¹ Pano Elifasi umwina Temaniti kaasuka nekulabila. ² ''Kani umuntu wamano angasuka uuline bwishibilo ubwalukoso nekulisihsa umwine na kabesha uwa kumutulesuba? ³ Angambaula pamo ne kulabila ukwakubula kantu neli fyakulabila ifyo ifya kuti tafika mucitila ifiweme. ⁴ Icine, uka shilisha umucinshi waba Lesa ulacinga ukwikatana kuli ye. ⁵ Pakuti ukulaishako be kwasambilisha akanwa kobe, wasala ukuba ne lulimi ulwa muntu uwacenjelesha. ⁶ Akanwakobe wemwine kakuseka, tapokandi, icine , imilomo yobe we mwine yalanga ukukwalukila. ⁷ Kani webo ewe muntu wakutanga uwafyelwe? webo waliletelwe u mukubapo ili amapili tangaboneka? ⁸ Kani ulyu mfwilepo imilangwe yamfiso iya ba Lesa ? kanshi taupeleesha akalango kuli we wemwine. ⁹ Findo wishi ifi fwebo tatwishipo? findo ifi umfwa ifyo ifi tafili muli fwebo kabili. ¹⁰ Ifili na fwebo babili ni mfwi kabili abantu abali bakulu mukwikala, aboabali bece kulu ukucila naba wiso. ¹¹ Kanshi ukusa ngalasha kwaba Lesa kwa cepesha kuli webo amashiwi ayo aali acifwe kuli webo/ ¹² Nindo umutima obe ukupintula kumbi ? nindo amenso abe akapawila. ¹³ ico icakweba ati wa pilibula umupashi obe ukwlukila ba Lesa nekufumya amashiwi aali koti niayo ukufuma mukanw kobe? ¹⁴ Umuntu ninani uyo uungabane bwingino? Yeni nani uyo uufyelwe kumwanakshi ukweba ati angaba mulungem. ¹⁵ Bona , ba Lesa taba bikapo ukucetekela na muli babo abali baswetele bakwe, icine, amaulu talipo abwingino muku bonakwakwe. ¹⁶ Kuba nebwingino ubu cepele shani kuli uyo uukowelele uupaka ifyamfiso, umuntu uunwa ifibipile koti menshi. ¹⁷ Ndinekukulnga, umfwe kuli nebo, ndinekubilisha kuli webo ifintu ifi mwene. ¹⁸ Ifintu ifi abantu abamano balififi shishe kuno ukufuma kuli ba wishibo, ifintu ifyo ifikolwe fyabo tafyafishilepo. ¹⁹ Aba bali fikolwe fybo, kuli bobe benka impanga yapelwe, kabili palibabo takwali umwensu uwapitile. ²⁰ Umuntu imbifi alasholola mukusomena inshiku shakwe shonse impendwa ya myaka iyo iibikilwepo kuwakupesha ukupenga. ²¹ Icipupa cacenswa mumatwi akwe, ili ali mukucita bwino, uwakonala akesa pali ye. ²² Talangulukapo ati ali nekubwelela ukufuma mumfinshi, impoko ilamupembelela. ²³ Alaya ku mipunda iipusene ukufwaya shinkwa, nekulabila, 'Alikwisa? Alishibile ati akasuba ka mfinshi kapalamina ²⁴ Ukupenga nekukulukuka fya mulenga u kumfwa mwenso fileesha ukumulwisha ukumwalukila, koti nimfumu iiliba mbile pakulwa. ²⁵ Pakuti afuma ukufisha nekuboko kwakwe ukwa lukila ba Lesa kabili abanemubo wakucitota ukwalukila abamakosa aakulu. ²⁶ Uyu muntu imbifi abutukila paliba Lesa ne mukoshi uutintilile, necakulici cila icitikemwe. ²⁷ Ici cacine, nakaba ati afiba pamenso akwe nefinonene fya kwe neku bunganika ifikasa mumusana wakwe, ²⁸ Kabili aikala muishi mumasala mumanganda umu umuntu neli umo ekelemo bukumo kabili iyo iyabambilwe ukuba mipili. ²⁹ Tabapo mubile, amaboni akwe takatwalililapo nefipe fyakwe tafikapalanga ninapo pa panga. ³⁰ Takatalamika ukufuma mumfinshi icimbili mbili cikomya icikali cakwe pakupe makwa mukanw kaba Lesa akaya umutali. ³¹ Mwi muleka eka cetekela mufintu ifya lu koso, ukulibepa umwine, pakuti ifyo ifya lukoso fikaba ecilambo cakwe. ³² Chikacitika ilimpindi yakwiya kufwa taingesa uutano wakwe taukabapo uubishi. ³³ Akapukumuna amakelepushi aabishi koti citi camakelepushi akaponya ukufumya ubuluba koti citi camu olife. ³⁴ Pakuti ubumba yantu abatabenda muli bu Lesa bukaba mubu umba umulilo ukashilisha ifisasa fyabo ifya mafisa kanwa. ³⁵ Balemita icakubifya ne kufyala ukusendama, ipafulyabo lilemita ubufi