¹ Mpoona Jabin, mwami wa Hazor, naakanhvwa ceeci cakacitika, wakatuma makani kuli Jobad, mwami wa Madon, aku mwami wa Shimron, alimwi aku mwami wa Akshaph kuti bamugwahye kulwana ba Israel. ² Alimwi wakatuma aaya makani ku bami abakali kuhvwa muzhyilundu zhyakunyika, mwibanda lya mulonga Jordan kulubahvwu lwakumusanza kwa Kinnereth ku lwizhyi lwa Galilee, kumisena, alimwi amu Naphoth Dor kulubahvwu lwakumbo. ³ Alimwi wakatuma aaya makani kuba Canaanite aba kwijwe a kumbo, akuba Amorite, akuba Hittite, ba Perizzite, ba Jebusite bamucihyi ca zhyilundu, alimwi akuba Hivite abakali munhyi munhyi lya Cilundu ca Hermon munyika ya Mizpah. ⁴ Boonse bahyinkondo babo bakahvwa ambabo, kabali mumweelwe mukando waba hyikalumamba, mumweelwe kabali banji mbuli museenga wakunkomwe yalwizhyi. Bakali kukwete amweelwe munji wamabbiza alimwi ainkalaki zhyinji. ⁵ Boonse bamami aaba bakaswaangana kuciindi cakabikilwe, alimwi akukkalila ku meenzhyi aku Meron kuti balwane inkondo aba Israel. ⁶ Mwami Leza wakaambila Joshua, ''Utabayoowi, nkaambo cihwumo aciindi eeci mebo ndakabapa aaba boonse kuli ba Israel kaili mitunta yabantu. Mabbiza aabo mulakaalemanya, alimwi mulakaumpa ainkalaki zhyabo.'' ⁷ Joshua alimwi abahyikalumamba bakwe bahyinkondo bakahika uko. Bakahika kumeenzhyi aaku Merom icakubilaana, akubalwana bahyinkondo nyina. ⁸ Mwami Leza wakapa bahyinkondonyina Israel mumatanhyi aakwe, alimwi bakabayasa akuba kangaanya mane ku Sidon, bamwi ku Misrephoth Maim, aku cibanda ca Mizpah kuya kwijwe. Bakabayasa boonse mane kuhikila kuti kunyina anaba omwi muntu wakahyaala kapona. ⁹ Joshua wakacita kuli mbabo umbona Mwami Leza mbwakamwaambila. Mabbiza aabo wakaalemanya alimwi wakatenta ainkalaki zhyabo. ¹⁰ Joshua abahyikalumamba bakwe bakapiluka ku Hazor kuciindi eeco akulwana munzhyi akuukoma. Joshua wakayasa mwami wamunzhyi aicheba. ( Munzhyi wa Hazor ngowakali ngomutwe wamalelo aaya oonse.) ¹¹ Bakabayasa akuyaya aicheba zhyoonse izhyakali kupona ooko, alimwi akuzhyibika amabali kuti zhyinyonyoonwe, kutabi nociba comwe cihyaala kacicipona. Mpoona wakautenta munzhyi oonse wa Hazor amulilo. ¹² Joshua wakasaala minzhyi yoonse yabamami aaba bakali kulwana Israel. Alimwi wakasaala akulwana akubakoma boonse ba mami babo alimwi akubayasa kumbela ilya cheba. Wakanyonyoona cakumanininzhya kubelehya icheba, umbona mbuli Moses mubelehyi wa Mwami Leza mbwaakalailila. ¹³ Israel walo unyina nakatutenta tunzhyi toonse utwakayakilwe atala lyatulundu, wakatenta buyo munzhyi wa Hazor walikke. Uyu munzhyi walikke Joshua ngwakatenta. ¹⁴ Mpoona bahyinkondo ba Israel bakabweza zhyintu zhyobakayana mutunzhyi kubikilizhya abanyama bahvwubwa bakazhyitola zhyaba zhyabo. Bantu boonse bakabayaya kubelehya kuyasa aicheba kuhiikila boonse bakamana kuhwa. Kunyina cintu naa muntu naba omwe wakahyaala kayoya. ¹⁵ Umbona Mwami Leza mbwaakalailila Moses mubelehyi wakwe, munzhyila njiyona, awalo Moses mbwaakamulailila Joshua. alimwi awalo Joshua wacitacita umbona. Kunyina cakahyaala kacitacitilwe a Joshua kuli zhyoonse Mwami Leza nzhyakalailila Moses kucita. ¹⁶ Joshua wakabweza nyika iyo yoonse: nyika cakuzhyilundu, aya Negev yoonse, nyika yoonse ya Goshen, ayatulundulundu twamaulu, aya cibanda ca mulonga wa Jordan, alimwi anyika yamunzhyi wakuzhyilundu uwa Israel alimwi anyika yamisena. ¹⁷ Kuhvwa kucilundu ca Halak Munhyimunhyi acihyi ca Edom, alimwi akuunka kulubahvwu lwakunyika mane kuhyiikila ku Baal Gad mumusena munhyimunhyi ku Lebanon aanhyi a cilundu ca Hermon, Wakabalwana wabakwata Joshua boonse bamami babo alimwi akubayaya. ¹⁸ Joshua wakabuhya walwana inkondo kwaciindi cilanhwu abamami aba boonse. ¹⁹ Kunyina munzhyi nouba omwi wakabamba akupona ca luumuno abahikalumamba ba Israel kukwihya buyo ba Hivite abakali kukkala mu Gibeon. Israel wakalwana cakukoma eezhyi zhyihyi zhyimwi zhyoonse munkondo. ²⁰ Mbokunga Mwami Leza nguwakayumya myoyo yabo kutewa bahvwumine kulwana inkondo abana Israel, kutewa kuti banyonyooke boonse kakunyina kubahwila luse, umbona mbuli mbwaakalailila Moses. ²¹ Mpoona Joshua wakahika ku ciindi eeco nocakeelela kulwana akubanyonyoona madabbala aamalombwana bana Anakim. Wakabayaya boonse abakali mucihyi cakuzhyilundu, baku Hebron, aku Debir, ku Anab, alimwi akucihyi cakuhyilundu ca Judah, alimwi amu cihyi cakuzhyilundu ca Israel. Joshua wakabayaya kubanyonyoona cakumaninina boonse alimwi aminzhyi yabo yoonse. ²² Kunyina naba omwe wabana Anakim wakahyaala munyika ya Israel cita buyo bakali ku Gaza, Gath, alimwi aku Ashdod. ²³ Nkokwaamba Joshua wakakoma nyika yoonse yakooko, umbona Mwami Leza mbwaakaamba kuli Moses kuti ulakapapa inyika. Joshua wakaipa inyika kuti baihvwube bana Israel, wakayaabanya abamwi mumuhyobo wabo. Mpoona inyika yakalyookezhya kuhvwa kunkondo zhyakulwana.