¹ Eliyu kaalukutwalamo nekulabila ati, ² "munsumine panini, eli nakumulangisheni pakutindi nafimbi ifyakubalabilila ba Lesa. ³ Nakubula amana andi ukutali, nekubapela Aalengeshi bandi ukulungama. ⁴ Pakuti cine amashiwi andi taali yakubepa; abawaminine mumano bali nenu. ⁵ Boneni , ba Lesa ba makosa, tabapufyapo neli umo; Bakulu mu makosa akwishibisha. ⁶ Tabalama umweo wambifi, sombi bala bapela abapengele ifyelelwe bo. ⁷ Tabafumyapo amenso yabo kubalungeme, sombi pamo nemfumu ishili petebe balabekelika inshiku shamuyayaya, nabo kabansutulwa. ⁸ Lomba kani bo nekukakwa neminyololo nekwikatwa nemyando yamapensho. ⁹ Eli babalangisha imilimo yabo, nekushi lulula kwabo ati walicitile ifyakulitota. ¹⁰ Kabili walashinkula amatwi yabo ati bomfwe ifyakufunda, nekubeba ati babwele kukusendama. ¹¹ Kani bomfwe abapyungile, bangekala nenshiku shabo mumashuko, ne myaka yabo mufyakubasangalasha. ¹² Sombi kani teti, bomfwe, bakafwa kumpoko; Nekufwa apakubulo kwishiba. ¹³ Sombi abakupushanya ba Lesa mu mitima balukulilonganishisha ubukali; Tabalilila ukofwako pakuba kakabo. ¹⁴ Balafwa kubusankwa, nemweo yabo nekupela pakati paba fibipile. ¹⁵ Balapululusha ukululukile kukukululuka kwakwe; Nekushinkula amatwi abo ili bali mu mapensho. ¹⁶ Icine, bangamufumyeni munsoni nekumufisheni pantu apakulu apatapali ukufi nika ifyo ifitekelwe petebulo lyenu finga wa filumbulukile. ¹⁷ Sombi muliiswile ukusolola kwaba kuli fya; ukusololola nekulungama kulamwikateni. ¹⁸ Pakuti kuli ubukali kumucengela, mwingesa mukongolwa kukukumana kwenu, mwisumina ati ubukuu bwa kulubula bumupasusheni. ¹⁹ Kani ububoni bwenu bwakukumana, mwiba nepensho, Neli bukulu bonse ubwa makosa enu. ²⁰ Tekufwaisha ubushiku, pakupinikwa abantu pantu pabo. ²¹ Kamucrnjrla tekulolesha bumbifi pakuti nibo bo emwasalulwile ukucila napepensho. ²² Boneni ba Lesa balalisuntula kuma kasa yabo; mbaninani uwishi ukusambi sha koti nibo? Ninani uwabafundile inshila yabo? ²³ Ninani ungalabila ati, mwacitefyo ifitafilungeme? ²⁴ Kamulanguluka, ati mulemye imilimo yabo, ifyo baimbile abantu. ²⁵ Abantu bonse balilolelepo uuntunshi alukwi tontomeka ukutali. ²⁶ Boneni, ba Lesa bakulu, Sombi tatulukubeshibapo; ubwingi bwamyaka yabo tekuti bwishibwepo. ²⁷ Pakuti balaselula imindondo yamenda iloke imfua iyakufuma kucushi cabo. ²⁸ Ilyo imicelelbela ilokesha nekuponnyo kwati pabantu. ²⁹ Icine kani, pali ungeshiba ukutandabala kwamakumbi, neli filulumo ifyamungomi yabo. ³⁰ Boneni , balabyala nekutuba kwabo apashingulukile Nekufimbamo namunshi mucishiba. ³¹ Pakuti nikuli fyefyo eko wasololola nebantu balapela ifyakulya ifingi. ³² Bafimbapo paminwe yabo nekampeshi nekafunda ti kafikilile nebulungi ³³ Icipupa cakako cilatulisha ifyakulibo Neŋombe nekutulisha ukwisa kwatukula.