¹ Nakabili Eliyu aliasukile, nekulabila ati,'' ² "mulukulanguluka ati ici celelwe mwebo mulukulabila ati, ukulungama kwandi kulici lile napakwa ba Lesa? ³ Pakuti mwebo ati, mboko kulukunsyukisha shani?' shani ningaba nefyakubwenapo ifyakucila napakubifya nebo? ⁴ Nekumwasukeni mwebo neba byenupamo. ⁵ Kamulolesha kumaulu, mubone, Boneni kumaulu ili itali ukucila napali mwebo. ⁶ Kani mwabifya, mbamulukuba cita shani? kani ifyakushilulula fyenu fifule, mba mulukubacitila shani? ⁷ Kani mulingeme, mbacindo mulu kubapela? findo ifi walukupoka kuminwe Yenu? ⁸ Ukubifya kwenu kungasomesha umuntu ,uli koti nififif ifi muli, ukulungama kwenu kungamushukisha umwana wa muntunshi. ⁹ Pakuti pakukululuka, ukwingi walukulila; walukulilila ukofwa-ko pkuti pakuboko kwaba makosa. ¹⁰ Sombi towalabile neli umo ati,; mba ba Lesa abalengeshi bandi balikulipi , abapela inyimbo ubushiku. ¹¹ Abatusambilisha ukucila napanama shapa clo, nekutupela amano ukucila napa fyuni ifyamwiulu?'' ¹² Epo balila, sombi ba Lesa tabalukwasukapo pakuti pakulitota kwa bantu ababipile. ¹³ Cine cine ba Lesa teti bomfwe ifyaluko so Ne ba maksosa onse nabo teti bafila nguluke. ¹⁴ Tange cine pakulabila mwebo ati, Nshili kubabona-po, umulandu uli pamenso bo, ndukuba pembelela!. ¹⁵ Sombi bukumo pakuti tabeshilepo mubuki bwabo, Neli kubanguluka ukwakuti icitala. ¹⁶ Pali fyefyo na Jobo balaasamuka pakanwa kabo ukwalukoso; Nekuukufusha amashiwi apakubula kalango.