¹ Umwalalume uyo uufyelweku mwana kashi, alekala lukoso inshiku ishice kabili ishiswile ukupenga. ² Alafuma mumushili koti liluba ekikabi lilya lela nekuputulwa ukuposwa panshi, alashimangana koti cinshi nga kabili tabonekapo. ³ Kani mulabona palicimo icapali fifi? kani mulembwesha mukusotolola pamo na mwebo? ⁴ Ninani uungaleta icintu ica bwingino ukufuma mu cintu icitacili cabwingino? tapapo neli umo. ⁵ Inshiku shamwalalume (umuntu) shili piminwe nempendwa ya myenshi yakwe ili namwebo, muli sontele apakulela pakwe apo apotekuti apitilile. ⁶ Lolesheni mufumeko kuli ye ukweba ati angatusha , ukweba ati angasangalala mukasuba kakwe koti mwala lume uwakwa shima kani angacite fyo. ⁷ Kungaba ukucetekela kuciti, kani catemwa caputulwa panshi, pambi cingasoka nakabili, ukweba ati utwa mitano utu nakile tatulobele. ⁸ Nangaba imishu yaciko ilakulilako mu mushili necishinga cafwa mwiloba. ⁹ Ifyo cili kani cicilicelenunsha amenshi, cika sonsa nekufumya imitano koti lubeu. ¹⁰ Sombi umuntu alafwa; alalelakaonda, icine, umuntulaleka ukupema, kabili pano nipi ali? ¹¹ koti menshi aashimangana ukufuma mucishiba kabili koti ninika ilofya amenshi kabili nekuminina, ¹² Efifyo abantu balasolobala panshi kabili taba bukapo nakabili. Mpaka kukabule ukubaka amaulu, taakabukapo neli kushinshi muka ukufuma mutulo twabo. ¹³ O, pano mwebo munga mfisa mumpinte mushe oli ukutali ukufuma kumapensho, nafifyo atiungandama mubumfishi mpaka ubukali bwenu bukapite, ukweba ati munambikila akapindi aka kwikala uko kabili pano mukanjite mukunda nguluka! ¹⁴ Kani umuntu afwa, angekala nemwona kabili? kani cilifyo, ningafwaisha ukupembela kula impindi yandi yonse iyakunaka mpaka ukuka kuluka kwandi kukesa. ¹⁵ Muli ne kwita, kabili nkamwasukeni mukaba nekufwaya pamilimo iya ma boko enu. ¹⁶ Muli nekupenda nekusakamana uku mfwa inta mpilo sha makasa andi tamukaondaisha ukukonka ukubi fya kwandi. ¹⁷ Ukupulaisha kwandi kukakakilwa mukati mucola, mukafimbapa kuli fya kwandi. ¹⁸ Sombi nemapili alapona taesapo mukubapo, nemabwe nao alatela afuapo apo pamupundo auko. ¹⁹ amenshi alakwesa ukushilisha amabwe, ukwisula kwemenshi kwalisamfishe ulukungu lwacalo. koti nifyefyo mulonaula ukucetekela kwa muntu. ²⁰ Yonse mpindi mula mukomeka, kabili alapita alaya, mulalula icinso cakwe nekumutuma ukuya mukufwa. ²¹ Kani abana bakwe abalalume bacindikwa, taeshibapwe fyo kabili kani bo babwesha panshi tekuti acibone pweco. ²² Alomfwa lukoso ukusoena ukwa mubili wakwe, ne kulilila umwine enka.