepo yacandwa ' ati ube pa calo,'' fyefyo kabili nakukafula kamawalalaNakumfula yabo ikulumakosa. ⁷ Balacinkapo nekeshibilo paninwe yabantu bonse, ati abantu bonse abo walengele bakeshibe imilimo yabo. ⁸ Fyefyo ifilwani filengila umwakubelamina mwfi fyo , Nekushala mumacengo afifyo . ⁹ Icitonga cilatulila ku cipinda cakusaufu nempepo nekufuma kunofu. ¹⁰ Kamupuya wa ba Lesa ekupelwa icandwa nebutali bwamenda nekufinika. ¹¹ Icine, balatwika ikumbi ilitikeme nemenda balapalanganya ponse ponse ikumbi lyaka mpeshi mpeshi kabo. ¹² Lilaaluka aluka kukwensha kwabo ati acite fyonse fyo ifi waafunda pamenso ya calo icingekalapo nebantu. ¹³ Kani nimukucenjesha; kani nipakuti pacalo cabo, kani nipakuti pankumbu epo walengesha ati lifike. ¹⁴ Kamumfwafi ,mweba Jobo, mwimakane, mwelakanye imicitilo ya ba Lesa iyakukanakamana. ¹⁵ Kani muliishi ifyo ba Lesa baafunda nekulengesha ati akampeshi mpeshi akawikumbi lyabo kabyate. ¹⁶ Kani muliishi ukutengeshiwa kwa makumbi, ifyakucita ifyakucita ifyakukankamana fyababo aba waminine mukalango? ¹⁷ Ifyo fyaba necibe ifyakufwala fyenu ili icalo cabe cibombe pakuti pacipupu icakusaufu? ¹⁸ Kani muliishi ukutandabika umucelebe pamo nabo uyo uli nemakosa koti kalolelo akasu ngukile. ¹⁹ Mutusambishe ifyelelwe ukulabila fwebo kuli bo, pakuti tatwishi ukwanshika imilabililo yesu pakuti pamfinshi. ²⁰ Fingabulwa kuli bo ati nakulabila? kani umuntu angafwaya ukuminwa? ²¹ Fyefyo ubukumo abantu tababona ukutuboko ukusasamukile ukuli muicelebela. sombi icipupu cilapitilila ne kwiswesha. ²² Ubuleme bwe golide bulafuma kunofu pali ba Lesa pali ubuleme bwakutinisha. ²³ Ifya babo abamakosa onse, tekuti tufishibe! balicilile amakosa mukusololola namukulungama ukufulile teti bakapesye. ²⁴ Pakuti pali fyefyo abantu bala batina tababalanguluka bonse abo abalukuesha ati bamano.