¹ Ono aaba mbaba mami banyika iyo, abakalwana akukomwa kubana Israel. Bantu ba Israel bakabweza buhvwubi boonse bwa nyika iyo kwiwe lya Jordan ukupolela izuba, kuhvwa kucibanda ica mulonga wa Arnon kuya kucilundu ca Hermon, alimwi aboonse bana Arabah abakwiwe. ² Sihon, mwami waba Amorite, wakalikukkala mu Heshbon, wakalela kweendelezhya kuhvwa ku Aroer, uuli kunkomwe lya cigooma ca mulonga wa Arnon kuhvwa ibanda mpolili akatikati, alimwi acisela ca munzhyi wa Gilead kuselemuka anhyi kutola kumulonga wa Jabbok kumunyinza waba Ammonite. ³ Sihon nguwena wakalela kweendelezhya koonse ku Arabah kuhiikila ku Lwizhyi lwa Kinnereth, kutola kwiwe, mane ku Lwizhyi ulwa Arabah (ndolwizhyi lwa mwino) kuya kwijwe, koonse kulya mane kuhyiiklia ku Beth Jeshimoth alimwi akutola lwakumusanza, kululama kuya anhyi amalale aakutantila mulundu Pisgah. ⁴ Og, mwami wa Bashan, umwi wabana Rephaim wakacihyeele, wakakkele mu Ashtaroth amu Edrei. ⁵ Wakalela kweendelezhya koonse ku mulundu wa Hermon, Salekah, alimwi a Bashan yoonse, mane kumunyinza wabana Geshuri alimwi abana Maakathi, alimwi acisela ca Gilead, mane kumunyinza wa Sihon, mwami wa Heshbon. ⁶ Moses mubelehyi wa Mwami Leza, alimwi abantu ba Israel bakakonzhya kubakoma, alimwi Moses mubelehyi wa Mwami Leza, wakaipa inyika kuba Reubenite, ba Gadite, alimwi acisela camuhyobo waka Manasseh. ⁷ Mbaaba ba mami abanyika iyo Joshua alimwi abantu ba Israel mbobakakoma kulubahvwu Jordan nkwali kumbo, kuhvwa ku Baal Gad kumusena uuli munhyimunhyi aku Lebanon kuya kumulundu wa Halak munhyimunhyi ku Edom. Joshua wakapa inyika kumihyobo yabana ba Israel kuti baikone. ⁸ Wakabapa cihyi cazhyilundu, amumisena, ku Arabah, ku mabahvwu oonse aa hyilundu, mu nkanda, alimwi a Negev - inyika yaba Hittite, ba Amorite, alimwi abana Canaani, ba Perizzite, Hivite, alimwi aba Jebusite. ⁹ Bamami aba tulabikilizhya amwami waku Jericho, mwami waku Ai kahyi kalikumbali ilya Bethel, ¹⁰ mwami waku Jerusalem, mwami waku Hebron, ¹¹ mwami waku Jarmuth, mwami waku Lachish, ¹² mwami waku Eglon, mwami wa Gezer, ¹³ mwami waku Debir, mwami waku Geder, ¹⁴ mwami waku Hormah, mwami waku Arad, ¹⁵ mwami wa Libnah, mwami wa Adullam, ¹⁶ mwami waku Makkedah, mwami wa Bethel, ¹⁷ Mwami waku Tappuah, mwami waku Hepher, ¹⁸ mwami waku Aphek, mwami waku Lasharon, ¹⁹ mwami waku Madon, Mwami waku Hazor, ²⁰ mwami waku Shimron Meron, mwami waku Akshaph, ²¹ mwami waku Taanach, mwami waku Megiddo, ²² mwami waku Kedesh, mwami waku Jokneam mu Carmel, ²³ mwami waku Dor mu Naphoth Dor, mwami waku Goyim mu Gilgal, ²⁴ alimwi a mwami waku Tirzah,. Mweelwe wabamami bakali makumi atotwe amwami omwi kubabala boonse antoomwe.