¹ Bona, ishiso lyandi lyali bwene fyonse ifi, ukutwi kwandi kwalyumfwile neku cumfwa. ² Ifiwishi, fimo na nebo ndishi nshi cepele kuli webo. ³ Nangu cibe fyo, ndi nekulabila pano ne ba makakosa. ndefwaisha ukulabila pa fyandi naba Lesa. ⁴ Sombi mwebo mwe mu fimbile bucine nebufi, muli balaye abalukoso mwense. ⁵ O, mwalilingile bonse pamo uku kutumana mwikal nemutende uyo ukaba kalango kenu. ⁶ Umfweni pano ukwalakanya kwandi, umfweni kukupapata ukwa milomo yandi iyinkwete. ⁷ Mungalabilila ba Lesa ifya kubula uku lungama kabili mungaba mbawishi ifya kutumpaika? ⁸ Mungabalanga umusalululo? mungaba pikishishako umulandu ba Lesa. ⁹ Kani cinga muwa mineni ilibamu fwailisheni? mungabomutumpaika koti fintu mungesha ukutumpaika abantu? ¹⁰ Muli bucine bakamukalipileni kani mubumfishi mulapatulula. ¹¹ Kanshi ukuwama kwabo tekuti ku mutini she, kabili nemwenso kuli botekuti uponene pali mwebo? ¹² Ukulabila kwakulanguluka kwenu fishimpi ifipangilwe ne matoi ukulicicila kwenu kuli cicila ukupangilwe ne bumba. ¹³ Ikaleni inemutende ndekeni nenka, ukweba ati ndabile lekeni fifume ifinga lukulli pali nebo. ¹⁴ Ndi nekubula umunefu wandi mumeno andi , ndinekubula umweo wandi mu minwe yandi. ¹⁵ Boneni , kani banjipaya nshikabapone lucetekelo ulukashalapo nangu cibe fyo, nka cicila inshila shandi kuntanshi yakwe. ¹⁶ Ici cikaba emulandu paku pulushiwa, pakuti takupo umuntu uutalina Lesa akesa kuntanshi yabo. ¹⁷ Mweba Lesa , umfwisheni bwino kuku labila kwandi , lekeni ukutula kweshi wilyandi kwise kumatwi enu. ¹⁸ Boneni pano, nabika ukuli cicila kwa ndi bwino, ndishi ati nshilipo nemulandu. ¹⁹ Mboyo ninani uukapikisha nebo mwi kati? kani walishile mukucite fyo, kabili kani nalisangilwe neci lubo, pano nkakela uukutumene ne kulekako kumweo wandi ²⁰ Mweba Lesa, ncitileni lukoso ifintu fibili , kabili pano nshikafisamapo, nemwine ukufuma kumenso enu. ²¹ Fumyeniko kulinebo ukubokokwa kumpensha, kabili mwileka ifya kutinisha fyenu finde mbenemwenso. ²² Pano munjite, kabili ndi nekwasuka, neli ndekeni ndabile kuli mwebo namwebo mungasuke. ²³ Fili finga ifya kupulaisha fyandi ne fibipile? nsuminisheni njishibe uku talangana kwandi nebubi. ²⁴ Nindi mulefishila icinso cenu ukufuma kuli nebo nata koti ndimu lwani wenu? ²⁵ Kani mungakululusha ibula ili telele? munga butusha akalende ka cani akomine? ²⁶ Pakuti mulalemba panshi ifintu ifya bululu ukungalukila, mulandenga ukupyana ifyakubifya fyakubulumbwana bwandi. ²⁷ Mulabika kabili amolu andi mwi kusu, mulapela mina apepi ukubona inshila shandi shonse, ulesha ukwishiba umushili apo utushishilo twa molu andi twaenda. ²⁸ Nangaba ndi koti cintu icibolele ica onaika caposwa koti cakufwala ico ica likwa kufi pempele.